يا مــوت خُـذ مليون نفس و دَعِ سْعود=هذا ف مـحـلـه مـا يـســدّون مـلــيــون
إنْ غـاب ماللــعـُـــرب عن هـبّـة الـنــود=وإنْ طـاب عـدوان العـرب ما يطـيبـون
لوّ الـعـرب خـيـمة ترى سعــود عـامـود=الـخـيـمـة اللي ف ظـلّـها يـستـظـلّـون
هذا إسمه الـفيصل ولـد فيصل الجود=هـذا الـذي لأتــعـقـدتّ حـلّهـا بـهُـــون
لعـيال أخــو نـوره كما سـيف محــدود=يا سُعـودها دولـة لها سعـود مـامــون
فـيصل صقـل حـدّه و وسـمّ بـه كـبـود=وأهـداه لأخـــوانه وله حــدّ مـسـنــون
حـــداً يـهـيـبّ كل طـــاغـي و نـمــرود=وأعـمـامـه بـقبضـة حـسـامه يباهـون
ياما الـفـهـد سـلّـه و روضّ به فـهـــود=و ياما بحدّه صـدر الأخصام مطعون
وياكمّ أبـو متـعـب به يـصـول و يـذود=عـن أمـة الإســـلام كل شــرّ مـعلـون
سعود ؛ ألا وا هْنيّ وا حظّ وا سعـود=اللي ف صـفّـه ياجـد سعـود له عـون
سـيـفـاً به الـفـارس على أقـرانه يزود=ويسـود و يـظلّي له النصـر مضمـون
عـزّ الله مثل سـعـود و أبـوه و الـعَــود=ما جـابـن الحُـــرّات مهما يجـيـبـــون

صح السانك وبيض الله وجهك
على ابداعك يعطيك العافية

المشاركة الأصلية كتبت بواسطة سرورالبشري (المشاركة 1386675) صح لسانك وبيض الله وجهك تحياتي

صح لسانك وبيض الله وجهك
لك تحياتي وتقديري

المشاركة الأصلية كتبت بواسطة ابوهليل (المشاركة 1386690) يستاهل الامير سعود صح لسانك يالحجيري وبيض الله وجهك

المشاركة الأصلية كتبت بواسطة الكحيلة (المشاركة 1386691) استاذنك شاعرنا القدير بالاسترسال وصح السانك ونحيي فيك روحك الوطنية الشامخة مهما كتبنا عن هذا الرجل والرجال قليل لانوفيه حقه فهو بحق رجل تميز واستحق التميز سياسي يمسك في خيوط القضية يحرك خصمه في الاتجاه اللي يريد اسمه سعود ولو جيت افصل اسمه س= سياسة ودها ع =علم ودراية في الغرب والشرق و=ولا لا امته والدينه والوطنه لايشابهه احد د= دها وحنكة لايمتلكها غيره قالو عنه ويقول وزير خارجية بريطانيا ديفيد ميليبند : "سعود الفيصل يستطيع أن يحصل على ما يريد، ومنح السعودية قوة خارجية لا يستهان بها" وأحد أعضاء الكونجرس يقول: "لو سمع بوش كلام سعود الفيصل سيغنيه عن مستشاريه في الشرق الأوسط (قالها بعد تأكد وقوع أمريكا في وحل العراق، وكان سعود الفيصل صرح بأن تحرير العراق من الخارج أمر مستحيل وله عواقب وخيمة ((((قال عنه صدام حسين الرئيس الأسبق للعراق: "لو عندي مثل سعود الفيصل لسيطرت على العالم".)))))) سُئل صدام حسين :من الرجل الذي تخشاه فقال : سعود الفيصل آل سعود وزير الخارجية السعودية فأنه أدهى من قابلت في حياتي فحينما كنت في حرب مع ايران جعل العالم معي وحينما دخلت الكويت جعل العالم كله ضدي ؟! )) http://www.youtube.com/watch?v=bdhi4miui2i رجاء اقفل الصوت موسيقى الكلام كتابة والمعذرة على الاطالة لكنه سعود الفيصل رمز من رموز وطني اللي افتخر في انتمائي له. فايف.

المشاركة الأصلية كتبت بواسطة سعد المحمدي (المشاركة 1386695) الشاعر حفيد الحجيري صح لسانك وعتلا شانك وصاحب السمو الملكي وزير الخارجيه الامير سعود الفيصل يستاهل