|
جينا نهني ابو هتــان 00 مشرف على ملتقى الكسره
ياهوووووووه وخرووووووووا عنه عجييييب ياولد المقرح بس تدرررري لاااااااااااااايق وصراحه اهني الاداره على هذا الاختيار الموفق مع انه ماحد دقلي بـيجر ولاارسلي حمام زاجل ولا حتى زغاليل فالفرن لاكن ماعليه ماقولكم غير كل عام وانتم بخير . .
جينا نهني ابو هتان = مشرف على ملتقى الكسره لجله مغندر ولد فنان = واعطيه عشره على عشره . . بس كيف مغندر ولد فنان هههههه |
طالت الغيبه يابوفرح
وكل عام وانت بخير وصح لسانك يالغالي ويستاهل ابوهتان |
صح لسانك يابوفرح
ويستاهل ابوهتان |
اقتباس:
. .
ياحبنا اللي لنا باقي = تسلم ويسلم لنا لونك اهديك باقه من اشواقي = وباقه من الورد لعيونك . . ماشاء الله اشكرك اخي الحب الباقي على هذا التجاوب السريع وتراه يستاهل الذيييب |
اقتباس:
صح بدنك ياراعي صلاله . .
ورقان مني لك التقدير = شاكر مرورك وتشريفك تكميل مانتم هل التقصير = والكل يشهد مواقيفك . . |
ابوفرح
الشاعر الكبير متواجد الليله بملتقى حرب صح لسانك يالذيب وكل عام وانت بخير بقدوم شهر رمضان يالغالي اسمح فرح بكبره يابوفرح في ملتقى حرب |
اقتباس:
. .
اهلا هلا ربنا يبقيك = فيصل لفانا عضو ماسي مليون مرحب ولاتكفيك = ياللي كلامك على راسي . والف شكر على هذه الكلمات المبالغ فيها اخي فيصل |
صح الله لسانك ملايين
شاعر كبير وكسره رائعه وهلاوغلا بحضورك من جديد يابوفرح |
اقتباس:
. .
وهذا الفريدي بناخي الذيب = شامخ كما ضلع ورقاني اهل الوفا والكرم والطيب = واوصاف يعجز بها لساني . . الف شكر اخي سالم على هذا المرور العاطر |
أخي الحبيب أبوفرح الإخوة الإعزاء المشاركين أقدِّم لكم إعتذاري لتأخّري في الرد على كسرة أخي الغالي أبو فرح وذلك لوجود خلل في جهاز ال ( DSL ) المرتبط به جهازي ، أكرر أسفي واعتذاري لكم ولأخي أبو فرح أٌقول :- ّ
مشكور ياراعيَ الإحسان= نبراس للطيب والخبره ّمخبور فيك الوفا إنسان = غلبت أيّوب في صبره بس عاد ( غندور ) وفنان هاذي يبغالها ترجمه هههههه |
ابو فرح شاعر وعذب لسان= ساسه الوافي والوفا فاله عذب المعاني مع الاوزان = يجذب كنوز البحر من جاله شمل حبنا الباقي وابوهتان= ونشكر انا وسالم اقواله راعي صلاله جبل ورقان = وانا معرفي ورقان بلحاله |
اقتباس:
اما غلبت ايوب في صبره تراها قويه شوي وبالنسبه للغندور تنقال من باب الدلع لكل ماهو جميل وظريف فاهم يعني انا قاعد ادلعك الحين وتراك تستاهل وبالنسبه للرساله تراها وصلت حاولت ارد لاكن قالوا لااااااااااازم ولاااااااابد تكمل 200 مشاركه على العموم كل عام وانت بصحه وعافيه والله يجعله شهر مبارك على الجميع |
اقتباس:
ورقان عساك سالم وغانم والمعذره على هذه الهفوه البسيطه ورقان ولا جبل ورقان كلكم عينين فراس واخوك مطيور شوي والذاكره عنده تودي وتجيب يعني مش حالك ولاتدقق اكرر شكري وتقديري اليك اخوك ابوفرح |
كل عام وأنتم جميعاً بكل خير
أسأل الله أن يبلغنا وإياكم شهره الكريم وأن يوفقنا لصيامه وقيامه ويجعلنا من عتقائه إنه سميع مجيب يستاهل أبو هتان وهذ أقل مايجب حقيقة بحق شاعر متمكن شاعر الإحساس قمت بالواجب يابوفرح ماستغرب الطيب فاهل الطيب بس إيش الحركات الرائعة طييييب مايسد زكاة المثل أباشتلكم عن قافكم ميراستروا ماوجهتم تحياتي مشكور يابادع المرسوم=باغلى التهاني لمشرفنا من حظنا ياعميد القوم= المشرف اللي يشرفنا واللي كماكم قوي عزوم=مكسب لنا قبل موقعنا |
اقتباس:
ياالله حييييييييييه المعلم . .
يبقيك ربي لنا وتدوم = شاعر مشاعر وتـنعشنا قدرك تعلا مابـين نجوم = غالي علينا معلمنا |
صح لسانك اخوي ابو فرح ويستاهل اخونا ابو هتان , , , شكرا لك |
أشكر الإخوة الذين شاركو بمداخلات في هذا الموضوع ، وأقول للجميع كل عام وأنتم بخير ولأبو فرح وسالم البشري وهمس الورود ولكل من قال يستاهل أبو هتان !!!! أقول ّ
أخجلتموني وانا ملزوم= أشرح لكم عن مشاعرنا كل الشكر والثنا مكتوم= ما عنْه في يوم عبّرنا الأمر في خافقي محسوم= عاجز عن الشكر ما قْدرنا عند العرب فالحياة سلوم= لاهل الوفا يطيب خاطرنا |
يستاهل الخير والعرفان =مثله يرشح وله قدره خبير قايد وهو ربان =يحكم على الوضع من نظره |
اقتباس:
الأستاذ محمد ابن خيرالله ّالله مير يجزاك خير ، على ما وصفتني به وأسأل الله أن يجعلني عند حسن ظن الجميع بي ، وكل عام وأنتم بخير
مخبور فيك الوفا فنّان= زعيم وقايد رجل خبره لك جهد عند الصّعاب يبان = لا وقّف الكل من عثره |
صحت السنتكم وبيض الله وجيهكم
|
ولد المقرح ههههههههههه خذ على عجاله وطاوعني خله مكتف احسن ههههههه
هذا الشهر يكتف الشيطان =ويصير لناس كالعبره ماودنا نسحب الألحان =ابليس خله على ثبره تقبل تحياتي |
كل عام والجميع بخير .. ويش رأيك يابوفرح بذي ولا يهونون الأخوان ويستاهل عودنا ..
لجله مخاوي ولد عسفان=يستاهل اللي لبس غتره شايب كبر َقَلع الأسنان=واليوم جاته مهي نكره |
اقتباس:
هههههه على راسي يا ابن خيرالله ، وفعلاً خلّه مكتّف أحسن هههههه تقبّل تحيّتي وتقديري ------------------------------------------- ّ أخي الفاضل : تركي بن بجاد بالأصالة عن نفسي ، ونيابةً عن أخواني أبوفرح ، وسالم البشري والأستاذ ابن خيرالله الردادي ، وأخي خالد البحار ، أقٌول أسعدنا جميعاً وجودك ومرورك بهذه الصفحة دمت بخير |
الساعة الآن 06:26 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir