اوحيت بالسـاحه كـــلام وتحـالــيل = عن نشرة الاخبار من كل اذاعه
ياكثـر ماوحـيته وياكــثر ماقـــــيل = حول المدار اللي طويل نزاعــه
واللي حصل باثنا السمر والتعـاليل = أوحيت بتلا الليل ثورة اسراعه
من يوم ثارت بان حس الرجـاجيل =متخالطٍٍ صوت الفزع والفراعه
أربع من الجـــهيل وأثنــين عقــيل = متخالفين الراي لو هم جماعه
أثنـــين منهــم ماعليــهم مــداخـيل = ضد أربعه من حاملين الوداعه
منـــهم شجــيع يعـتزي بأول الليل = ويشجع المزهاف خبث ولكاعه
ينشي لها لين انــها تلقــح الـــحيل = ثم غز عن وجه القضية كراعه
والرجل مايرضى على نفسه الميل = كل يعدي دون وجهه ذراعه
ذا قول من يبحر بها مثل مـاقــيـل = لا جهز المركب وكرب شراعه
يــدل دربــه لاأخــتفـن الـدوالــيـل = لافتر راس الدوكرة والرعاعه
فــي غبتن كــن البواخــر زنابيــل =من هن تعيف من الطمع والطماعه
يجهل بها اللـي بالســوا ليف حـــلحيل= بالهرج والا الفعل مذموم ناعه
ماودي أحــرق حمسة البن بالحــيل= حتى شواريبه تلذ بمتاعه
كان السوالف مثل سـوق الفناجيل=في مجلسٍٍ عقيل ورجال طاعه
تحــس بالتقـــدير وتحـس تجليــل = تجليلة الاداب ماهي مياعه
ومحدثه ياخـذ مجــاله ولا يطـــيل = لو شده المصغي بجل استماعه
حيث العوارف كيـفهم نوع تكحيل =ماهي علوم مغالطات وصعاعه
للــهــرج نقــاده وللــهرج تفـصـيل= والفرق بين الهارجين الوقاعه
واقرب مثل يطري على البال قد قيل = الصمت له ساعه وللهرج ساعه
وهرجٍ بلا معنى يغــث المشاكــيل = ماكل مايطري على البال تاعه
ولا صار ماعند الــمسولف مـكـاييل = تراه عن خافيه يكشف قناعه
واصمت به حكمه وله فيه تنفــيل =لاجا المجال اللي يفوق اطلاعه
إلا ومـع ذلـك وجـيه المــقــابــيـل = للعارف المدرك سوات الاشاعه
منهم تحــرك لـلمشاعر مــراسـيل = ولا يجي للواردات امتناعه
ولا الهـبود اللـي عـن السالفه سيل=ينفض خروجه من جرف باندفاعه
ثم راحت الدعوى سحوب ولها ذيل = واللي يمله يتهمه بالبشاعه
مادري يحسب انه وحيد من الجيل = مافيه مخلوق يساويه باعه
ولا معودها على الحط والشيـــــل = من خيل ابوه وحطها له قلاعه
من سوء حظه وهـقـوه الدعابـيــل =عرفه وتفكيره جفاف ومجاعه
بناس هيمــانٍٍ صــواريمٍ تهيــل = وأهل مواقف في بطولة شجاعه
كد واجــهم بمحــدبات ٍ مصــاقيل = تدوين ماضيهم معاجم طباعه
لو للادب ساحل مقاس ومواصـيل = حصلت للعقدين شريه وباعه
لبــس وســامٍ فيه للجــدي وســهيل = لسهيل مطلاعه وجدي بشعاعه
حتى اتهم وشر بروس الأنامـــيل = مقرب سلام المتهم من وداعه
هذا وانــــا باقول ليــــامن الســيل = من لا بنى بيته براس الرفاعه
ذكرى لراعي بيت من غير تقليل = بيته مثولث والخدم في رباعه
يبطـــي مشبه ماتجيه المعامــيل = وان كبرت القاله يعود اتباعه
ذكرى بها حظر التجوال بالليل = اقولها فوق السموع براعه
اخفيتها وارسلتها دون تأجيل = لشر زند وللحروب اندلاعه
بدق اصابه لا توريت تعديل = واحدث موديل الأسلحة والصناعه
اخص واستثنى اهل البن والهيل =اللي بهم راسي يزود ارتفاعه
من كل خصله من ذراري اسماعيل =ولهم على هدي الأ آله اجتماعه

المشاركة الأصلية كتبت بواسطة ابوروان النويمي (المشاركة 134367) صح لسانك واعتلى شانك وبيض الله وجهك ... يعطيك العافيه ... على القصيدة الرائعه.... لا عدمنـــاكـ وننتظر جديدك.... اخيك ابوروان .

المشاركة الأصلية كتبت بواسطة ســـمو الشوق (المشاركة 134378) حياك ياراعيها راع الجزلات صح لسانك يالقرم تحياتي

المشاركة الأصلية كتبت بواسطة أبوليلى (المشاركة 134381) صـ لسـانـكـ ـح .. مــدد .. بـ .. لا .. عــدد .. دمــتَ .. كمـا .. أنــت .. بـ انتظـار .. الـ مـزيـد .. أخي .. الـ كـريــم ...

المشاركة الأصلية كتبت بواسطة سلطان الغيداني (المشاركة 134383) صح لسانك صح لسانك صح لسانك بيض الله وجهك على القصيدة الجزلة

المشاركة الأصلية كتبت بواسطة فارس عوف (المشاركة 134385) الشاعر/ غازي الزغيبي صح لسانك و بيض الله وجهك يا أبو طلال على هالقصيدة الجزلة

المشاركة الأصلية كتبت بواسطة سالم الفريدي (المشاركة 134461) صح لساانك ولله درك على هالقصيده ولاعجب يالجزل

المشاركة الأصلية كتبت بواسطة عيسى العوفي (المشاركة 134467) واقرب مثل يطري على البال قد قيل==== ا لصمت له ساعه وللهرج ساعـه صح لسانك يابوطلال ابدعت ابدعت ابدعت قصيده لم انهل من عذب غديرها وفقك الله يابوطلال

المشاركة الأصلية كتبت بواسطة محمد الشهراني (المشاركة 134690) الشاعر/ غازي الزغيبي صح لسانك و بيض الله وجهك يا أبو طلال على هالقصيدة الجزلة

الشاعر العملاق غازي الزغيبي

صح الله لسانك

وبيض الله وجهك

وابداع غير مستغرب منك يابوطلال

تقبل تحياتي

ودمت بخير

المشاركة الأصلية كتبت بواسطة ابن خيرالله الردادي (المشاركة 135300) الشاعر العملاق غازي الزغيبي صح الله لسانك وبيض الله وجهك وابداع غير مستغرب منك يابوطلال تقبل تحياتي ودمت بخير