|
2983 صنعة حريم؟.( المريرة ) حله ابو هليل صح السانه
السلام عليكم ورحمة الله وبركاته
من لغزنا السابق اتضح ان ماعندنا بدو اصليين:mad: او انهم تحضرو اكثر من الازم لذلك يجب اعدتهم لا الصحراء مرة ثانية
وش عجوزٍ طولها من طول ابوها=تنقل عيالٍ لهم فعلٍ عظيم ماضي الازمان للحاجة رفوها=ياصفون الحال فيها يافهيم كان ماسارت مثل ماهم بغوها=والعجوز السألئي صنعة حريم |
وعليكم السلام ورحمة الله وبركاته
صح السانك يالكحيلة على اللغز الجزل قبل ان يتم ترحيل السيد حسين للصحراء جاري التفكير |
|
اقتباس:
وعن الترحيل او التهجير لا الصحراء ياليت ايطبق على المفحطين وعلى اللي منتمين الداعش بدل ماهم مجلسينهم في استراحات للمناصحة ورواتب لهم ولهلهم خليه يحفر البير بنفسه ويجذب الماء منها يطبخ اكله ع الحطب وشمس الصيف تشويه وبرد الشتاء يكسر اصبيعه حتى يعرف نعمة ربه |
اقتباس:
لوا.. الاتجاه سليم |
صح لساااااااااااانك يالكحيله
ممكن عكة السمن |
اقتباس:
مالك لوا... اول واحد يرحل لا الصحراء:mad:عكة السمن طولها من طول ابوها وتشيل عيال ويصفون الحال فيها؟عزالله ان عمره طويل |
اقتباس:
والله اني داري انها رمعه محدره وادي وضايعه لاكن شفت حسين جاب الصميل وجبتها وانا قلت يمكن ابوها الحيوان الي يكون الجلد منه لاكن خلاص يالكحيله ماعاد ارمع الا متاكد |
السفرة التي تعمل من سعف النخل
|
اقتباس:
لوا... |
كنانة السهام
|
اقتباس:
وضح |
السهام اللي ترمى بالقوس
والكنانة جراب توضع به السهام |
اقتباس:
اها فكه الله مالك لوا. |
الشقة التي يتكون منها بيت الشعر وتكون بحسب طول بيت الشعر
|
اقتباس:
مالكم لوا... |
قديم فيه حافظه للأغراض تسمى الغراره تصنع من الشعر وتحفظ بها الأغراض تكون معلقه في بيت الشعر
هي الحل |
العيبـــــه
|
مالكم
لوا............ |
ههههههههههههههههه
وش راااااايك بالمريره |
اقتباس:
والحل صح المريرة =وهي حبل نحيف والله اني شاكه في كلمة نحيف :0746: لكن تمشي مصنوع من الصوف تنظم فيه الاخله(جمع خلال) زي المسبحة حتى لاتضيع تمدتد على طول بيت الشعروالله البدو دقيقين ليش ياقل عنهم انهم فوضاويين؟ وبارك الله بالخلال وحله :cool: يصفون الحال فيها يافهيم دارج عند اهل البادية لاتعقدة الامور قالو منحاس مريرة اي اموره متعقده لانها لاتداخلت الاخلة مع الحبل لاتفكر انك بتفكها بالساهل بيت من محاورة الغشيـم الـلي اليا جـاب أ لخبـر حــــــوس مـريـره والحـكـيـم الـــي يـعـقـد الـحـبـل وثــانــي يـحـلــه |
معلومه جديده لم تمر علي منقبل
بارك الله فيك وفي من حل اللغز |
صح السانك يالكحيلة على اللغز الجزل صح السانك يابو هليل على الحل المثالي |
صح بدنك يالكحيله
لغز رايع لكم جزيل الشكر والتقدير |
للجميع الشكر والتقدير
|
صح الله ابدان الجميع
وبارك الله فيهم |
الساعة الآن 01:52 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir