مـن تعـوّد طلـت الشمـس الدفـيـه=وش حياتـه يـوم لويفـقـد سنـاهـا
كــل يــوم يشوفـهـا تطـلـع فتـيـه=تبتسـم للـكـون وتعـانـق فضـاهـا
شوقهـا لــلارض والطـلـه بهـيـه=فاتنه بالحسن تقشـع عـن رداهـا
تُضحك الاشجار والضحكه بريـه=والجليـد يـذوب لا حــس بدفـاهـا
وكيف قطرات الندى ماهـي وفيـه=لا اختفت ولا تـوارت مـن غلاهـا
والسـمـا ولـهـان وكفـوفـه نـديـه=يحتضنها لين فـي صـدره رماهـا
وقــال ربــي لا تعـجـل بالعـشـيـه=لا تزاولـهـا وانـــا كـلــي فـداهــا
وانثنت مثل الغصون اللـي طريـه=لين غاصت فالبحر تروي ضماها
والبستـنـا اللـيـل فـحـداد المنـيـه=والسكـون يجمّـل النعـي فعـزاهـا
والقمر لو طل مشطـوف الشظيـه=مايقـارن مسـتـواه بمستـواهـا!!!