|
من يوم نط الخال راس المراقيب
من يوم نط الخال راس المراقيب= صار يتهكّم بالبلاد و بهلها من عقب ما هي كل شيِّن بترتيب= مع "السعوديه" "أباما" عَمَلها راح يتغزّل بالمجوسي و ذا عيب=حطوا خشم أمريكته في وحلها هو يحسب انه كاسبٍ له مكاسيب= ما يدري ان الفرس تتبع مللها ان شغّلوا التقيه سعوا له بتخريب=قولٍ بلا فعل و عن الغدر سلها سياسته خرقا و لا فيه تجريب= خالٍ غبيّ و شايلٍ قلب بلها اصبح تبيعْ و طايع ل"بوتن" الذيب= يمشي على كيفه و ربعه خذلها في سوريا "بشار" قتلٍ و تعذيب= و "بوتن" خذ يدين الكديش و عقلها صارت بلاد "الفرس" تملي المطاليب= و هو ينفِّذ أمرها ما سألها قطع وعد و اضحت وعوده أكاذيب= يوم حشروه "الروس" بيَّن خللها قالوا ندمِّر اسلحة كل تخريب= وصدّق و عين ابليس بِيدِه كحلها هو ما درى ان سلاحهم راح تهريب= شالوه "حزب اللات" داخل احثلها و شال المجوسي جزء ظاهر و تسريب= و "المالكي" خذ حصّةٍ له حملها قالوا نبي نوقف مشاريع تخصيب= و لو دمروا وِحْدَه بعشرٍ بدلها تكفى يبو "متعب" بلا شك أو ريب= ما للحمول ان ثقلت الا جملها طوِّح بعال الصوت لصغارٍ و شيب= و كلمة "جهاد اهل الضلالات" قلها و يجون ما يبغون للموت ترغيب= في خدمة الاسلام للموت ولها حنا ثلاثمية ملايين عِرِّيب= و الدين واحد و اللغه ما جهلها و الارض فيها الخير و المال بالجيب= و الطاقه بسمش البلاد و رمِلها و رجالنا وقت الملاقاة غلّيب= ترقا المعالي بالجديد و سملها وصلوا على اللي جت رسالته تهذيب= للخلق في ارض الله و كافّة دولها |
كلام روعة
تسلم |
صح لسانك ماقصرت
|
تسجيل تواجد في منبر الجزاله صح لساانكـ بيض الله وجهك |
صح لسانك يالصييفي
والله يعز البلاد واهلها |
الشاعر/الصييفي صح السانك.. دمت بحير...
|
صح اللسانك على الإبداع يا الصييفي
|
اقتباس:
الرائع حضورك يا تكفيني الذكرى شكرا لك |
اقتباس:
حياك الله يا صلاح و صح بدنط شرفتني بحضورك |
اقتباس:
الجزل تواجدك يالحب الباقي صح بدنك و مشكور على حضورك و جهودك |
اقتباس:
ارررحب يبو تركي صح بدنك و تقبل الله منا و منك |
اقتباس:
ارررحب يا سند العريمه صح بدنك و دمت بصحه و عافيه |
اقتباس:
مرحبا بك يبو محمد صح بدنك لا هنت على حضورك المشرِّف |
صح الله لسانك ولاهنت وسلم فكرك وبنانك دمت برعاية الله وحفظة |
اقتباس:
مرحبا بك يا فهد الله لا يهينك على حضورك المشرّلإ لك كل الود |
صح السااااانك
والله ينصر الاسلام والمسلمين |
اقتباس:
صح بدنك يا عيسى العوفي و تقبل الله منا و منك |
الساعة الآن 08:01 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir