|
3004لغز لشخص الفطين (الترفيع) حله عدم الانحياز صح السانه
بسم الله الرحمن الرحيم
السلام عليكم ورحمة الله وبركاته
انشدك عن رجال فعل مراهقين = رجال فعله صعب ماحد يقدره ويصير فعله عند ناس مهايطين= ارخص رخيصٍ للهبيل تصدره الحل واضح بس لشخص الفطين= لوكان في قاع البحور يندره |
وعليكم السلام ورحمة الله وبركاته
صخ السانك يابو هليل على اللغز الجزل جاري التفكير |
صح لسااانك يابوهليل
مع كل لغز جديد تتجدد الافكار وينشط الفكر والتفكير ونكان ماهو بالـمقلب ، جاااري البحث والتفكير |
اقتباس:
صح بدنك لاهنت مشكور جاري الانتضار |
اقتباس:
صح بدنك لاهنت مشكور المقلب غير صحيح ننتضر ناتج التفكير |
التطـــــــعــــــيــــس
|
على ضوء رمعة ابوعلي طرت لي هالرمعه
التفحيط |
صح لسانك يابوهليل
جاري التفكييييير |
ممكن يكون
التهكير |
رمعات قريبه حسين وخالد
ابومروان هلا بك وصح بدنك لاهنت مشكور الرمعه ماصابت |
الدرباوي
ويمكن يكون المعزز على قول هواة التفحيط << فيس عاصبٍ راسه في جنبه معزز داقٍ لطمته وبيده حمضيات :0746: |
مااااالك لوااااااااا
|
وعليكم السلام ورحمة اله وبركاته صح لسانك وسلم فكرك اخوي ابو هليل وش رايك طال عمرك في جحود النعمة - او التعدي على حرية الاخرين |
صح بدنك لاهنت مشكور
الرمعه ماصابت يالغالي |
وش رايك يابو هليل في الاسكوتر< اعتقد اسمه كذا
|
ان ما صابت رمعت اخوي حسين - ولو اني والله ماعرفها لكن وش رايك يالغالي - الاستعراض |
وشو الي قلت ياحسين
ماعرفه الاستعراض رمعه طيبه ياعدم الانحياز |
اقول يابوهليل لا عدمتك - الظاهر مالها الا الهياط قدام المهايطية |
|
عدم الانحياز ماللك لواا
حسين الاتجاه سليم |
استلم لا هنت رمعة ما قبل النوم - من اول ما طرى لي لكن ما لقيت لها اسم اللي يفكون الكفر والسيارة على جنبها في الهواء تمشي على كفرين |
اقتباس:
انت جبت الحل لاكن الاسم ماجبته يسمونه المراهقين (الترفيع) تمشي السياره على كفرين والترفيع في البيت الثاني معروف بعض الناس يرفع للامير والا التاجر والا أي شخص وراه مصلحه يقعد يرفع له وهذاك يصدق ان الي يرفع له صادق يعطيه من الرخيص والرخيص الكلام صح لساااااااااااااااااااانك مليووووووووون ياعدم الانحياز |
اقتباس:
وتستاهل العلم الطيب يالمعزب - صحت حياتك الى ما لانهاية واشكر جنابك على المجاملة اللطيفة وهذا من طيبك اخوي ابو هليل وبالفعل كتبتها على قوقل وصف وطلعت معي مقاطع فديو لكن الاسم ابد ما طلع معي الا هالحين سلمت وسلم فكرك الوقاد - وبانتظار جديدك جعل ربي يعينك |
صح لسانك يابوهليل
وصح لسان الأخ عدم الانحياز على حله القاضي |
اقتباس:
صحت حياتك وسلم فكرك اخوي الفاضل ابو فيصل وشكراً لطيبك |
صح السانك يابو هليل على اللغز الجزل
صح السانك عدم الانحياز على الحل المثالي |
اقتباس:
صحت حياتك اخوي المستشار حسين ولا هنت يالامير |
ابوفيصل
المستشار حسين لاهنتم لكم الشكر والتقدير |
اقتباس:
وصح لسانك عدم الانحياز على الحل والحركه هذي طال عمرك تسمى حركة ( شل) بين اوساط الشباب والبعض يسمونها حركة الترفيع :confused: |
اقتباس:
صحت حياتك اخوي ابو مروان واشكر جنابك على المعلومة - والله يهدي ضال المسلمين ويثبت صالحهم |
الساعة الآن 05:46 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir