|
2404بمناسبة تعيينكم مستشارا000محلول من الكحيله صح لسانها
بسم الله الرحمن الرحيم
السلام عليكم ورحمة الله وبركاته لغز بسيط هديه بمناسبة تعيين الاستاذ حسين مستشار لالغاز
بمناسبة تعيينكم مستشارا = هديتي ياحسين لغزٍ عجيبي لو فكرت فيه الدواهي تحارا= والي يعرف السر ماهو صعيبي الغز عن حرٍ يفوق الحرارا= معروف عند الشعب ماهو غريبي ستين مع سبعين راحن خسارا = قالو كلاهن تالي اليل ذيبي والي بقى مملوك لاهل الديارا = قطعة جمالٍ وسط ذاك الشعيبي لغزي كمل معناه بالاختصارا= والي يحله اشهد انه لبيبي |
وعليكم السلام ورحمة الله وبركاته
ماشاء الله يستاهل أخونا حسين وصح لسانك أخي أبوهليل تسجييل أول رد ^__^ |
اقتباس:
ياهلابك نور المتصفح بتواجدكم وصح بدنك لاهنتي مشكوره |
لغزك سهل ^__^
اعتقد لغز ديني ...لكن فيني النووم .. وبنفس الوقت خايفه من الرماة يصيدوون اللغز ولايكون لي نصيب منه:00076: |
اقتباس:
روحي نامي احسن لك تصبحين على خير |
اقتباس:
جزاكم الله خيرا واعتذر لكم في أمـــــــــان الله =) |
صح لسانك يابو هليل
|
صح السانك لاهنت
مستشارنا القدير ولغز جزل لاشك يستاهل مستشارنا القدير حسن ونقول الملك عبد الله لانه عدا الستين والسبعين من العمر وهو الان في التسعين |
اقتباس:
وعليكم السلام ورحمة الله وبركاته صح السانك يابو هليل على الهدية الجزلة واللغز الجزل هديتك ياصاح ليه شعارا = افخر بها مابين غُرب وقريبي شمسٍ لنا ياخوي طول النهارا = وانت القمر ياخوي بعد المغيبي لك في جزيل القيل غزر البحارا = اقولها والله فوقي رقيبي وصلوا على من حطه الله منارا = يسقيك من حوضه يامستجيبي ستين مع سبعين هاذي عمارا = لامة رسول الله في علم غيبي وإن جاوز السبعين بعض الكبارا = هذا قليل .. إن كان حلي مصيبي |
اقتباس:
|
اقتباس:
الرمعه مااالك لواا |
اقتباس:
والرمعه مااااااااااالك لوااا طال عمرك |
ونقول
1-الملك عبد العزيز ورجاله 2-الامير سعود الفيصل وزير الخارجية |
اقتباس:
كيف صار الحل الي انتي رمعتيه حتى لاينطبق المثل رميه من غير رامي |
اقتباس:
صح بدنك ووجهك الابيض يابو هليل وماعليك زود ياغالي |
اقتباس:
الغز بالابجدي والريحاني وانتي جبتي الحل عن طريق بيت واحد وتوقعتي انه ممكن يكون الحل والبيت الي توقعتي من خلاله الحل (الغز عن حرٍ يفوق الحرار معروف عند الشعب ماهو غريبي ) لاكن الغز بالابجدي والريحاني وا للي يعرفه صح يفك رموز الابجدي والريحاني والرموز هي كالاتي ستين معناها بالابجدي حرف السين والسبعين حرف العين والذيب بالريحاني حرف الواو من الوحوش كذلك الجمال بالريحاني حرف الدال من الدواب عندما تجمعها يطلع اسم سعود والي قصدته وزير الخارجيه الامير سعود الفيصل على العموم انتي ذكيه ذكيه الى ابعد درجه ماشا الله عليك الله لايضرك تفسري الغز كلمه كلمه وتطلعين الحل لو ماتعرفين الجواب صح لسانك صح لسانك يالكحيله |
اقتباس:
والف نعم في اميرنا وزير خارجية المملكة ولا يليق كلمة حر فاق كل الحرار الا له فهو اعترفو له اعداه بالنبوغ والتميز وقليل من يعترف في مكانته عدوه قاد المملكة في انفاق مظلمة وامواج عاتيه وخرج منها بسلام لايستغرب ذالك ابن الفيصل وجده عبد العزيز رحمة الله عليهم واما عن صياغة اللغز اللغز صعب لابعد حد ولولا البيت اللي ذكرت لايمكن حله لانه حتى اللي فاهم للقاعدة ممكن مايخطر بباله وفي نظري ان صاحب الحل غير مطالب في التفاصيل الا إذا كان مشروط في اللغز ودايم اللغز فالغالب مفتاحه في بيت على العموم لغز رائع وغالي الاثمان ولي الشرف وكل الشرف في حله ولاهنت استاذنا و اديبنا وشاعرنا القدير ابو هليل وهنا اتسأل اعترفو بالشعر وبالقصة القصيرة والرواية والنثر كا ادب واختفى اسم الالغاز من قايمة الادب؟ وبحق انا اعتبر الالغاز ثمرة من ثمار الادب يجب الاعتراف فيها هنا قاعدة الابجدي والريحاني http://www.m-harb.net/vb/showthread....38#post1387038 |
صح السانك يابو هليل على اللغز الجميل والمفيد واستفدنا شي جديد في طريقة حل الالغاز صح السانك اختي الكحيلة على الحل الرائع والموضوع الجميل الله يعطيكم العافية |
الساعة الآن 01:16 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir