|
2718لغز للجميع.. محلول ( أعمدة الكهرباء )
السلام عليكم ورحمة الله وبركاته
للتوااااااصل مع محبين الألغااااااز
لغزٍ نظمته نظم شاعر ودكتور =في حبكته شد انتباه النبيهي ويش الخوان اللي كما صف طابور =طابور صفٍّ للعساكر شبيهي لكن لهم بالوصل دورٍ ورى دور =من بينهم حبل المواصل بديهي |
وعليكم السلام ورحمة الله وبركاته
كفوو يابو فيصل صح السانك على اللغز الجزل جاري التفكير |
صح لسانك ونظمك يابوفيصل
وش رايك حرف (اليا)و (الها) و (اليا) في وقفة الشطر الثاني |
عدد حروف كل شطر 21 - 22 |
صح السانك لاهنت
ونقول رموش العين ويقول شاعر قديم يقول مخلد بـادى الحيـد الأسمـر في مرقب قـدم الضعائـن منيفـي يا الله اني فـي رجـاك أتصبـر رجوا الديـار المسنيـة للخريفـي تعزا لعين دمعهـا حـار وأمطـر ينـه تهشـم حجرهـا بالذريـفـي والله لـولا العظـم يـوم أتعـمـر يا كويـتٍ للعظـم عيـدي وريفـي ابرد بهـا عبراتـي اللـى تكسـر لا شب في قلبي سـواة الصريفـي ولـولاك ياطعـم الـدلال المبحـر لا ولف القيفان واهـرف هريفـي عليك ياللـى هرجته كنـه الـدر درالصعـوب ان سلهمـت للعطيفـي در الـصـعــوب اللي تكسر تكسر به سكرٍمبرى في عارضي رهيفي لا روحت من وادي نبتـه أخضـر ين الحـرار وغـادي لـه لفيفـي عز الله انه بالهـوى جرنـي جـر جر الرشا فـوق المقـام المهيفـي عز الله انه بالهـوى كرنـي كـر كر الضوامـي للقليـب الغريفـي مـن لامنـي لعـل يمنـاه تكسـر يطيح فـي دقلـة خويـا الشريفـي يالايمـي عسـاك للحـر واكـثـر زند المحلـج وبـواردي ظريفـي في درجة تحذف بخفـاف وعشـر ياخذ سنة غمق صوابـه مصيفـي ويالايمي طتاولك في عمرك الشـر وتأخذ سنة بيـن القرايـا تضيفـي ويالايمي طرحـوا عيالـك مجـدر ومن بعدهم تقعـد ضعيـف كفيفـي ويالايمي صـادوك صبيـان شمـر وجونـا بعلمـك سابقيـن النكيفـي يازين خلي وان مشـى بالمشجـر وثويب السبهـان خياطـه نظيفـي يامـل لقلـب يجذبـه كلمـا مـر وليا دله بالعيـن وازنـف زنيفـي زنيـف دراج السوانـي اذا صـر علـي ثـلاث يجذبنـه صفيـفـي كنه هديـب الشـام يـوم يتندجـر قدامه المدفـع ويـرزف رزيفـي وعقيل يتلونه على اكـوار ضمـر ومشطريـن ايمانهـم بالرهيـفـي وإلا مشى له ساعة ثـم هـو كـر يسعون خدامـه لحكـم الشريفـي يا ليـت خلـي يـوم قفـا تعـذر ما اقفا على السفهان كنـه معيفـي مـن يمكـم يـا الطيبيـن اتعـذر تدرون راع الحـب قلبـه رهيفـي دلا يزايـدنـي بشـقـر تنـشـر ومحاجـر للمـوت فيهـا رفيفـي ولي عشير جرنـي بالهـوى جـر ويجرني جرت مـزون الخريفـي وفي عينه اليمنى سيـوف تسطـر وفي عينه اليسرى عساكر شريفـي أشكى على حماسة البـن الأشقـر أهل النجور اللى ترازف رزيفـي واشكي على لباسة الجوخ الأحمـر مـن فـوق قـب ينقـان الرديفـي واشكى على اللى يم حائـل تومـر تكفا ياخو نـوره زبـون المخيفـي وان كان اخو نوره لشكواى ما سر ولا انقطع حبل الرجا مـن وليفـي ألي حما في نجـد بالسيـف الابتـر وما طرت البصرة لحـد القطيفـي والقصيدة فيها بعض الاخطا الواضحة لكن لقيتها كذونقلتها مثل هذا البيت عليك ياللـى هرجته كنـه الـدر درالصعـوب ان سلهمـت للعطيفـي؟؟ در الـصـعــوب اللي تكسر تكسر الصعوب ماتحلب الا بصعوبة وابد ماتكسر ولا تعطف؟ وانا سمعته كذا جوابه احلى من لبن بنت الاشقر بنت اسري ون سلمهت بالعطيفي وهنا اتسال هل فيه ابل اسمها بنت اسري؟.احتمال انه جمل مشهور في ذلك الوقت واسفة لو ازعجتك شاعرنا بطول الرد لكن للفايدة طولت الرد. |
صح لسانك يابوفيصل ع اللغز الجزل
جاري البحث ولنا عوده |
وعليكم السلام ورحمة الله وبركاته
صح لسانك يابو فيصل غلى هاللغز الجميل وش قولك بخرز السبحة |
لكن لهم بالوصل دور ورى دور
دبابيس الدباسة |
الخوة الكرام
حسين عامر الكحيله علي همس صحت ابدانكم جميع ولاهنتم أخوكم لديه وعكه صحيه ولكن الحمدلله على أية حال جميع ماذكر في أعلاه غير صحيح واعذروني على الرد الجماعي والله ياجماعه مزري همسه في أذن همس لأعجابي برمعتها / المطلوب اخوان ليس خوات فالخرز مفردها خرزه او يقال حبه ورمعة حسين اقول خذ الحيطه والحذر لاتقحمنا بأم الدبابيس ههههه الشطر الاخير يخالف الرمعه |
طيب
اسنان المشط |
طاب حظك
ماااالك لواا لـكـن لـهــم بـالـوصـل دورٍ ورى دور = مــن بينـهـم حـبـل المـواصـل بديـهـي |
ونقول
ازارير لوحة المفاتحي حقت الحاسب ارقام الجوال او الهاتف |
ماااالك لواا
مــن بينـهـم حـبـل المـواصـل بديـهـي |
طيب
صفوف المصلين او طابور الصباح لطلاب |
صح السانك يابو فيصل على اللغز الجزل بيض الله وجهك
لنا عوده ان شاء الله |
الف سلامة لك يابو فيصل ماتشوف شر
طيب نقول العمودين اللي في ملف الاوراق او العمودين اللي في الخرامة |
ماالك لواا يالكحيله
مــن بينـهـم حـبـل المـواصـل بديـهـي |
ياهلا ابوفهد صح بدنك وابيض وجه مشكور
بانتظاااركم |
الله يسلمك يابوعلي والشر مايجيك
لازلت والله تعبان ، دعواتكم ماذكرته غير صحيح |
خطاك السو شاعرنا القدير
طيب الاسنان |
اقتباس:
كحيلة حرب القصيده لشاعر الكبير مخلدالقثامي العتيبي رحمه الله |
تسلمين عافاك الله يالكحيله مشكوره
الرمعه غير صحيحه |
ظيب يالطيب وش رايك:
( بالبواجي ) أو ( أصاب اليد ) |
اقتباس:
اما ناقدة كبيرة شوي علي لكن شفت المعنى عكس الواقع ومهو معقول ان البدوي يجهل مثل هذا الامر لكن لعله من النقل الخاطي للقصيدة |
صح بدنك يابوفهد لاهنت على مشاركتك
لكن خيرها في غيرها |
اقتباس:
وكلاهما عندي غالي وقد يعلم القليل منكم بأني لا أكتب الا في هذين الموقعين لهذا تم التوضيح تقولون ؟! / مالنا بالمواقع ،،،،،،،،،،،، أقول / أبشروا بالعوض ،،،،،،،،،،،،، الحل (( عمدان الكهرب )) (good) تحياتي للجميع |
صح السانك يابو فيصل على اللغز الجزل مرة ثانية وصح السان من حله وتواجدك معنا يابو فيصل اكبر عوض |
صح لسانك يابوفيصل لغز رايع بيض الله وجهك
وصح لسان من حله بيض الله وجهه |
اقتباس:
تحياتي لك |
اقتباس:
تحياتي لك |
الساعة الآن 05:35 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir