|
2521عمرها ما هو طويل.. محلول من الكحيلة صح السانها
السلام عليكم ورحمة الله وبركاته
الله يمسيكم ويصبحكم بالخير مريت وشفت ملتقى اللغاز ما فيه ولا لغز قلت ياولد فرصه لكن ما عندي الا لغز يطير من اول رمعة المهم استلموا هذا اللغز وعساه ينال الاعجاب :
ياويش بنتا عمرها ماهو طويل = يا شهر والا شهرين ولا تعدا الثلاث والبنت منسوبه لبنتا هواها عليل = ولا تصلح الا بعد ذيك الليال الغثاث |
عليكم السلام ورحمة الله وبركاته
صح لسانك ياسيف على الغز الجزل بيض الله وجهك وش رايك المربعانيه والا الشبط والا العقارب |
صح بدنك يابو هليل ووجهك ابيض
اختار وحدة من الثلاث يابو هليل يالمربعانية والا الشبط والا العقارب والا تدري دووور غيرهن ورميك سماوي |
عليكم السلام والرحمه
صح لسااانك ياسيف جااااري البحث والتفكير |
فرحتني يابو ضافي قلت حليته
مادريت عن الي تحت الا يوم جيت باكتب وحده من الثلاث هههههههههههههه الله يعين جااااااااااري البحث |
للاسطورة الخيار
والخيره فيما يختاره الله (good) |
اقتباس:
|
ههههههههههههههههه
على يمناك معك واحد معاون |
عليكم السلام ورحمة الله وبركاته اخي الكريم سيف الضافي أسعد الله جميع أوقاتك بالخير والسرور صح السانك واعتلا شانك على صياغت اللغز الجزل بيض الله وجهك. وش رايك: بالأجازة الصيفية/ عطلة المدارس: بعد عناء الدراسه . |
اقتباس:
ياسلام ي ابوفهد صح لسانك ولسان سيف ننتظر وش رد سيف الضافي ، يقولون لاتقولون بر لين توكي عليه (good) تحيتي لكما |
وعليكم السلام ورحمة الله وبركاته صح السانك ياسيف الضافي على اللغز الجزل اذا ماراح عند ابو فهد جاري التفكير |
صح بدنك يابو فيصل
والله اني استمتعت بردودك انت وابو هليل ابو فهد صح بدنك وماشاء الله عليك تقول الاجازة الدراسية او الصيفية لكن نسيت ان فيه شطر باللغز يقول ( والبنت منسوبه لبنتا هواها عليل !!!! كيف تنطبق على الاجازة ؟؟؟ مالك لواء يابو فهد والله اني ودي اقول صح لسانك لكن الجايات احلى . |
صح بدنك اخوي حسين وخل التفكير جاري ونحن بالانتظاري .
|
طيب وش تقول باجازة الربيع حقة المدارس
|
طيب إذا سلم من ابوهليل:
اقول, الكنه, يقال كنة الثريا: |
مالكم لواء اخواني أبو هليل وأبو فهد
والله اني ما هقيت انه يسلم الى هالوقت لكن ترى الاجازات الرسمية والكنة وسهيل والثريا كلها وقتها محدد ومعروف للجميع لكن هاذي ( ياشهر ياشهرين ويمكن ثلاث شهور ) حسب الوضع مع العلم انها ما تصلح الا عقب ذيك الليال الغثاث الى هنا ويكفي . وهي لناس عن ناس |
اقتباس:
ونسال الله السلامة للجميع ونقول الاجازة المرضية وتعرف في فترة نقاهه |
اقتباس:
الأخت الكحيلة صح بدنك وصح فكرك ( رمعة بالصميم ) نسال الله السلامة ما خليتية يكمل 24 ساعة ما شاء الله الحل مثل ما قلتي ( فترة النقاهه ) بعد المرض والليال الغثاث . |
صحت ألسنتكم جميع والله لايهينكم
لغز كايف لكن لي في مسألة هذه الفتره تحفظ الله يحفظنا ويحفظكم احترامي |
صح السانك ياسيف على اللغز الجزل مرة ثانية وصح السان الكحيلة على الحل |
اقتباس:
لغز رائع لاشك جزيل الشكر والامتنان الكل من شرفنا حضوره |
صح السنتكم جميعا صاحب اللغز والي حله
الله يعطيكم العافيه |
صح السنتكم جميعا صاحب اللغز والي حله الله يعطيكم العافيه |
الساعة الآن 01:19 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir