تراك لاكثرت مصادر دراهمك=
= لا تامن التقصير في حق ربك
لانك ورى الدنيا تكرب محازمك=
=في زودهـا يزداد عـاتي مهبك
تهرف هريف الذيب والهم زاحمك=
= والبنك من كثر الملايين حبـك
ولاينفعك بنكٍ بالإيداع رايمك=
= لا جـاء نهـارٍ بالمـقـابر مطبـك
أفنيت عمرك للدراهم تجشمك =
=وبقى العمل والمال ياشين كبك
راحت ملايينك وزالت معالمك =
=واللي مـدحك العام عوّد إلسبـك
وعقب العزاء تقسم مخازن غنايمك =
=ياللي سكنت بدار ماهـي مربك
والزوجة اللي ماضي الوقت تفهمك=
= جـاهـا عشـيـق لمالهـا ماحسبّك
وأرحم عيالك بالصحاصيح دمدمك=
= وقفيت عن دنيـاك لوجاه ربـك
وقدمك حسناتك وقدمك ظلايمك =
= ويا حسرتـك ون كـان مـالك لعبك

وقـدمـك حسنـاتـك وقـدمـك ظـلايـمـك = ويـا حسرتـك ون كــان مـالـك لعـبـك