يذوب الشمعدان ليا ظهرت وينتشي عصفور= ويعشوشب على شانك جميع اللي تمس يديك
ويفوح الورد من روعة شذاك وتحتضنك زهور= وتخلف لجلك القمرا هوى الساري وتسري فيك
وذي دلة هواك تفوح داخل خافقي وتفور= تعال اقلط وخذ فنجال عشقي ودي اقهويك
تعال وخلني شمعة خلاك بوحشة الديجور= وأنا بضوي واولّع لك قصايد كلها تغليك
تصدق! كل زفراتي تزاحم ماتبي طابور= تبي تسبق بعضها وارهقت يادنيتي مغليك
تعال وخلّها وضح القصايد في هواك تثور= وصهيل الحرف ماهوّد يبي يكتبك ويناجيك
أببحر بك بغبة شعري المجنون والمأسور=وابغرق بك وابنجى بك وابتحداك واستجديك
حبيبي يابعد كل الصبايا والهوى المنثور= ياترنيمة خفوق اللي يبيع العالم ويشريك
يا أجمل من سقى عوج الحنايا بعد ذيك البُـــور= بعد ما ارويتني ودّي سنابل شوقي تغذّيك
يا أروع من رقص قلبي معه عقب الكدر والجور=على اقصر ضلع زريابه سجع من شوقه يغنيك
يا أصدق من رفع همّــة وعزم التايه المكسور= عساني ماعدمك وياعسى الله يا الغلا يبقيك
وانا واللي خلقك وميزك عن جمع كل الحور= لو أقدم لك الروح العزيزه ما اعتقد توفيك
ومثل ما هالبسيطه حول خد الشمس دوم تدور= تراك انته مجالي يوم ادور بعالمك وارجيك

المشاركة الأصلية كتبت بواسطة محمد الفارس (المشاركة 161757) احبتي.. أضع هذه المتواضعه بين أيديكم.. وأتمنى أن تنال استحسان ذائقتكم .. .. يذوب الشمعدان ليا ظهرت وينتشي عصفور= ويعشوشب على شانك جميع اللي تمس يديك ويفوح الورد من روعة شذاك وتحتضنك زهور= وتخلف لجلك القمرا هوى الساري وتسري فيك وذي دلة هواك تفوح داخل خافقي وتفور= تعال اقلط وخذ فنجال عشقي ودي اقهويك تعال وخلني شمعة خلاك بوحشة الديجور= وأنا بضوي واولّع لك قصايد كلها تغليك تصدق! كل زفراتي تزاحم ماتبي طابور= تبي تسبق بعضها وارهقت يادنيتي مغليك تعال وخلّها وضح القصايد في هواك تثور= وصهيل الحرف ماهوّد يبي يكتبك ويناجيك أببحر بك بغبة شعري المجنون والمأسور=وابغرق بك وابنجى بك وابتحداك واستجديك حبيبي يابعد كل الصبايا والهوى المنثور= ياترنيمة خفوق اللي يبيع العالم ويشريك يا أجمل من سقى عوج الحنايا بعد ذيك البُـــور= بعد ما ارويتني ودّي سنابل شوقي تغذّيك يا أروع من رقص قلبي معه عقب الكدر والجور=على اقصر ضلع زريابه سجع من شوقه يغنيك يا أصدق من رفع همّــة وعزم التايه المكسور= عساني ماعدمك وياعسى الله يا الغلا يبقيك وانا واللي خلقك وميزك عن جمع كل الحور= لو أقدم لك الروح العزيزه ما اعتقد توفيك ومثل ما هالبسيطه حول خد الشمس دوم تدور= تراك انته مجالي يوم ادور بعالمك وارجيك