غيم سمانا ولطف جونا واعجبني الجو= غيمِ ليا حان يغنينا عن المجلاس في الفي
لاهو بظلِ عميق ولاوهج شمس لها ضو= حال وسط بين ذاك وذا جماله ينعش الحي
وهب النسيم العليل اللي من الاكدار يخلوا= انسام من طيبها تغني عن المأكول والمي
وتراكم السحب يمشي في تزايد مبدأ النو= وبدا رذاذ المطر ينزل فالارض شوي بشوي
وخرجت فرحان مثل اللي خرج من غرقة السو= نشوة فرح ريحتني من همومي شي مع شي
وجلست انا في الفضاء والجو بالتدريج يحلو = لحظة سعادة وبهجة والاوادم رايح وجاي
وقضيت رحلة جميلة يومها ماقلت لو لو = ناسي همومي وغمي كلها طويتها طي
وعند المساء جيت بيتي والعرب لبيوتهم جو= وصوت الرعد دن والبراق له وسط السما ضي
هل المطر والشجر بعد المطر يزهو وينموا= والارض بعد القحط شربت بللهاوارتوت ري
هاذي هي قصتي وانا لكم قصيتها تو =واقول ليتك معي في حينها ياخي ياخي

المشاركة الأصلية كتبت بواسطة تكفيني الذكرى (المشاركة 1386372) كلام رووووعة يسلم ذوقك

المشاركة الأصلية كتبت بواسطة الحب الباقي (المشاركة 1386374) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد المحمدي (المشاركة 1386427) الشيخ والشاعر حسين مريع العبيدي صح لسانك وعتلا شانك

المشاركة الأصلية كتبت بواسطة ابوهليل (المشاركة 1386516) صح لسانك يابوماجد صوره شعريه رايعه

صح السانك وموفق ان شاء الله

المشاركة الأصلية كتبت بواسطة صلاح الحيسوني (المشاركة 1386581) صح السانك وموفق ان شاء الله