|
2558 لغز من الفرن جديد وساخن.. محلول من حسين صح السانه
السلام عليكم ورحمة الله وبركاته
أقدم لكم هذا اللغز واعذرونا على قل الكلافه
وش هنوفٍ كلّها حسْن وجمال =طبعها المغري يحث بعض الملا احذف اثنين يطلع اَخرها كمال =بنتٍ في وضح النقا للِّي تلا واَخر اثنين لاحذفته .. اِبتهال =للعظيم المقتدِر جل وعلا |
الله لغز جميييل جدا ومحبوك باتقان
صح لسانك والبحث عن الحل جاري |
صح بدنك يالغيداني وياهلابك حياك الله
لغزٍ مبروك اللي جابك وصح بدنك بانتظاااار الحل |
اشوف الاجرد واثبٍ كنه النمر الواثب :)
ودي اسبق رده لو مرّه دام ما رد للحين واقول حياك الله على الماجود |
صح إلسانك يأبو فيصل لغز جزل لاهنت وش رايك بكلمة ( هدايه ) ( ايه ) ( هدا ) |
اقتباس:
ماعليك زود يالسبع يالذيب والله جزل يأبو فيصل والله ودي أرد ردا بمقام اللغز وراعيه |
وعليكم السلام ورحمة الله وبركاته صح السانك يابو فيصل على اللغز الجزل اللغز صرعه الاجرد وانا بكمل عليه دعاية |
اقتباس:
صح إلسانك ياحسين ولا هنت اللغز أنتهى عند رمعتك الله لايهينك لك بياض الوجه انت وصاحب اللغز |
مايحتاج اكمل حسين مابدا به الاجرد
واللغز وضع رمعته القاضيه وصرعه الاجرد مع دعم وتأييد حسين القوي له صح السنتكم جميع |
صح لسانك يابوفيصل
والحل مثل ماقال حسين دعايه دعا ايه والعلم عندك |
اقتباس:
صح بدنك وصح السانك يابو علي لاهنت ولاهان غاليك ووجهك الابيض زادك الله رفعة على تواضعك وانا امثل رمعتي هذه بالثعلب الذي يقتات من مايصيد الاسد هههه |
اقتباس:
صح بدنك يابو السليم وايضا هذه المشاركة تعتبر تأييد منك للحل |
اقتباس:
مشكور على التأييد يابو هليل وعلى كذا تأكدنا من صحت الحل مابقي الا ختم العمدة ابو فيصل |
اقتباس:
|
عليكم السلام ورحمة الله وبركاته
صح لسانك يابو فيصل ولا هنت على هاللغز الجميل وأشوف القوم تماعطوه ماخلو به ولا شحمه |
اقتباس:
صبته اصابه قام يعرج منها لكن خيرها في غيرها |
اقتباس:
(good) الدعايه والله اني داري تبي تحلونه ان اخطاه الاول ما اخطاه الثاني صح بدنك وصح لسانك ياحسين وبيض الله وجيهكم جميع ماقصرتو |
اقتباس:
|
اقتباس:
صح بدنك يا احمد تأييدك وتاكيدك في محله |
اقتباس:
|
اقتباس:
اي والله تماعطوه وداري ماهو سالم هههههه اجهز عليه ذبّاحه حسين دمتم جميعاً بخير |
صحة الالسن وبيض الله وجيهكم جميع
|
صح السانك يابو فيصل مرة ثانية على اللغز الجزل وصح بدنك تشرفت بالمساهمة في حل لغز من نظمك شاعرنا الكبير وصحت ابدان الجميع شاكر لهم الاشادة والمشاركة |
صح بدنك ابوعلي والله يرفع قدرك وانااخوك
الى ان نلقاكم بمشيئة الله |
صح لسان من نظم اللغز ولاهان
و صح فكر وتفكير من حل اللغز ولاهان تقدير واحترام للجميع |
صح بدنك اخوي عامر وياهلا
شاكر لك مرورك ولاهنت |
صحة السنتكم جميع الله يعطيكم العافيه
|
صح بدنك ابوهليل ويعافيك
|
الساعة الآن 04:37 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir