|
2693 ضمن العذاريب.. محلول من الكحيلة صح السانها
السلام عليكم ورحمة الله وبركاته
يقول ابو فيصل (من طول الغيبات جاب مدري وش جاب ) المهم اعذروني على التقصير والحضور المختفي واستلموا هاللغز اللي ماهو مطول بينكم لا هنتوا : يقول :
ان جاء بدون اللي يبرر مجية = حطوه بالأمثال ضمن العذاريب يقل به مقدار رجلن خوية = فيه يتميز وانه اغلى المكاسيب من يكسبه فيه مدحوه البرية =عطنا مثل نطبق عليه المطاليب |
وعليكم السلام ورحمة الله وبركاته صح السانك ياسيف الضافي على اللغز الجزل جاري التفكير |
عليكم السلام ورحمة الله وبركاته
ياهلا يابوضافي وصح لسانك على هالغز فيه تجديد بيض الله وجهك وش رايك بالمثل من جاء بلا عزيمه يقعد بدون فراش |
صح لسانك يابوضافي ياحبي للغز اللي يسأل عن مثل
يقول ابوضافي / عطنا مثل نطبق عليه المطاليب ابشر وعساه يصيب مايمدح السوق غير من ربح فيه |
صح إلسانك واعتلا شانك ياسيف الضافي ولاهنت على اللغز الجزل
فيه مثل يقول احدا لياغاب خاب واحدا لياغاب جاب او احدا يغيب ويجيب واحدا يغيب ويخيب |
وش رايك بالمثل رجع بخفي حنين |
صح السانك ياسيف الضافي على اللغز الجزل بيض الله وجهك
جاري البحث |
يا مرحبا بالجميع وصحة ابدانكم .
جميع المراميع ذبت الريع ولا جاء الى الان المرماع اللي نطبق عليه المطاليب . بانتظار القادم ...... |
صج السانك لاهنت
ونقول الضحك بلا سبب من قلة الادب |
يبيع الماء في حارة السقايين |
صح السانك على اللغز وجاري البحث عن الحل
|
اقتباس:
نعم صح لسانك يالكحيلة ( الضحك بلا سبب من قلة الادب ) |
صح السانك ياسيف الضافي على اللغز الجزل وصح السانك يالكحيلة على الحل المثالي |
اقتباس:
لغز جزل صياغة ومعنى لاهنت |
صح السانك ياسيف الضافي على اللغز الجزل بيض الله وجهك
وصح السانك يالكحيلة على الحل المثالي الله يعطيك العافيه |
صح لسانك
ياليت تشرح الشطر هذا لوسمحت لاني ماني فاهمه0فيه يتميز وانه اغلى المكاسيب وشلون يتميز الضحك السبب والا قلة الادب وانه اغلى المكاسيب وشو اغلى المكاسيب وكمان الشطر هذا من يكسبه مدحوه البريه وشو الي يكسبه الرجل ويمدحونه جميع الناس شاكر لك تجاوبك |
صحة السنتكم جميع الله يعطيكم العافيه
|
اقتباس:
لاانه انا من حله ان جاء بدون اللي يبرر مجية = حطوه بالأمثال ضمن العذاريب هنا المقصود الضحك يقل به مقدار رجلن خوية يقل به مقدار رجلن المراد هنا الادب خوية المراد هنا صاحب الادب = فيه يتميز وانه وبرضو هنا المقصود صاحب الادب اغلى المكاسيب الادب من يكسبه فيه مدحوه البرية هنا المقصود الادب وصاحب الادب يمدح فيه =عطنا مثل نطبق عليه المطاليب واضح المطلوب المثل وبصراحة انا لاعرف منهو سيف الضافي ولا من اي القبايل لكن الحق يقال هو في هذا اللغز تلاعب بالكلامات بشكل رائع وصاغ اللغز في اتقان صح السانه, |
الساعة الآن 09:40 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir