خذيت لي في ربيع العمر معلومه=تبقى مع الراس لو طالت خطاويها
كن الزمن يوم واستخرجت من يومه=الناس ماكل كلمة طيب ترضيها
لو جبت شمس وقمر والكون ونجومه=مايملي عيونهم حاجه تسويها
تخدم وودك بكلمة ناس مخدومه=وتكحل وتسمع علام العين يعميها
لكن لاسويت شيٍ وأخطت سهومه=لاتنتظر شكر والكلمه تلاقيها
بعض العرب بالعرب ماتعرف إش قومه=طلبته عاداه كانه مايلبيها
لو كان عاجز وضعه بصفة خصومه=أما يلبي طلبهم يا يعااديها
النفس تطغي اذا ماهيب ملطومه=والأدمي اصعب الحاجات يبغيها
من يوم ربي خلقه وبانت حلومه=إتزيد لو كان في كل ليل ينهيها
لكن ليا نام لاتيقضه من نومه=إبنومه اصعب حلوم الليل يقضيها
يوم الردي همه بكشخته وهدومه=اهمومنا بالذي لامر طاريها
تسمع هلا مرحبا بالذكر وقدومه=ربعٍ على الطايلات يسيل واديها
المدح لاحان وقته وابدت غيومه=تمطر عليهم بكورٍ من ماشيها
ماهم من الكلمه الزينه بمحرومه=لو كان تكفي عن الأمداح اساميها
نتعب على الطيب وإنباريه وانسومه=والكلمه الطيبه بالطيب نشريها
بحر المراجل شربنا منه ونعومه=واللي ضما من عباد الله نسقيها
ولا الردى بالردى ماندفع ارسومه=كذا مع الناس لو ضاعت مباديها
مانشتكي من ضروف الوقت وسمومه=نصبر على الكايده ويبان خافيها
واللي بلاه الولي في كثرة همومه=يبعد عن الخلق والشكوه مايشكيها
تبقى بوسط الصدر والقلب مكتومه=إلين منهو وضعاابه يسريها
الرجل وش فايدته ان ضاعت سلومه=مايجرح الناس ولا مايداويها
لاينقبل زوله ولاينقبل لومه=وإليا إنذكر عند قوم اتصك آذانيها
كلٍ على مايقدم جاه مقسومه=والطيبه دايمٍ من حظ راعيها
وياقضاي ياللي ثلاث ايام باصومه=بقضيك لكن بقى سجده بصليها
! لاشفت مشراف طيب وجيت بارومه=قامت عباد الإله تحط رجليها!

المشاركة الأصلية كتبت بواسطة البلادي الحربي (المشاركة 202417) الله الله صح الله لسانك يالغالي قصيده جزله من رجال جزل لاهنت يالغالي ولا تحرمنا من جديدك تقبل مروري بود

المشاركة الأصلية كتبت بواسطة ابوروان النويمي (المشاركة 202419) صح لسانك وعلا شانك والله يعطيك العافيه على القصيده الجزله بيض الله وجهك وهلا وغلا فيك بين ربعك واخوانك تحياتي

المشاركة الأصلية كتبت بواسطة بندر الحربي (المشاركة 202420) صح لسانك مليون بيض الله وجهك وهلاوغلا فيك

المشاركة الأصلية كتبت بواسطة الجرح (المشاركة 202423) حضور راقي ومصافحه رائعه قصيدة كلها عذوبه وجزاله تدل على جزالة قائلها تحياتي

المشاركة الأصلية كتبت بواسطة القناص (المشاركة 202430) صح الله لسااانك وقلبك مبدع لله درك دمت بوود

المشاركة الأصلية كتبت بواسطة عواض بن سعد (المشاركة 202432) حكمة وجزالة .. صح لسانك

المشاركة الأصلية كتبت بواسطة راعي الحناكيه (المشاركة 202443) صح لسانك يالذيب .. ولاهنت نص راقي ..و عذب المعاني .. ! سلمت مشاعرك .. دمت بـ إبداع

المشاركة الأصلية كتبت بواسطة حمد البقمي (المشاركة 202608) الله الله عليك صح لسانك قصيده رائعه وتستحق الاعجاب من شاعر متمكن لاهنت تقبل تحياتي

المشاركة الأصلية كتبت بواسطة فيصل حمود الوافي (المشاركة 202669) سلمت وصح الله السانك لا هنت وتقبل تحياتي

المشاركة الأصلية كتبت بواسطة مشعل (المشاركة 202679) صح الله لسانك قصيده جزله من جزل

المشاركة الأصلية كتبت بواسطة بن فرهود الحربي (المشاركة 202855) سلمت وصح الله السانك قصيده وافيه من وافي لا هنت وتقبل تحياتي

المشاركة الأصلية كتبت بواسطة ورقان (المشاركة 202860) كـلٍ علـى مايقـدم جـاه مقسـومـه والطيبـه دايـمٍ مـن حـظ راعيـهـا صح لسانك وعلا شانك قصيده في منتهى الروعه لا فض فوك

المشاركة الأصلية كتبت بواسطة ابراهيم الحربي (المشاركة 202883) صح السانك ولاهنت قصيده رائعه لك تحياتي

المشاركة الأصلية كتبت بواسطة الحب الباقي (المشاركة 202939) الله يـعـطـيـك الـعـافيـــــــــــة على القصيده وصح لسانك مليون بيض الله وجهك

المشاركة الأصلية كتبت بواسطة ابومشعاب الحربي (المشاركة 203161) سلمت وصح الله السانك قصيده وافيه من وافي لا هنت وتقبل تحياتي

المشاركة الأصلية كتبت بواسطة راعــ(البل)ــي (المشاركة 203621) صح لسانك وبيض الله وجهك نص جميل وشاعر بارع تقبل تحياتي