من هجوسٍ تجبر المعنى اجباري=ودي اخذلي مع الطاروق سيره
ياهل المقناص طاريلي طواري=واتحدث حول رحلتنا الاخيره
وانشد العملاق زيزوم المساري=ريس الحمله ولازم نستشيره
يوم سافرنا مع الارض الصحاري=مع نفودٍ بين لينه والزبيره
وش عطيت الشاص والجيب السفاري=يوم نحداهن على الطرق العسيره
والطعوس اللي مثل وصف الكباري=من طلع راس الطويل ومن يديره
منهو اللي يدحمه تقل انتحاري=ومنهو اللي يعترض ويصر قيره
يالزغيبي لاتميل ولاتداري=الحكم يعدل ولايظلم ضميره
والله اني ماتنازل للسفاري=وصورة (الباشق) على برقع اسبيره
ون نطحته شفت في وجهه مواري= تقل وجه داشرٍاًً مافيه غيره
ولآعترض زوله تقل عامل مجاري =شايل العده وناصيله حفيره
ماينافس بالهطف شهب الظواري= عارفينه لاسلاح ولاذخيره
مستواه من الدوام الى الحواري= مثل ماقال(ام زيدي بم ديره)
.=
.=
.=
مفلح الرقابي الوسيدي=

من هجوسٍ كنها البنك التجاري=لاطرا محرافها ماتستعيره
لو هدفها منطقٍ ماهو حضاري=ماتخليني ليا شاء الله بحيره
يالهاب الوضع مهو بختياري=الرقابي زلهته عندي كبيره
ريف من جابنهم قطم السماري=كل واحد محفيٍٍ عقبه بعيره
لنشاما والعشاء عنده محاري=ماهو اللي دوم في ربعة قصيره
دون لنقص بالنظير وبالمباري=عن حسبهم ازبن الله واستجيره
يوم صار العلم له كاتب وقاري=تحت نور الشمس في عز الظهيره
الحقيقه جاك يامفلح قراري=بعد ساعه تسمعونه بالجزيره
يعتبر تعميد تعميمٍ وزاري=وغير ربي ماعبدت ايلاه غيره
فرق ممشانا مثل مرمى السواري=لاغطى راس الهدف نصف الشعيره
خص في عرقين وعرات ومذاري=حولهن مايهد راع الطير طيره
شفت شئ واقعه بين جهاري=السفاري كشخت الناس الفقيره
بالنفود تسحبه خجم اللواري=ان عرف له مصنعه حطه صغيره
ان زعل راعيه من حقه يجاري=وان تركنا لا ملام ولامعيره
ان وقف من فوقه التيار عاري= ونجلس وافلح بها ماهي كثيره
الفخر للي على الجوده يماري=وارد مشهور يفخر به خبيره
وارد الفكس آر مامون البراري=مركب اللي جايب بشته وزيره
ماشيٍٍ بمهمةٍ فيها اضطراري=كنه اللي هد من ماكر وعيره
وامتناني لنشاما واعتذاري=للامور مداعبه وإلها سريره
غازي بن مغيران الزغيبي=
.=
.=
.=
.=
.=
.=
.=
.=

من هجوسٍ مثل قوات الطـواري=تقتحم معنى راع الشاص و شويـره
يالزغيبي بـان للميلـه مـواري=والعلوم اللي سمعناهـا خطيـره
وانت ماحطك محكم واستشـاري=غير رجالٍ يعرف انـك خشيـره
مير تحكيمك من الانصاف عـاري=والحقيقه غلطتك ماهـي صغيـره
تمدح الفكس ار في صوتٍ جهاري=مادريت ان السفاري هو نظيـره
انشد اللي بايعٍ فيهـن وشـاري=وعارف عشاقهن في كـل ديـره
ماشريته مقصدي قل المصـاري=ابك انا في خير وفلوسي كثيـره
مير هذا هو مزاجـي واختيـاري=عاشقه عشق الهواوي للعشيـره
والقنوص مدورة برق الحبـاري=حطو النسيـان قائـد للمسيـره
يوم راع الشاص قصاص الاثاري=للسلق والعفـش ماكلـف بغيـره
واحمد الله بانت الحجـه جبـاري=الزغيبي ماذكر للشـاص سيـره
مير انا ساكت وحاذفهـا يسـاري=مابغيت اطور الموقـف واثيـره
لين شفت غليص يشهد مع مكاري=ويجر الذمه عليـه بربـع ليـره
ويوم سبو موتري يابا الثـواري=الطـم الشاوي و لاتلطـم بعيـره
جاك ياالعملاق مـردود اعتبـاري=واعذروني صار عندي نوع غيره
الهاب بن عوض الوسيدي=

المشاركة الأصلية كتبت بواسطة الحب الباقي (المشاركة 211262) الله يـعـطـيـك الـعـافيـــــــــــة على القصيده وصح لسانك مليون وصحت السنتكم جميعأ بيض الله وجيهكم

المشاركة الأصلية كتبت بواسطة ابومشعاب الحربي (المشاركة 211265) نص رائع وجزل صح لسانك ودام ابداعك سجل اعجابي ومتابعتي

المشاركة الأصلية كتبت بواسطة مشعان الحربي (المشاركة 211266) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة ذيب الكهفه (المشاركة 211273) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة نظم القوافي (المشاركة 211278) صح لسانك وسلم فكرك وبارك الله فيك ولاعدمناك

المشاركة الأصلية كتبت بواسطة ماجد بن تركي الحربي (المشاركة 211285) صح لسانك عبرت وأجدت تحياتي وإعجابي

المشاركة الأصلية كتبت بواسطة حمود الجابري (المشاركة 211352) صح لسانك والله يعطيك العافيه

المشاركة الأصلية كتبت بواسطة راعي الحناكيه (المشاركة 211395) صح لسانك يالذيب .. ولاهنت نص راقي ..و عذب المعاني .. ! سلمت مشاعرك .. دمت بـ إبداع راعي الحناكيه

المشاركة الأصلية كتبت بواسطة أنـــــاواللـــــيـــــل (المشاركة 211400) صح لسانك وسلم بنانك اخويي

المشاركة الأصلية كتبت بواسطة ثامر الحربي (المشاركة 211427) صح لسانك يالذيب وسلم فكرك دمت