2922لغز ...3ـ6ـ1436(الانياب والضواحك) حلته الكحيلة صح السانها
 

:0736::0736::0736:

يامن يعلمني عن اثنين في جيش
&جيش لهم فالسلم سطوه وكايد

اخوين فيهم يكمل الزين والعيش
&ومن دونهم اربع لهم عمر زايد

اللي لهم فرق ٍ عن الجيش بشويش
&زادوا بفعل ٍ ماضين له عوايد

واليا طرقهم هم لا صابهم طيش
&الجيش كله راح وضعه نكايد

وايضا لهم في منبع الدم تفتيش
&في كل حزه بالحبال الورايد

✏ابوعدي

صح السانك لاهنت
ولغز ثمين لاشك
ونقول
القدمين

صحة ابدانكم جميع ولاهنتوا انتم ومن يقرا 🌷

ومالك لو اا ماصابت🎯🎯 يابنت العم خيرها بغيرها

طيب
1-صمامات القلب
2-الشريين التاجية

صح السانك يابو عدي على اللغز الجزل

وشرايك

الهلال الاحمر والصليب الاحمر

صحة ابدانكم جميع والمعذره على التاخير فالرد

ومالكم لواااااا
ولا هنتو انتم ومن يقرا 🌷

السكر وضغط الدم

او
الهيموجلوبين و الجلوكوز

طيب
السمع والبصر
والجيش الحواس الخمس

مالك لوا وخيرها بغيرها🌷

مالك لوا ماصابت الرمعه ولاهنت انت ومن يقرا 🌷

من وين لهم الزين ذولا كلهم حلا وقبله هههههههه بس وين الرماع

مااالك لواااااا يامستشارنا وانا لو لا الايه لقول انهم ازين
وانفع من البنون 🌷

طيب نقول

الصحة والفراغ

طيب
1-العينين
2-البصر والسمع

ماللك لواااااا بس صحتهم مهم ومرضهم مرض ماهو بسيط

مالك لواااااا ماصاااابت وخيرها في غيرها

مالك لواااااا ماصاااابت الرمعه ولاهنتي انتي ومن يقرا 🌷

يامن يعلمني عن اثنين في جيش
&جيش لهم فالسلم سطوه وكايد
اخوين فيهم يكمل الزين والعيش
&ومن دونهم اربع لهم عمر زايد

من هذين البيتين
نقول
الضواحك او الانياب

القلب واللسان

لسان الفتى نصف ونصف فؤاده

مع ابوعلي (good)

صح لسسسسسانك وكفوووو يالكحيله بس زعلتيني علي الغز يعني بس البيتين الاوله اللي راكبه انا اقول ان البيوت الباقه ادق واوضح وتشفيره للغز مايركب علي رمعه ثانيه ابد الاابدين قدامهم اربع اكبر عمر اللي هي اول مايطلع اثنايا وبعدهم بفتره الرباعيات وهن الانياب تجي بعدهم وهن اسبق الاسنان واطولهم حتاء في بصمة الفك واللي هن اروع مافي الابتسامه وكم تغنا بهم شعرا الغزل مع الثنياء والرباعيات يصبح اسمهن الثمان العذاب او الثمان الرهايف وهن سر الجمال ام العيش من فقدهن او فقد اسنانه لايهتني ببعض الاطعمه واذا سقطن اختلت الاسنان كلها اما الدم فهن بارزات عظام ولاكن لهن اورده وشراين تمدهن بالدم ولو انقطع عنهم الدم تغير وضعهن بكثير من روائح ولمعان وسلمتكم جميع ولاهنتوا انتم ومن يقرا 🌷

مالكم لواااااا جميع ولاهنتوا انتم ومن يقرا 🌷
والغز قضة عليه الكحيله وحله الانياب ..الضواحك..
وصح لسانها وصحة السنتكم ماقصرتو

صح بدنك لاهنت
وصح السانك لغز جزل واكثر من راائع
وانا لاقصد ان باقي الابيات مالها داعي ولا مو مطابقة
على العكس عطت شرح وافي
لكن اقصد مفتاح اللغز اللي جبت عليها الرمعة
وعلى العموم الشعر او القصيدة لا احد يفهم معنها مثل كاتبها
لنها كما اللوحة الفنية والشاعر كما الفنان التشكيلي
هو من يدرك ابعاد رسمه ف كلٍ يشوفها من زاوية مختلفة ويبقى
راسهما او شاعرها هو من يعرف خفيها
والحقيقة ان الفهم الخاطي عنيت منه كثير
دايم يفهم بعكس ماكنت اقصد
واسفة الف لو شفت اني غلطانة بحقك

صحة ابدانكم جميع ولاهنتوا انتم ومن يقرا 🌷
مع الشكر والتقدير للجميع