يـــقــــول فــــواز رســــم الحــــرف خطيته =وبـــدع تـــمـــاثــيل بالهاجوس محكومه
هـــاجــوس بــــالــي تـوال الــليل غـنيــته= غــــنـــيــت هـاجوسي يوم الكل في نومه
وســـهـيل يـشــهد عـليــه يــوم سـميته =عـزت مـــطـــالــيبـي يـوم سهيل لي رومه
شــقـرت عـصــاتـي وشـفت الذيب وصيته= لاتــقـــرب الــنــفــس غــادر ذيــب مالومه
لـــومــي عــلـى الــلــي لـيـا زبـنـي أرويته= وظــمــــيــت خصمي على الصكات مقسومه
يـــاذيــب ماجـيـت يــوم الـعـظـم رزيــته= لـــكـــن ذا الـــيـــوم عظم الساق مصرومه
إن جـــيت أبــشــرب دنــيَ الـقــوم عليته =وإن جــــيـــت ابصبر حدود القبر مرسومه
لــكــن كــســري لــيــا جــــبــرت داويــته =والـــــــمـــر مبدآ الـــدوى والشهد مختومه
يـســمــع كــثير العرب بالصوت ناديته =جـــاوبـنــي الـــمــصــلحـي في مصلحة يومه
مــا عــم َ لــجــل الــوفـى مايــنـهدم بيته= لـــكـــن نــادر وفـــيَ الـنــاس فـاســلـومه
إن جـيت أبا السوق بخس السعر ما جيته= شـــفــت الذهب واعرفه وغليت في سومه
الــنــاس نــومـــاس نــظـم العقد داريته =لاينقطع عقدهم ثم تذهب الزومه
ما بـــرضـــي الـــناس لن تموا على الميته =ماتم لا والدي علام بالنجومه
بــعـــض الــعـرب مثل عود الراك هزيته =فيمين وشماال ميخلفك منظومه
ضـــايــــع دلايـــل قــلــيل الـفكر عديته =يـخطي ويحسن ليا اخطوا واحسنوا قومه
والـــرجـــل صـنـفـيـن لاثــالـ،ث وعـديـــته= إمـــــا طــلـع صـــقـــر ولا مـــن عـطى البومه
يامــجــالـــس الذيب طبع الذيب شاديته= والــــذيــب ما يـــضــرى لو قطعت فالحومه
ومن جــالــس الحصني نكبت غدر عديته =وأنــــا اعـــرف الـــلــي ليا نواني بجذومه
يـا مــجـــالـــس الـديك لا لاغــاك لاغــيته =الـــلـــغـــــو فـالغـير فيك اليوم مقسومه
يــالله تــــامـنــا مــن زيـــغ الـــهوى ليته= يـــصـــادف قــلــوب بـــالإيـــمــان معصومه
فــــابــــض مـن الــبـحر يوم البحر كنيته =توصـــيف خـــافي وبعض اوصاف معلومه
صــلـــوا عـــلـــى مـن بدا بــالـنور حـــبيته= مـــحـــمـــد الـــهــــاشـــمـــي والأمــه مرحومه

المشاركة الأصلية كتبت بواسطة ماجد بن تركي الحربي (المشاركة 221831) صح لسانك عبرت وأجدت تحياتي وإعجابي

المشاركة الأصلية كتبت بواسطة بني سالم (المشاركة 221977) بيض الله وجهك وصح الله لسانك

المشاركة الأصلية كتبت بواسطة المسافر راح (المشاركة 222110) صح لسانك .. قصيده رائعه واحساس اروع .. أسجل اعجابي ويعطيك العافيه ..

المشاركة الأصلية كتبت بواسطة نشمي المطوع (المشاركة 222115) صح لسانك على هالرائعه بيض الله وجهك

المشاركة الأصلية كتبت بواسطة العنـــــود (المشاركة 222401) صح لسانك وسلم بنانك اخويي

المشاركة الأصلية كتبت بواسطة عاشق الصمان (المشاركة 222428) صح لسانك وانا اخوك على هلقصيدة الأكثر من رائعة من شاعر جزل ومتمكن ..

المشاركة الأصلية كتبت بواسطة حمد البقمي (المشاركة 222602) سلمت وصح الله السانك قصيده وافيه من وافي

المشاركة الأصلية كتبت بواسطة قناص البرامج (المشاركة 222731) حكمة وجزالة .. صح لسانك

المشاركة الأصلية كتبت بواسطة لــهــيــب (المشاركة 223160) صح لسانك على هذه النادره عز الله إنك أبدعت تقبل تحياتي