|
2588 لغز من رجلٍ تقي.. محلول من حسين صح السانه
السلام عليكم ورحمة الله وبركاته
بنشد الشعار وأنشد مستشار الملتقا =وأنشد الحضّار وابنشد هَلَ الفكر النقي كلمتينٍ واضحاتٍ جن على وضح النقا =جن على وضح النهار اِجهار من رجلٍ تقي واضحاتٍ سامياتٍ جن بعد صبر وشقا =زهَّقَن كل الخصوم وبيّحن سد الشقي سميّهنّ اللي له اخوانٍ يجونك اِرفقا =يجي في يومٍ نلتقي ولاّ بعد مانلتقي |
وعليكم السلام ورحمة الله وبركاته صح السانك يابو فيصل على اللغز الجزل جاري التفكير |
صح لسانك يابو فيصل
وعاداتك حبك اللغز ولي ان شاء الله عوده |
والله يابوفيصل
واجد اللي على وضح النقاء ولاكن وش رايك بدعوة نوح على قومه |
صح لسانك يابوفيصل وبيض الله وجهك
وش رايك سبحان الله وبحمده سبحان الله العظيم |
حيا الله شاعر القوافي وصاحب الالغاز ..
.................................................. ... اليست الركن الاول من اركان الاسلام .. .................................................. .... لااله الا الله محمد رسول الله ’’ |
عليكم السلام ورحمة الله وبركاته
صح لسانك يابوفيصل ابيات رايعه الله يعطيك العافيه اجابه لسوال عساي اخذ الدرجه كامله وش رايك كلمة عمر الجبل ياساريه |
صح بدنك ابوعلي
وبانتظار الرمعه |
صح بدنك اخ صلاح مشكور لاهنت
الرمعه غير صحيحه |
صح بدنك يابوناجي ابيض وجه ولاهنت
الرمعه غير صحيحه |
ابقاك الله اخ مجلاوي ولاهنت
الرمعه غير صحيحه |
صح بدنك يابوهليل ابيض وجه
وراسك الجزل لاهنت مشكور مااالك لواا |
صح لسانك وبيض الله وجهك
وش رايك ب الدعوه للأسلام او السلام^^ أحترامي |
اقتباس:
ولغز ثمين لاشك ونقول قول الله تعال.في سورة يس وجاء من أقصى المدينة رجل يسعى قال يا قوم اتبعوا المرسلين اتبعوا من لا يسألكم أجرا وهم مهتدون وما لي لا أعبد الذي فطرني وإليه ترجعون أأتخذ من دونه آلهة إن يردن الرحمن بضر لا تغن عني شفاعتهم شيئا ولا ينقذون إني إذا لفي ضلال مبين إني آمنت بربكم فاسمعون عطف على قصة التحاور الجاري بين أصحاب القرية والرسل الثلاثة لبيان البون بين حال المعاندين من أهل القرية وحال الرجل المؤمن منهم الذي وعظهم بموعظة بالغة وهو من نفر قليل من أهل القرية . |
يجي في يوم نلتقي > الصدام الامامي ههههه والا بعد مانلتقي > الصدام الخلفي وش رايك في كلمة ابو عدي رحمه الله هيك المرجله |
صح بدنك اخت اصايل حرب لاهنتي
الرمعه مااالك لواا |
صح بدنك يالكحيله لاهنتي
مااااالك لواا |
رمعه بعيده يابوعلي
خيرها في غيرها :) |
متطلبات اللغز كلمتين
|
صح لسانك يابو فيصل على اللغز الرائع
جاري التفكير ولي ان شاء الله عوده |
وشرايك يابوفيصل
بكلمة كن فيكون قال تعالى ﴿إنَّما أمرُهُ إذا أرادَ شيئًا أن يقولَ لَهُ كُنْ فَيَكون﴾ |
صح بدنك ياعلي ولاهنت مشكور
الرمعه مااالك لواا |
|
8
مااالك لواا |
طيب الكلمتين (اما بعد ) مادري من قالهن ولاعرف مناسبتهن
|
اقتباس:
قالوا: أول من قال (أما بعد) داود عليه السلام ، وهو قوله تعالى : (وءاتينه الحكمة وفصل الخطاب). أخبرنا أبو أحمد عن الصولي ، عن زياد بن الخيل ، عن إبراهيم بن المنذر ، عن عمر بن عبد العزيز ، عن أبي الزناد ، عن أبيه ، عن بلال بن أبي بردة ، عن وجد أبي موسى أنه قال : فصل الخطاب (أما بعد). وقال الشعبي كذلك ، ومعناه أنه يفصل بين الحمد لله وغيره مما يبتدأ (به) وبين ما يجيء بعده من القول. قال الشاعر السابق اليزيدي : اسم الذي أنزلت من عندك السور ............... والحمد لله أما بعد يا عمر فإن رضيت بما يأتي وما يذر ................. فكن على حذر قد ينفع الحذر |
ابوهليل
الكحيله مااالكم لواا |
اقتباس:
مشكوره اختي الفاضله فقط للاستفسار هل داوود عليه السلام يتكلم العربيه حتى تنسب له هذه الكلمه |
طيب نقول قول بلال بن رباح رضي الله عنه عندما كان يعذبه كفار قريش أحد .. أحد |
طيب ايات موسى
اللتي قهرت فرعون ولتقفت كيد السحره قل تم |
الحق بيت للغز يبو فيصل( لعل وعسى !)
.............................................. مسيتم بالخير |
اقتباس:
والله اعلم لم اجد اجابة مؤكدة عن كونه يتكلم اللغة العربية ولغته عليه السلام العبرية وهي قريب من العربية والله سبحانه اعطاه فضل كبير فصل الكلام والحكمة ومعرفة منطق الطير عليه السلام. |
وعليكم السلام ورحمة الله وبركاته
صح لسانك يابو فيصل على هاللغز الرائع ورمعة أبو علي شكلها القاتله الي كلام بلال أحد أحد ننتظر الرد |
اقتباس:
صح لسانك يابوعلي وعافاك الله في الصميم (good) (( أحدٌ أحد )) قالها بلال رضي الله عنه عند تعذيب قريش له وقد عذّبه أمية بن خلف عذاباً لايطيقه بشر لـ يرده عن الاسلام ولكن صبر ولم يثنيه عن دين الحق فقال هذه الكلمتين والقصه معروفهللجميع ملاحظه : سميّهن يوم الـ أحد شكراً للجميع هذا التفاعل والمشاركة الرايعه تحياتي |
المجدلاوي
انتهى اللغز وراح عند المستشار حسين |
صح بدنك ياهمس النسيم
لاهنتي نعم تأييدك 100% في محله صحيح |
اقتباس:
:0736:صح بدنك يابو فيصل:0736: :0555:وصح السانك على اللغز الجزل مرة ثانية :0555: |
صح لسانك يابوفيصل على الغز وبيض الله وجهك
وصح لسانك ياحسين ماشالله تبارك الرحمن ابدعت بالحل بيض الله وجهك |
صح السانك يابوفيصل على اللغز الرائع بيض الله وجهك.
صح السانك وفكرك ياحسين على الحل المثالي بيض الله وجهك تحياتي للجميع |
حسين
ابوهليل ابوفهد صحت ابدانكم جميع وبيض الله وجيهكم |
الساعة الآن 10:37 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir