|
بين راشد وسلطان ( سراك من إكة الشيريا وإلا أكة الهاص )
هذه المحاورة جرت في منطقة القصيم قبل عدة اشهر بين الشاعرين راشد السحيمي الحربي وسلطان الهاجري :
راشد السحيمي الحربي = هلا يا مرحبا فـي محـلٍ يرفـع الـراس=محل الحربي اللـي رفـع ربـي مقامـه بدون قصور بالحاضرين وباقـي النـاس=على مـا قيـل كـلٍ بقـدره واحترامـه سلطان= يدوم إلك البقاء ضيفكم طرقـي وعسـاس=سلاحه في يـده والفشـق مالـي حزامـه تحيزم عن فلسطين يـا محمـود عبـاس=ترى ياسر عرفـات مـا حقـق مرامـه راشد السحيمي الحربي = سلاحك مثله سلاح والموضـوع حسـاس=ليـا منـك سلمـت احمـد الله بالسلامـة اثـر مقياسكـم للعـرب ماهـو بمقيـاس=لعل علومكـم مـا تصـل حـد الكرامـه سلطان= سراك من اكة الشيريا وإلا أكـة الهـاص=ترى اللعبة حكم والولـد طـش العمامـة أنا خابرك وسط البحـر سابـح وغطـاس=لا كنك مختلـف والبحـر تسعيـن قامـه راشد السحيمي الحربي = تراها عودت صن .. عندي صن .. لاباس=لا كن سلطان بالصـن لا يكثـر كلامـه ليامنـي نزلـت البحـور أطلـع المـاس=لا كـن انتـه غرقـت بغديـرٍ فالثمامـة سلطان= نبا نلعـب مبـاراة واللـي ياخـذ الكـاس=نسلمـه المفاتيـح فـي قصـر اليمـامـة تدوسون الجمر والجمر ما هـوب ينـداس=الا يـا حـرب هـذا خطـا وإلا غشامـه راشد السحيمي الحربي = انا في كل قصـرٍ تعرفـه لـي مجـلاس=مع اصحاب الفضيلة مع اصحاب الفخامـة ترى النيبـان مفعولهـا قـدام الاضـراس=وروس الناس بالوقت هامة فـوق هامـة سلطان= خدمت الزير وإلا خدمت الشيـخ جسـاس=حسابك عند مـولاك فـي يـوم القيامـة بسيطة لو يغيب القمـر يانـور الاكبـاس=جملنـا لا سـرى الليـل فكينـا خطامـه راشد السحيمي الحربي = أثر عندك محطة جديدة وأسمها (( واس ))=يا شايف شي ما شافتـه زرقـاء اليمامـة ترى يطري لنا لجلكم عشريـن هوجـاس=بعيـرك لا تفـرط بشعـره مـن سنامـه سلطان= وعندي سيف وإلى اعتليت اسروج الافراس=يروح الشيخ قلبـه مثـل قلـب النعامـة الا ياحرب ياحـرب يـا لباسـة الطـاس=لكم في نجـد يـومٍ مثـل يـوم الرغامـة راشد السحيمي الحربي = اخاف تفكر تحوس لـك عالـم وتنحـاس=تحصل لك علامـة وتفقـد لـك علامـه ونعـمٍ بالهواجـر ليـا دقـن الاجـراس=شهادة حق مـا عندهـم عـرق الرخامـة سلطان= كتبنا لك كتـابٍ حروفـه مثـل الاقـواس=نبيـك تسلمـه بـإيـد زيـزوم الجهامـة ليا ذعذع من الشرق وإلا الغرب نسنـاس=وصلك العلم مـن يمنـا يـا أبـو دلامـة راشد السحيمي الحربي = انا ليش اعتمدها وهـي حبـرٍ بقرطـاس=تـرى تسليـم مكتوبكـم بعـد استلامـه |
صح السان الشاعرين
ويعطيك العافيه على الابداع بيض الله وجهك |
بيض الله وجهك على الملعبه الرائعه
والله يعطيك العافيه على المجهود الكبير اتمنالك التوفق اخيك ابوروان |
الاخ راعي البل ماقصرت يالغالي بيض الله وجهك تحياتي الصـ الجارح ـقر |
يعطيك الف عافيه اخي راعي البل مشكور وماقصرت على النقل الجميل تحياتي وتقديري عاشق بريده |
يعطيك العافيه اخي راعي البل وبارك الله فيك على المجهود الكبير وصح السن الشعار اخوك سلطان |
الاخ راعي البل بيض الله وجهك نقل رائع لمحاوره رائعه وياليت تزودنا بمحاورات الشاعر راشد السحيمي لان الموجود منها قليل هنا مشكور يالغالي ويعطيك العافيه تقبل تحياتي |
يعطيك العافيه اخي راعي البل
وبارك الله فيك على المجهود الكبير وصح السن الشعار |
الله يـعـطـيـك الـعـافيـــــــــــة
دمت بخير |
الله يـعـطـيـك الـعـافيـــــــــــة بيض الله وجهك |
إبداع
صح لسان الشاعرين وخاصة راشد حرب مشكوووووووووووووور |
محاوره رائعه
الله يعطيك العافيه على النقل المميز |
يعطيك العافيه
|
مشكورين على المرور
|
راعي البل
يعطيك العافية اعجبني راشد كثيرا عندما نقض بيت سلطان الثاني تحيزم عن فلسطين يـا محمـود عبـاس ...ترى ياسر عرفـات مـا حقـق مرامـه ..... .... اثر مقياسكـم للعـرب ماهـو بمقيـاس ...لعل علومكـم مـا تصـل حـد الكرامـه تحياتي |
صح السان الشاعرين
|
صحت السنت الشعار
مشكووور اخوي |
شاعرين كبيرين و مبدعين
مشكور على النقل |
مشكورين على المرور
|
يعطيك الف عافيه اخي راعي البل
مشكور وماقصرت على النقل الجميل تحياتي وتقديري |
أعيد من جديد لهذه المحاورة و إعجابي بها و أقول صح لسان الشاعرين
|
|
الساعة الآن 03:39 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir