عام الأول ولّعت بالقلـب غيـره =من سبايب ناقصه عـز وطهـاره
عيّرتنـي لا وتحسبهـا معيـره =عيّرتني بالبـدو بنـت الحضـاره
ما بغيت أسل سيفي من جفيـره =لين جتنـي ثـم قالـت هالعبـاره
قالت إن أبوك بالصحراء مصيره =راعي ٍ للضين في عـز الحـراره
والله إن الصمت عن قولك كبيره =لكن إن الذم فـي مثلـك خسـاره
من يعيب الناس وعيوبه كثيـره =غير شخص ٍ ما خذ الغيبه تجـاره
برفع البيضا لبوي ابكـل ديـره =وألطم أوجيـه الخيابـا والقـذاره
اجودي ٍ سنّـة الهـادي مسيـره =قايم ٍ بالليل صايـم فـي نهـاره
ما ثناه القيض عن واجب قصيره =ما يمدّ إلا الجزيلـه مـن خيـاره
مستشار وصادق ٍ من يستشيـره =واثق الخطوه وواثق مـن قـراره
الزيازيم الخضارم لـه عشيـره =كاسبين المدح في فعـل الشطـاره
ذايعين الصيت في شبه الجزيـره =بالكرم والطيب ما هو بالطـراره
الاخيـره دايـم ٍ تبقـى أخيـره =بالحضيض أنتي وحنا بالصـداره
من بلاد الترك جيتي يا صغيره =واللبيـب الحـر تكفيـه الإشـاره
والمعيره كان قصدك بالمعيـره =من عيونه ما غفت عن عار جاره
والمعيره كان قصدك بالمعيـره =من بلغ خمسين ويجـرّ الزقـاره

الاخ الشاعر فهد بن عيد


الله الله الله

ياسلام ياسلام

ابداااااااااااااااااع ابدااااااااااااااع


بيض الله وجهك وصح الله لسانك

ماشاءالله على هذا الطرق الرائع وهذا الابداع المتميز

لله درك

تقبل تحياتي وتقديري

ودمت ودام ابداعك

والله ان الصمت عن قولك كبيره= لكن ان الذم في مثلك خساره
من يعيب الناس وعيوبه كثيره = غير شخص ٍ ماخذ الغيبه تجاره
الزيازيم الخضارم له عشيره = كاسبين المدح في فعل الشطاره
ذايعين الصيت في شبه الجزيره = بالكرم والطيب ماهو بالطراره
الأخيره دايم ٍ تبقى أخيره = بالحظيظ انتي وحنا بالصداره
من بلاد الترك جيتي يا صغيره = واللبيب الحر تكفيه الإشاره
والمعيره كان قصدك بالمعيره = من عيونه ما غفت عن عار جاره
والمعيره كان قصدك بالمعيره = من بلغ خمسين ويجر الزقاره

صح السانك =
بيض الله وجهكم =
دمتم بود=