|
2557 تشيل شايلها.. محلول من معجب الحربي صح السانه
السلام عليكم ورحمة الله وبركاته
صباح الخير للجميع بما ان الملتقى خالي من أي لغز يسرني ان اضع بين ايديكم هذا اللغز المتواضع وياليت الهوامير يعطون اللي ماهم هوامير فرصه . اهم شي ان تلاحظوا اخر شطر فقد لا تكون هذه البنت معروفه للكل لانها ( ولا هي لكل الناس لناس (ن) مسماه ) استلموا :
ياويش بنتا شكلها مستطيل = ومكانها دايم على يمين تلقاه تشيل شايلها وفيها تفاصيل = ولا هي لكل الناس لناس (ن) مسماه |
الله يستر اغلب الهوامير اشوفهم ( متواجدين الان ) راح فيها اللغز المسكين ,,,,
|
وعليكم السلام ورحمة الله وبركاته
صح إلسانك ولاهنت وش رايك باللوحه الارشاديه على الطريق لتحديد الموقع او المسافه |
اخي الاجرد صح بدنك ولاهنت والحمدلله انه هالمره سلم منك
تقول اللوحة الارشادية على الطريق اقول اللوحة الارشادية ماهي لناس عن ناس الرمعة اللي بعدها اتوقع تجيبها بالصميم . الله يستر ..... |
وعليكم السلام ورحمة الله وبركاته
صح السانك ياسيف على اللغز الجزل اقول البشت اذا طبقها تحت الابط او السبحة |
صح بدنك يامستشارنا العزيز ( حسين ) وابشرك لغزي سلم منك وعقبال بقية الهوامير يمرون مرور الكرام .
خيرها بغيرها |
صح لساااانكـ أخوي سيف
وش رايكـ ب اشارة المرور ^^ او العصا المعذره جات في بالي الإثنين قلت أكتبها^^يمكن تصيب تحياتي |
صح لسانك ياسيف
لغز دكتاتوري يأتي في وقت تكون الساحه هاديه والجو هادي ههههههه وش رايك بالحقيبة الدبلوماسية شكلها مستطيل يشيلها الرجل الدبلوماسي في يمينه ( وتشيله / تقصد الحصانه التي تحميه وتعبّره دون اي تفتيش ) |
الاخت اصايل حرب صح بدنك وارجوا ان لا يجي في بالك لا اشارة المرور ولا العصا .
ومالك لواء |
عزيزي البرفسور ابو فيصل يسرني ان اهنئي نفسي ان لغزي سلم منك وانت هنا تعتبر من كبار ( الهوامير) .
مالك لواء يابو فيصل ورميك سماوي خيرها بغيرها |
صح لسانك
اطلب منك التقيد بالوزن وحتى تعرف ياسيف لحن لغزك وتكتشف الخلل الرمعه لوحة الاسم الموجوده في بدلة العسكري |
صح لسانك يامعجب الحربي
والدعوى ما وصلت الى درجة ان نلحن الالغاز والا كلامك صح 100% والمفروض التقيد بالوزن لكن اسمح لي هالنوبه وعقبها التوبه تقول لوحة الاسم الموجودة في بدلة العسكري أقول ( صح لسانك ) الرمعة هي الحل . ومثل ما وضحت لكم بالمقدمه للغز ( قد لا تكون هذه البنت معروفه للكل لانها ( ولا هي لكل الناس لناس (ن) مسماه ) سامحوني اذا اللغز دون المستوى والسلام عليكم . |
صح السانك ياسيف الضافي مرة ثانية على اللغز الجزل
وصح السانك يامعجب الحربي على الحل المثالي |
صح لسانك ياسيف الضافي وفكرك
وصح لسانك يامعجب |
صحة السنتكم جميع الله يعطيكم العافيه
|
الساعة الآن 03:14 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir