في حفل شيخٍ له مكانه وتقدير=عند الجميع أقصى العرب والموالي
زبن الحنيني دون قول الشواعير=معروف مايحتاج شرح وسوالي
ماجاته الشيخه بحمر الدنانير= جاته من جدوده عريب الخوالي
ابوه قدامه وجده مشاهير= يوم الليالي بين ميل وعدالي
ورث الوفاء منهم عشير المناعير=من غير بشت المشيخه والدلالي
وصينيةٍ لاقدمة للخطاطير=تضرب بها الامثل بأول وتالي
شيخٍ ليا ضاقت علينا المعابير= وقلت بنا الحيلات والاحتيالي
ننصاه بالصعبات من دون تقصير= بشيوخ ربعي تاج راسي ومالي
بسمه نرحب بالوجيه المسافير=بكل الضيوف الحاضره والاهالي
يامرحبا مثل المهيل ليا دير=بين النشاما طيبين القبالي
واحلا من الحالي ودر الاباكير= لاربعٍ في نجد زين المفالي
ان علته دهم المزون المزابير=وكسا الفياض العشب مثل الزوالي
من صادق الاحساس صغت التعابير=شاعر وجالي عند ربعي مجالي
اهل النبا الطيب وحدب البواتير= حنانيه يوم الخطر ماتبالي
يردون حوض الموت دون المغاتير= وياما ثنو من دونها بالسلالي
على السبايا يبعدون المسابير=يوم القوامه ماضيات الليالي
كم فرقو من مقبلات الطوابير=خيالة العليا قروم العيالي
اكرام وابناء اكرام حصنٍ مناكير=ماتمشي العوجا عليهم عدالي
الجار ماترفع عليه البواكير = حقه مبدا مايجيبه جدالي
ماهو على بيبان بيته نواطير=ياعنك منهم مايجيه الخمالي
له بينهم قيمه وشيمه وتقدير=يحسب حساب الطيبين الغوالي
من جودهم مايحسبون المخاسير=ونفوسهم مثل القراح الزلالي
بالطيبه عدو بروس الشناظير=ومن الفخر فيهم رفعت العقالي
النعم فيهم عد ماغرد الطير=وعداد ماذعذع نسيم الشمالي
ذكر الحيا واهل الوجيه المناوير=يبين وتعده جميع الرجالي
ولا رخوم القوم دايم مخامير=يغيضها مدة كريم السبالي
ماودها بالوقت من يفعل الخير=بعيونها من طاب مثل الخلالي
وقت الرخا كلٍ مثل سالم الزير= وتلقى لهم عند الصحون اجتوالي
وان صار كر وفر قفة مدابير= مثل القطيع اليا عتلاه الجفالي
فيها عن الواجب بلاده وتخدير=مافالهم ليه يالاجواد فالي
في سوق قال وقيل دايم هوامير=ياطيبهم بالمخطيه والهزالي
سود القلوب مشاورين الغنادير=سهاجة الواجب سنام الخبالي
يارب منهم طهر الارض تطهير=ياسامعٍ بالليل صوت النمالي
الطيب ياصعبه على نافخ الكير=ماكل من يبغاه للطيب نالي
عليه لو ضير راع الهون تضيير=تلقاه مايقدر يشيل الثقالي
صحيح من قال المثل بالتعابير=ماتستوي روس العرب بالحثالي
حيث الردى راعيه دايم معيثير=لو يدعي بين العرب بالكمالي
وأهل الحسد لو حاولة تعكس السير=وقامة على روس النوازي تلالي
في هرجها ماحركة قمة النير=لاوالذي فوق المخاليق عالي
من عاش بالدنيا على منة الغير= مايفقده لامات حتى الموالي
ماتنفقد غير الرجال المغاوير=اللي لهم وقت الشدايد ظلالي
يقوله اللي صور الوضع تصوير=حقايقٍ ماهي مجرد خيالي

المشاركة الأصلية كتبت بواسطة مساعد الجليدي (المشاركة 1387808) صح السانك مليون وزبن وربعه يستاهلون ودمت بخير وسعاده

المشاركة الأصلية كتبت بواسطة الحب الباقي (المشاركة 1387810) تسجيل تواجد في منبر الجزاله صح لساانكـ بيض الله وجهك

المشاركة الأصلية كتبت بواسطة شأس نجد (المشاركة 1387812) صح لسانك يابو تركي على القصيدة الجزلة وكفوووو أنت وابن جديع وحرب كافة

المشاركة الأصلية كتبت بواسطة الطالب (المشاركة 1387814) صح لسانك يابو تركي على القصيدة الجزلة وكفوووو أنت وابن جديع وحرب كافة

المشاركة الأصلية كتبت بواسطة ابوهليل (المشاركة 1387821) قصيده جزله ولايستغرب من سيف حرب سعد المحمدي صح لسانك وبيض الله وجهك ويستاهل ابن جديع وربعه ماقلت فيهم

المشاركة الأصلية كتبت بواسطة فايزموسى البشري (المشاركة 1387822) الشاعر القدير سعد المحمدي صح لسانك يابو تركي على هالجزالة والابداع وانعم والله فيك وفي ابن جديع الله يعافيك ويبيض وجهك

المشاركة الأصلية كتبت بواسطة المطوع (المشاركة 1387831) صح االسانك ياشاعرحرب

المشاركة الأصلية كتبت بواسطة سند العريمه (المشاركة 1387847) صح السانك ياشاعرحرب عوايدك الجزاله والعلم الغانم يابوتركي لاعدمناك.وابن جديع يستاهل وانت تفعل. وتحياتي وتقديري لكم ولشعركم المميز والجزل دائما. اخوك سند بن مسند العريمه.

المشاركة الأصلية كتبت بواسطة سند العريمه (المشاركة 1387873) اخوي العزيزالغالي الشاعرالكبير الشاعر/سعدبن عبدالله المحمدي الحربي بيض الله وجهك على ماكتبت والحقيقه ان زيارتكم لنا انت اخي الشاعرسعد واخي الشاعرالكبيرمرزوق مبشر الحثل الحصني واخي المعلم الاخ فهدبن فالح المحمدي الحربي في منزل والدي الغالي/مسند بن سعد بن سعود العريمه في مدينة الفواره في منطقة القصيم إنها من اجمل الزيارات وتشرفابزيارتكم عموما والدي وأبنائه وربعنا الذين حضرو المناسبه والذين لم يحضروا من العريمات وغير العريمات من ربعنا الباقين الذين يسكنون مدينة الفواره لما علموا لاحقا بزيارتكم تمنوا مقابلتكم والسلام عليكم وإكرامكم وانت يابو تركي لك علينا وعلى جميع حربي تهب على راسه الهواء حقوقا كثيره ليست مجرد عزومه وذبيحه. وسلام المعلم فهد المحمدي وصل والله يسلمك وياه من النار . وان شاء الله تعوضونا بزياره اخرى يكون وقتها اوسع من وقت زيارتكم هاذه لانه كان وقتها قصير جدا ﻹرتباطكم بحفلة الشيخ زبن بن جديع للمشاركه فيها. وابلغكم تحيات وسلام والدي حفظه الله وإياكم وجميع إخواني ومحبكم وربعي العريمات واهل الفواره عموما.. وتقبلوا تحيات الحميع ودمتم سالمين.....

المشاركة الأصلية كتبت بواسطة غازي الزغيبي (المشاركة 1387905) صح السانك يابوتركي قصيده عصما

المشاركة الأصلية كتبت بواسطة خالد الرويتعي (المشاركة 1387912) نبارك لشيخ /زبن نجاح حفلهم وصح لسانك وبيض الله وجهك

المشاركة الأصلية كتبت بواسطة الآسيــــــر (المشاركة 1387919) صح لسانك وبيض الله وجهك وسلمت يمناك تحياتي

المشاركة الأصلية كتبت بواسطة محمد بخيت الحناحنه (المشاركة 1388227) صح السانك وبيض الله شاعرنا العزيز ابو تركي

المشاركة الأصلية كتبت بواسطة متذوق القصيد (المشاركة 1388336) صح لسانك يابو تركي ابيات تكتب بماء الذهب بيض الله وجهك على القصيده الرائعه والمتميزه ولاهو غريب عليك الابداع والتميز فانتم اهله

المشاركة الأصلية كتبت بواسطة صلاح الحيسوني (المشاركة 1388352) صح لسانك وبيض الله وجهك

المشاركة الأصلية كتبت بواسطة خالد الحصني (المشاركة 1388612) السلام عليكم ورحمة الله وبركاته صح السانك يا بو تركي. قصيده كفو من شاعر كفو في رجال كفو انته شاعر متمكن. وانا اتحدا كل شاعر فيك في تمكنك من المعنى والعب با المفرده. انت شاعر با الفطره. وموهبه. واخذتها من ابوك وجدك. وهذا. الاصل ابو الله يرحمه ويرحم ابوي والمسلمين شاعر معروف. وانته ما شالله عليك. ضفيتها. من البحر الى البحر. صح السانك يابو تركي. والو منت اخو وصديق كلت كلام اكبر من هذا بحقك ولكن. يحسب علي انك صديقي. وشاهدي فيك معروفه

المشاركة الأصلية كتبت بواسطة الكحيلة (المشاركة 1388630) والنعم بالجميع صح السانك لاهنت مستشارنا القدير ولاهان منطوقك

المشاركة الأصلية كتبت بواسطة فهد ابن غانم (المشاركة 1389600) صح الله لسانك ولاهنت وسلم فكرك وبنانك دمت برعاية الله وحفظة