سمه غرور وسمه اللي تريده=وسمه على ماقيل باللي تسميه
ابفتخر وارد هرجي واعيده=واللي زعل ياعل ربي يعافيه
يزعل ويرضى والليالي مديده=واللي مايفخرفي ذكر فعل اهليه
وحده من الثنتين ماهي بعيده=اما لقا إن فعولهم ماتنشميه
ولا ضعيف والمشاعر بليده=وانا احمد الله حالتي متحاليه
قبيلتي لها فعولٍ مجيده=وانا اعرف التاريخ حاضروماضيه
قريت له والعلم عندك مزيده=كثر الكلام يضيع ويضيع راعيه
مبين شيل وحط يبطي مديده=والعاقل اللي شور عقله يقديه

على عجل قالو كتبنا قصيده = وحنا كذلك تو ردي مسويه

يابنت راعين الفعول المجيده= قافك وصل ونقول يالله تحييه

لك الفخر في حرب ماهي جديده = اسمٍ ينومس كل من ينتسب فيه

حرب الحرايب من ديارٍ بعيده= جت للحجاز ونجد بالسيف تشريه

ماقدمها ناسٍ ترحب سعيده = لولا الحدب حلالها ماتخليه

خوت علينا ناس وناسٍ شريده = والي نفخ راسه قطعنا علابيه

بعد العنا عشنا حياةٍ رغيده= احدٍ زرع والاخر ضعنه يباريه

ولترك حاربنا عوامن عديده = مرحوم يالي مات من دون عانيه

غصبٍ لنا طاعت وهذي وكيده= وهرجٍ بلا تاكيد تسمج معانيه

المشاركة الأصلية كتبت بواسطة الحب الباقي (المشاركة 1386060) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة نديم المجرة (المشاركة 1386125) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة معجب الحربي (المشاركة 1386202) صحة السنتكم جميع الله يعطيكم العافيه

صح الله ابدانكم
الجميع

لاهنتم

ولاهان تواجدكم
زوار واعضاء

ماشاااااء اللّه
صح لسانك يالغلا وتستاهلي كل خير^^
وصح ألسان الشاعر القدير ابو هليل
تحياتي لكما