|
ديوان الشاعر صالح بن حمود القويضي العياضي
بسم الله الرحمن الرحيم .السلام عليكم ورحمة الله وبركاته يطيب لي أن أضيف ديوان شاعركم : صالح بن حمود القويضي العياضي العمري وأتمنى من أبن العم الغالي : أبو راوان النويمي وضع هذا الديوان مع دواوين الشعراء وأنا سوف أوافيكم بجديد أبو بدر أطال الله بعمره ونبدأ على بركة الله |
قال الشاعر هذه القصيدة في قبيلته قبيلة " العياضات ::
الله من قلب تهيض وهاضي=وهيّض غرام القلب له ماضي ماض ماهو غرام معسلات اللحاضي=شوف الرسوم وعقبهن شوف الانقاض وليا طرو لي كاسبين البياضي=بحلو الكرىة ماهملج الجفن بغماض ماني المريض اللي عظاه المعاضي=من برد دمه مالقى عرق نبّاض اللي بطرفه عن عيب نفسه غضاضي=ونقاد لمنهو للملازيم حفّاض وياهيه يامكثرين اللضاضي=ماهمني لايض الهرج وان واللاض وياناشد عني تراني عياضي=ولي الفخر اليا تسميت بعياض من لابة يكوون كي النجاضي=لياصار للحبل فاتل ونقاض يوم " الاحيمر" وسط " ربدا" يحاضي=جاه العديم اللي على الخصم قضاض من كف " أخو علثا" عظامه شضاضي=وامسي عليه الحوم للريش نفاض " وابن حمد" يبا الطمع والتقاضي=ومن ضربة " عليثه" سليل النفس فاض وشلنا " الدخيل اللي عليه اعتراضي ="بجنابنا يامن ووسط العرب راض علم صحيح ولاييجي له نقاضي=ماينقض لو تنقض خمس الافراض ولا همنا خطو الذيوخ الجحاضي=خدام للمبعد وللشين لفاض ولياذاق من خطو الرويب الحماضي=وليا امتلى بطنه على الناس حراض ويشوف نفسه شيخ ندوة عكاضي=القول قوله وللقوانين فرّاض خله بغله بالمجالس يضاضي=لاجازل دلو ولا خادم حاض وصلو على الي مابقلبه فضاضي=عداد مابرق بجنح الدجا ناض [line]ورد عليه الشاعر بعيجان بن منور العياضي بهذه القصيدة ::
يامرحبا باللي جدوده عياضي = خمسة قرون وكلها جدك عياضي أفعال ربعك ثابته يالعياضي= الله يرحمهم تحت ذيك الأنقاض فكاكة البل في نهار الركاضي = كم واحد طشوه في تلك الأفياض وزبن الدخيل اللي عليه اعتكاضي =صحيح ماقلته ولافيه نقاض وربعك عباة دافية يالعياضي =ولاني مساعد واحد منكر عياض ولايهمك اللي عامل شيخ قاضي = اسم استعاره ينقصه حكم الألفاظ لو تطلبه شي من العلم فاضي = درك ضماء لوكان تملاله الحاض بعض العرب يزعل على غير راضي=ويعجز اليا وردوا على العد قياض من ناشكم نوشوه لايروح راضي = وصديقكم داروه حتى لايغتاض وعزي لمن لاله مع الناس ماضي= عزي لمن لاله مع القوم مركاض شد الأمانه شدها يالعياضي= ولايهمك اللي فالدهاليس قراض ولانته بمرسال يجيب المقاضي = ولانته كما منهو على الغلب غماض أنت القويضي لك من المجد ماضي = شلت الحمول اللي كما السيل فاضي وأنا يابو نايف أبا الكل راضي =حتى صغير القوم مابيه يغتاض |
هذه القصيدة للشاعر / ناجي بن سعد الصندلي السبيعي وهي في قبيلة حرب
رجم على كل المراقيب نايف=مايعتليه إلا نوادر صقورها رقيته ثلاث ايام واليوم رابع=من العصر لين الشمس ينزاح نورها تقودني يمه هواجيس خاطري=كما قاد زيزوم السرايا سبورها ابي عسى المرقاب يبرد لواعجي=وفيه اتخيّل مامضى من عصورها مضى لي ورى الشعرين عشرين مثلها=وعشر تخالط سودها مع غتورها ولاعاد للخفرات يمي سوارح=لوكان لاقفاها تقفي نشورها راح الهوى العذري وقفت ركايبه=وحظت به خفافيش تمشط شعورها قوراش توال اليل نوامة الضحى=وعن الفضايل قاصرات شبورها بارد حماض الجوف همه على امه=بعد صلاة العصر يبدي فطورها يالله لاتجعل للانذال وارث=تمحا عناصرها وتمحا بزورها حيث انهم صبخا على الارض مره=لوكان تسقى من شواطي نهورها ياليت بوجيه المطاليق شاره=عسى لهم في كل دار سرورها اهل الندى والشيمه العنقريه=مثل ليلة قمرا تلالا بدورها الاجواد يافراج تحمد صفاتها=تنبت نواميها وتزهر زهورها عسى دار "حرب" من الحجاز الى السهل=يمطر عليها من سحايب بكورها وعسى دار" حرب" الى اجدبت كل ديره=تعلو منازلها وتشمخ قصورها وعسى دار" حرب" الى قصر كل مبنى=يوضي على النجدين بالعز نورها وعسى دار" حرب" الى دجا داجي الدجا=تخضر مسايلها وتخضروعورها وعسى دار" حرب" الى اخضرت كل ربوه=رجال توقرجارها من وقورها كله علشان النواحل معارفي=اهل مرحبا بالضيف لاجاء يزورها كله علشان النواحل هل العطا=تبذل يمانيها وتفرح صدورها كله علشان النواحل هل الوفا=اللي وفاها نابت من جذورها نواحل ياوي والله قبيلة=لهم مع التاريخ والعز دورها ونواحل ياوي والله نوادر=حرار شرق تنجلي من وكورها عليهم سلام عد ماذعذع الهوى=واعداد ماهلت مقادم شهورها واعداد ماغنى على الروح شادي=خلج الحمام اللي تلاحا بخورها عرف الديار وعرف اهلها مكاسب=قوم تعرفها ودار تزورها وصلو عدد ماناض للوسم بارق=واعداد غيد مايلات حثورها [line] وهذا رد الشاعر صالح بن حمود العياضي على قصيدة السبيعي علماً بأن هناك الكثير من شعراء قبيلة حرب ردو على السبيعي ومنهم الشاعر غريب ابن ناحل
بديت بالمرقاب وابديت ماخفى=وهاض الفؤاد وهيضنّه سطورها سطور قيفان غوال تقافت=كما يتقافى من السحايب بدورها ابيات نظم للسبيعي نظمها=نظم الجواهرمحكمّات سيورها لولو ومرجان من ناجي هدية=جابها غواص البحر من بحورها بحور شعر ماخاضها كل سابح=ويصعب على غير ناجي عبورها وساعة لفى بحي " حرب " رسوله=زاد الفرح بقلوبهم مع سرورها قالو : هلا حيت ماناض نايض=نوض البروق اللي سامرات سمورها يامرحبا حيت ياطارش الوفا=من ديرة ماشكى الجار جورها اللي فدت بالجار غالي الضنا=من خوف شيئ مع القبايل يعورها من ديرة سبيع كسابة الثنا=اللي على الفضايل طايلات شبورها مروين حد السيف في حومة الوغى=وليا اختلط عج الرمك مع كتورها نزالة للضيف في عالي النبا=وساع الرفاف اللي مشرعات كسورها رد الصنايع بين القبايل فضيلة=بالفعل وإلا بالقول تنشر نشورها قلته مثل ماقال الناحلي في مقاله=نيابة عن " حرب الحرايب" بدورها اللي فدو بالجار والضيف والخوي=سته ويمنا من يمنى " نويشي " عثورها والبلالي فدا عن روح جاره بروحه=روحه عن اللذات زارت قبورها وهذا صحيح القول وللقول شاهد=شهدها " الشمري " بماضي عصورها وصارت مع العربان مضراب للمثل" =دخيل ونويشي " سوروها بسورها يشهد على ماقلت ماقال غانم=" الغضوري " رد الثنا في حضورها اربع سنين والجرب في ركايبه=وسط " حرب " مايذير ذيورها وان ركبو هدف المقام وتجاوبت=صوت المحوص والدلي في حدورها يقلط على صافي المقر ذوده=وقطعانهم تقهر لين يصدر صدورها ترتع المرتع ومن دونها القنا=بضف " ابو جلال " تقطف زهورها ليا صاح " ابو جلال " بالصوت واعتزى=تشبع بمركاض " اخو حسنا " نسورها اللي بدس الطير ثنا بسابقه=بوجيه خيل معطياته نحورها وتماوجت صم الرمك ماثنت له=خوف من " الفسقان " يبتر ظهورها " وخلف ابن ناحل " ليا عدو اهل الكرم=مع لوذة المسعروقاسي دهورها صينيته يشبع بها كل جايع=وباطرافها الرملاتسقم بزورها هذي فعايلنا على اللين والقسا=يفخر بها وسط القبايل فخورها ولاهمنا منهو للافعال جاحد=اللي يشوف بحول العيون وعورها وتمت وصلى الله على سيد الملا= اعداد ماشعت الكواكب بنورها |
هذه قصيدة فخر في بني عمـر
الله يامجري الينابيع من الصفا=بأمرك بعصى مسى يجري زلالها ياجالي عمى يعقوب من ريح يوسف=ويامنطق الهدهد يفهم سؤالها نطلبك قول ليا قلت ماقيل كاذب=وتجعل لنا عن عوج المسالك عدالها ياناشد عني خذ العلم مني بحاضر=من الراس مايحتاج ناس تسالها انا من عوجان المراكيض عمري=لاطار عن جرد السبايا جلالها من لابة تضد الضد في حومة الوغى=لاشرعت بنحور الاعادي سلالها عمور وان عمّر الجو بالدخن=كم شيخ قوم داسته وانحى لها يتلون عقب عقاب حماية الضعن=لاجاوبت ذياب لذيب عوالها نطاحت الصابور بحدود صارم=ليا قضع اللويصق بالجماجم وشالها من دون خور العمور نثارت الحمر=مدلالات بالريف تزهى دلالها ترعى طنف بحدود شلف تلضى=ولا قيل للفتال افتل عقالها لاورحت من خايع من الوسم طانف=تنف بخشومها وهفت اذيالها وان حافهن الحواف نادن محمد=وضيف الله ومن فوق مشمر استوالها ليا سيقت العطفه وانعطف كل جادل=وقامت تلاعب بجدايلها وتنخى رجالها من ضربهم سرّج الخيل مرّج=وكم مارج بالكون تسحب حبالها هم شيوخ عمر من العامرات الخوالي=لانشفّت من جم البلايل بلالها يشهد على ماقلت من قال ذمه=بشيوخنا اللي من بعيد منالها من حرب الحرايب لادارت الرحا=ترسي كما ترسي شوامخ جبالها كم سربة بنحورهم غرها زايد الرها=لين اعذرت بغيها مع عيالها ضرب البواتر بتّر حبال جمعهم=وراحو شتات مع شاسعات سالها يوم نجد ميادين الطراد بالثرى=بصيحة تعيد من السنين سمالها واليوم غشاها غاشي الامن والرخا=وغنتبها الورقا بوارف ظلالها بحكم السعود ثبت الله حكمهم=القيادة اللي مارضينا بدالها اللي لعزة شان الاسلام همهم=بأمانة على الكاهل ثقيل احتمالها عسى لهم من سامك العرش نفحه=بعز وتمكين تبلغ آمالها يمّكن لهم تمكين ملة محمد=لحيثهم انصارهم ومن اهتدالها وملوكنا خدام للدين سلاطين العرب=غصب على عدوان الشريعه حثالها وكل القبايل عن مسلك العيب والردى=بطيب الفعايل طايلات سبالها بالسيف والمنسف والجار والخوي=تافي وتوفي ووافي مكيالها ادرى على الحظ ماعرّض الحظ هفوه=والناس يعرف صدقها من مقالها اشير واشاور لمجرب الوقت عارف=وآخذ نوادرها ومصادرها عقالها واسباب ماهاج القريحه وهاضني=شوفي على الهزبري تطاول ثعالها لو هم بزمان لاصاح صياح النذر=لقيتهم بين العذارا لابسات شيالها قالها العمري يوم عمّر القاف وانتظم=نظم القوافي يوم جاله جالها واعداد ماهلت غر المزون وركزت=ذعذع بها النسري وسكّن شمالها صلو على المبعوث للناس رحمه=محمد اللي لدين ربه دعالها |
وهذه مرثية الشاعر بوالده المرحوم بإذن الله الشيخ حمود بن محيميد القويضي العياضي
يا الله ياللي حجزت البحر بأمواجه=عن البشر من دون حاجز وجيلاني يا وامر من صدوق المزن ثجاجه=يبرق ويرعد ويهل الوبل وداني يامن جعلت القمر والشمس بأبراجه=كل يسير وينير ولا يدرك الثاني يامجري المغتسل لايوب بعلاجه=وبريح يوسف ابصرت بعيون عمياني يامن خلقت السما و الارض وفجاجه=انك بمنك على التوحيد تقداني لسنة نبي تنبا عقب معراجه=بسنة خليل الولي بخمس الاركاني وبسدرة المنتهى انتهى يوم السما داجه=السدرة اللي غشاها ريح ريحاني ياالآدمي لو فرشت الارض ديباجه=لابد من عقبها من بيض الاكفاني لو انت طير يطير وياخذ ارواجه=تسبح بوسيع الفضا وتكفخ بجنحاني لابد راسك نثيل الترب مدحاجه=عقب النظر تغضي وتغمض بالاعياني بساعة لو رفعت السور وسياجه=سلبك راع القضا وخلاك عرياني تسكن وحيد بوسط القبر وتواجه=السين والجيم وما بالخفا باني كانك على ملة محمد ومنهاج=هطه نبيك ودينه خير الادياني ابشر بخضر بريح المسك نجاجه=ومع الرضا خازن الجنات رضواني وان كان رجلك عن التوحيد مواجه=زليت درب النبي واصبحت خسراني ماوراك نار تهيل القلب وهاجه=ومن حرها ذاب الحجر لو كان صواني يالله طلبتك سريع الامر بأفراجه=ياواحد مادعينا دونه الثاني تفرج لعين تهل الدمع زعاجه=باسباب من فارق الدنيا وخلاني هليت دمعه على الخدين مدراجه=اظن دمعي يبرد لوعة احزاني والله لو القلم من دمعتي زاجه=ليمل ويكل ماكل وجداني عليك ياعمود البيت وسراجه=يابوي يوم القدر بفرقاك فاجاني والله لواني عطيت الملك مع تاجه=فيك العوض يارفيع القدر ماكفاني ماانته من اللي يزوم وينفخ اوداجه=على رفيقة يلوم ويفرح الشاني ياعنك ماقالو عنك بالشين هراجه=حميت عرضك عن فلان وافلاني وان جاك هرج النقيلي وناقله عاجه=تازن جوابك ومن لسانك بميزاني واطلب من اللي تزور البيت حجاجه=يثبت جوابك بقبرك راعي الاحساني ويصب من رحمته ماصب هداجه=على قبر ساكن به راس حياني وياقلب اطلب وليك وبالدجى ناجه=يفض غيض يكظ الفيض باجفاني وعداد واط وطى فوق الوطا وباجه=صلو على المصطفى من نسل عدناني |
قال الشاعر هذه القصيدة بالأخ / عليان الطهيمي بمناسبة دخوله زيان الابل بأم رقيبة :
بأسم قبيلة حرب شكر وتقدير=مني ومنهم للطهيمي علسان اللي بنى بيته مشيد مثل " كير= "والبن الاشقر يتبعه قرّح الضان نشكرك يالحربي زبون المخاسير=ياريف من جالك على الكيف ضرمان تقدم لهم فنجال صفر مباهير=يبرى لهن العود من غال الاثمان يارعي الطوله طويل الاشابير=تنشر لك البيضا على راس مابان والبيت بأطرافه نشوف المغاتير=وضح كما مزن طفح فيه ربّان عسى لهن بيوم المزاين تباشير=وتباشرو بالفوز من عالي الشان والفوز فوز ويهيّض الاشجان ويثير=عذب القوافي من غريبات الالحان حتى يزين الكيف كيف المناعير=ويغرد بها القمري على روس الاغصان وعداد مارف الجناحين من طير=صلو على اللي ماعبد دين الاوثان |
هذه القصيدة قالها الشاعر في الشيخ / جازي الوسوس الفريدي رحمه الله تعالى :
امس الضحى عديت روس المشاريف=واشوف دار الشيخ شباب ناره دار الصخا دار بها يكرم الضيف=قولة هلا حييت دايم شعاره ثولة هلا ودلال صفر على الكيف=في مجلس مابين ضيفه وجاره "جازي " ولد " هجاج " ريف المهاجيف=وهيف الردوم اللي كبير قفاره من دون تنشد شوف بيته ليا شيف=يزمي كما تزمي مع الصبح صاره عساه يسلم ماتجيه الصواديف=بجاه من يتبع بليه نهاره جعل السحاب اللي بروقه رفاريف=يمطر على " طلحه " ويخضر خضاره ترتع بها وضح النياق المشاعيف=اللي على الطرقي دروب حواره يزهن " ابو نواف " وضح مواليف=ومع ولفهن للصوت فيهن صطاره يندب لهن " جازي " ويجنه محاريف=مثل النعام ان شاف زول وذاره واعداد ماهلت مزون مراديف=صلو على طه نبي البشاره |
هذه القصيدة قالها الشاعر في " النواحل :
مع التحيه للنواحل هديه=رمز الوفا من صلب " حرب " الحريبه يوم القصا والجوع والناحليه=مضرب مثل يوم السنين الصعيبه خلف على مر الوقوت القصيه=وسط العرب بالضيف كل درا به اهل البيوت النايفات الذريه=وصدورهم للضيف دايم رحيبه قصيرهم مايوم جاته شكيه=وافعالهم بالجار ماهي غريبه بأسبابهم عم القبيلة سويه=مدح على روس الخلايق شديبه ولا والذي بالطور ناجي نبيه=علام ماتخفى السراير بغيبه ان عيني على " طولات ربعي شقيه ="ويفز قلبي لاسمهم واعتزي به وترى حلاة القول ياهل الحمّيه=ليا صار عذبات المثايل مصيبه وصلو على المبعوث خير البريه=عداد ماسال السهل مع شعيبه |
طاش ماطاش
الله من شيئ بخافي الحشا جاش=واحر من لاهوب لفح السمومي والجفن عن طير الكرى فيه نهاشا=سهر وساهر ساهرات النجومي صارت مجالسنا على طاش ماطاش=وإلا هدف هداف عجل الهجومي قالو تعلل قلت : نسهر على ماش=مايبري المجروح فلم الرسومي قالو : عديم الراي والفكر منداش=تسهر وتنعي ماضيات العلومي ياناس انا كيفي معاميل وفراش=في مجلس والضيف فيه محشومي لوكان من قبلي لها الوايلي حاش=مشعان ابن هذال راعي القحومي يابدر خلك للمسايير بشاش=ويضحك حجاجك ليا لفوك القرومي وليا لفو بيتك مضاريم وعطاش=قدم لهم فنجال ريحه يعومي مع سفرة يرمى بها حيل واكباش=ماهو ريا يابوك دون اللزومي وتعيش بالدينا بعرض كما الشاش=ويثني ثناكم طيبين السلومي وإلا الردي بعروض الاجواد حشاش=شذاب للعرقوب بأكل اللحومي وعداد ماموج البحر بالبحر طاش=صلو على المختار خير معصومي |
جتماعيه
البارحه ماذ قت للنوم لذات=والجفن عن طيب المكرى به نواتيب طار الكرى وجريت بالصدر ونات=ومن ونتي ونت ضلوع محاديب يالله لاتفرح عدو وشمات=صدقان بالظاهر وعدوان بالغيب كم واحد بنفسه علينا حزازات=وقلبه من البغضا تجيبه لواهيب شيئ برا حالي وجاني من الذات=واثر على قلبي جروح معاطيب جداوي من صدري كثير التنهات=وارجي الفرج من عالم السر والغيب والله يا لولا مبداي روس الطويلات=لاجاب والورقا على الغصن واجيب واجيب من خافي المعاليق زفرات=يذوي بها ذابل الرمش ويشيب شفت الحسد والبغض بين القرابات=تركض ورا المقفي بشذب العراقيب وان قدّر المولى على الحال خلاّت=كل على ماجاك يشناك ويعيب ويفرح ليا شاف الدهر فيه ميلات=يركض بها المبغض وينقش بها الجيب " والصبر مفتاح الفرج كل الاوقات=ومن لاصبر راحت حياته تعاذيب " وعداد مالبو ولجو بالاصوات=من على الهادي صلاة بترتيب |
قال الشاعر هذه القصيدة بمناسبة زيارة الاخ " فهيد بن حشاش العرجاني اليامي " لمدينة " بريدة " بتاريخ 6/5/1423هــ
بأسم الكريم اللي يسوق الرجوعي=وسميّة يخضر بها الروض ويزين قلنا هلا مالاح برق لموعي=وماهل من ناشي الوسامي ودادين اهلا هلابك يابعيد الرموعي=مع لابة مثلك من البعد لافين " يافهيد ابن حشاش ستر الفروعي ="يامقدم الترحيب بالضيف بالحين والضيف لو يلفي بوقت الهجوعي=قوله هلا مع اشقر البن بالصين يقلط على المنسف على كل نوعي=ماحسبت يمناك بالعسر واللين ربعك بني عرجا تضد الجموعي=اللي على جدع الملابيس ضارين ستر العذارا معورجات الردوعي=وان غطرفن فوق الحنايا المزايين واليا اعتلو كل قبّا صنوعيو=ان صاح صياح الضحى للمثارين كم من نمرا عن نحاهم مزوعي=مزع القطيع اللي عثت به سراحين وقطعانهم وسط المخافه رتوعي=ترعى طنف بأطراف حد السنينين بمشنشلات يرعجن الضلوعي=ومظافرات بالحدب ابو حدين قلته وانا " حربي " وحرب ربوعي=دون الخوي والجار قضاية الدين سته ويمنى من يمين البتوعي=قضى بها نويشي يقول الخوي وين والبلالي دمه دون جاره يثوعي=من واجب الجيره ويدرى عن الشين ومن خوف علم للقصيرة يروعي=يخفق به الخافق وتذرف به العين وكل القبايل يوم تسمع سموعي=بحق الخوي والجار والضيف وافين ولو الذي لامره عبيده خضوعي=ماهفي بها الذمه واطيع الحسودين وصلو عدد مالاح نجم شلوعي=على النبي المختار سيد النبيين |
هذه القصيدة قالها الشاعر بالاخ / خضير بن داموك الفريدي عندما بنى البيت بزيّان ام رقيبة عام 1426هـ
ياقصيدي وان دعاك اليوم داعي=داعي الماجوب ماجوب القرابه سطر المنظوم بحروف اليراعي=ولا يزل القاف المعنى بإنسابه من ضميري سجله برفق ووقاعي=وانتبه عن زلته واحسب حسابه هاضني شوف المدوّد بالوساعي=مثل جال طويق مع زمّة هضابه بين ابن داموك نزّال الرفاعي=مانزل وسط الطمان ولااختفى به صيت ابن داموك بالطولات ذاعي=شيّد البيت المتوسع واعتنى به واشقر الفنجال بوساع الرباعيا=لصياني قلطن بلطف وحبابه وفعلكم ياخضير ياطلق الذراعي=هيض المكنون لين القاف جابه جعل يفداك الردي خو الرعاعي=ماسعى للطيب في زمه شبابه واقبل المعذار ياحسن المساعي=كان زل القاف بحروف الكتابه وعد من طاف الحرم بيوم الوداعي=صلو على المبعوث و ,آله وصحابه |
هذه القصيدة قالها الشاعر في عموم اهل الأبل من قبيلة " حرب" العزيزه
يا راكب من عندنا فوق فاكسار=آخر موديل اثنين عقب الثنيني فاكس جديد وصمم الفاكس بيطار=من مصنع اليابان توه يجيني يم السوالم والمساريح مسيار=قطعانهم بحد المحايد تبيني وان لاوحو من لاعج الوسم سمار=ماطاوعو شور الثبور الدويني تشاورو عقب المسانيد محدار=ماكفته لاهه شمال ويميني اللي هواهم من هوى حص الاوبار=ليا شان خاطرها هواهم يشيني " حروب " بالزرفات يرعون الاقفار=مارددن بالقيد فج الايديني مثل النعام اللي ترايع ولاطار=صار الخبر مابين شك ويقيني عمّيت انا ياصاح ربعي هل الكار=ريف الهشالا مدلهين الحزيني ماقدمو دون المواجيب معذار=كل على الخطار يبت اليقيني وقولة هلا حييت ياضيف ومجار=طبع لهم لو شلفحن السنيني خلاّطة للبن والهيل وكدار=ولا حسبو كثر الثمن بالسميني وكم واحد يملك من المال مليار=ودايم على دنياه مثل السجيني لامكيّف نفسه ولامدّله جار=حزين قلب ويفرك الراحتيني من خوف لاينقص من المال دينار=شاق شقاه لراحة الوراثيني ماهيضنه شوف العشاير ولاثار=هاجوس قلبه شوفهن كل حيني بصورة جتني وفيها النظر حار=حار النظر وانباح مني كنيني وعداد من طاف الحرمين زوار=صلو على اللي لملته تابعيني |
قصيدة في وصف " الجيش "
يازين غب السير مسراك بالنضا=ليازان مسراها وشعت اقمارها حراير مادّاني لمسة العقب والعصا=ولولا ارسانها مامكلت أكوراها عوص تبوج فجوج بواسع النحر=ولاقيل ذرعانها تلح بأوزارها صغار المواطي وسموعهن بأوصاف حربه=وعيوينهن بالوصف مشهاب نارها رمل التوابع مرملات عن النما =ولاعادوت بالذرب تنظر حوراها سفن الصحاري لابعاد المحاري نواهب=ولاقيل نجد من الشام مابعد ديارها ليا روحن مرواح ربد تقافت=تبي دحيها بتالي نهارها ليا روحن بلاهب من القيظ قايظ=ومن قو لاهبها يتوقد حجارها وان تاه دليلتهن عن الدرب وانجّم=عوص النجايب يوردن ابيارها ليا روحن يقدن بعاد الموارد =كما يقدي رماي الضريبة عيارها وان ذارهن لحيح الريح مع حيد هضبه=لاتقل يطالعن بالنواظر سعارها لجن واستلجن ونازعن قاضب الرسن=حراير ماتردع لولا الرسن مع اعذارها وان تجاوبو الصوت بظهور ضمّر=وصوت المغني ذعرها وذارها مع دو خالي من الاوناس موحش=وشافن على الجرة لطراد ثارها ظفن ظفيف مزنه من النود غربي=وراحن يبارن قطعي القطا مع اطيارها وليا اختلط مابين مدلهم ودامس=لاتقل على نور المشعه مسارها يابوصلة بحار من موج مايج =يزجر بها العاتي وتلاطم غمارها هن منوة اللي شاطنه من الوقت شاطن=شطون يقدح بالنواظر شرارها ليا اخذ بهن مع واسع الدو سجه=لاكنه بعاشرها رامي جمارها قضى بها من خامس الاركان منسك=الله اكبر بكل المناسك شعارها قلته على حسب عرفي ولااقول بالعرف كامل=الكامل اللي محصي برها مع بحارها منطق غرير المهد لابعاد شبهه=خوف على العذرا من اقول عارها وصلو على خير البشر هادي البشر=على الذي نبي بالنبوة بغارها |
مناجاه
يالله ياقابل دعاة التيميه= حزت غروب الشمس ترفع لك الكتف تطلبك من مدك على الدار ديمه = من ناشي الوسمي بروقه تكاشف على الوطن ينشي صلاة العتيمه= ياخذ ثمان ايام والوبل ماكف يطلبك يارب البشر والبهيمه= حيوان ماينطق دموعه تذارف يشكي لك ذنوب العباد العظيمه= باسبابها حبس المطر والثرى جف ومن الجفا وعق القلوب السقيمه= كم والد كبده حروق تلهف يبكي على دور العصور القديمه= يوم الولد لاابوه سيف مذرف ولا بزمان اليوم شاف الهضيمه= مهضوم مضيوم بحياته تكلف ولاعم وانا بقولي القلوب الرحيمه= اعني بها عاصي فؤاده مجوف وصلو عدد خضر الورق مع هشيمه=على الذي دينه لدين البشر كف |
هذا ما أستطعت إضافنه هذه الليله وسأوافيكم بالجديد بإذن الله |
هذه القصيدة قالها الشاعر عندما زار الامير / الحميدي بن ذعار ابن بتلا الغيداني الحربي عندما زاره في أحد اعياد شهر رمضان المبارك ووجد الشيخ الحميدي يشتكي من رجله وقال هذه القصيدة :
قالو : علامك ؟ قلت : بالقلب هوجاس=هوجاس من بين المحان الهديفه وابديت ماكنيت بشعور واحساس=بالشيخ شيّال الحمول الكليفه الشيخ " ابن بتلا" باالامجاد له ساس" = الحميدي " ملاذ للضعيّف وريفه وارجي لعله مايجي رجلك الباس=ياللي عن الادناس نفسك عفيفه ياشيخنا لك ماقف يرفع الراس=دون القبيلة وااليالي محيفه تاقف وتافي ليا هبا كل هلاس=شيخ الرخا راع العلوم المزيفه يشهد على ماقلت من نايد الناس=اللي نصاكم والبلايل نشيفه كم واحد من جور الدهر صابه الياس=ومن القصا والضيم كبده لهيفه من ماقفك رديت له شرد الانفاس=ورد النفس للروح واسكن رجيفه ياريف هشال لفى وقت الادماس=لو الكواكب للمغايب كهيفه نجره على طول الدهر له تهجراس=في مجلس مابين جاره وضيفه وصلو على طه عدد حبر قرطاس=كاخطه الخطاط وسط الصحيفه |
هذهـ قصيدة الشاعر / صالح بن حمود القويضي العياضي
في إبن العم الشاعر / معتق بن منير العياضي
حييت ياقرم على الطيب مبداك = بإسم العياضي ماتناسيت الأجداد سعيت يا معتق ومن طيب مسعاك = تسبق على البيضا على روس الاشهاد صخّرت مجهودك على شان مجناك = لك الثنا يثنى مع الطيب ويزاد ياابن الرجال اللي بالأمجاد مّلاك = أقول وأفخر وأثبّت القول بااسناد يوم القبايل بين غارات وعراك =ياما احتمو يوم اللقا كل مسناد بمشوّك لمصندق الصدر فتاك = واليا اعتزو بـ " عياض" من دون الاذواد واليا اعترض المعترض خطو لخطاك = للضرس شلاع وللعرق فصاد عزّك بني عمك ليا صك صكاك = ماتسهر عيونك وعوانيك رقاد واقبل تحياتي عسى اللاش يفداك = يامن شهر اسمه على ساحة الماد وماناحت الورقا على دوحة الراك = صلو على اللي وضّح الحق بإجهاد |
ياخادم البيتيـن وياخـادم الديـن=يامعتلي من المجد صهوة حصانـه يامكمـل مجـد بنـوه السلاطيـن=ابوك واخوانـك عطـوك الامانـه وانت الامين وامنـوك المواميـن=على الوطن والدين واعليت شانـه ولا والذي اخرج من الحوت ياسين=مامثل ابو متعـب زعيـم بزمانـه الله وهبـك براجحـات الموازيـن=مع الكرم والديـن حلـم ورزانـه ياليت عمـرك تـو يبلـغ ثلاثيـن=بعز الشبـاب وزمتـه وعنفوانـه يامن ملك حبك قلـوب الملاييـن=حتى الغرير اللي بهرجـه رطانـه يوم اليتاما جـوك جمـع مهليـن=حضنـك فرشتـه لليتامـا حنانـه قالو : اليتاما وقالو : اليتم من وين=مادام ابـو متعـب يشيـر ببنانـه هذا ابونا يـوم بيّـن بنـا البيـن=القايـد الوالـد بلطـف وليـانـه بقلوبنا حبك كمـا النـون بالعيـن=اللي عليه العين يغمـض جفانـه من غربي الدنيا الى السند والصين=اسمك به المسلـم يحلـي لسانـه آمين قولوها معـي قولـو آميـن=يحفظ لنا القايـد رفيـع المكانـه واعـداد مالجـو جحيـج ملبيـن=صلو على الداعي لخيـر الديانـه |
هـاض الفـؤاد وهيضـه بـادع المثـل=وهاضنـي قـاف للـخـلاوي علانـيـه امعنـت بمعانـي الخـلاوي وهاضـنـي=وليّـا خفـق خفوقـي اردعنـه محانيـه فكـرت بالدنيـا وحـال ماحـل بالبشـر=ولـو طالـت الدنيـا فدنـيـاك دانـيـه كـد قالهـا الخـلاوي قبـلـي وقلـتـه=لـو طالـت الاعمـار فالاعمـار فانيـه آخذ امثالي من امثـال الرجـال واقتـدي=واطلب مـن المولـى واقـول عسانيـه عساي اصيـب صايـب القـول واهتـدي=للسنـه الـغـراء ومحـكـم قرانـيـه اللي بهن خبر ماكان و حاضـر ومنتظـر=وفيهن عرفت شيئ عـن شيـئ خفانيـه ليّـا صلانـي صالـي الهـم واحـتـدم=احتـدام ورد عـلـى فــرغ سانـيـه صلانـي صالـي مثـل صالـي الغضـا=حاسوس مـن بيـن المحانـي شعانيـه اخذت من محكم التنزيـل وزال هاجسي=ويزول هم عـن حالـي بحالـي برانيـه بـري القلـم بيديـن جاهـل وراســم=يرسـم بهـا الدنيـا بدقيقـه وثانـيـه اركـى عليـه بلايـح اللـوح وان لحـا=وانـا مثلـه همـي بحـالـي لحانـيـه ولو زاد همي مارضى لهامة الراس تنحني=مـادام انـا بالنـاس تعـرف مجانـيـه ولو قلّ مالي فمالي هلا حييـت مرحبـا=بالضيـف والجـار ورفيـق نصانـيـه ولاهمني ناس مع طايـل المـال طالـت=وصارت سباع عقـب ماهـي حصانيـه المـال خـلا خـرس الالسـن تكلمـت=وتطعن بشلفا ذيـاب لـو هـي جبانيـه وتمثل حاتـم الصخـا فـي ساعةالرخـا=وان مسهاالماجوب عن الماجوب وانيـه هـذا مثلهـم واقـع الـحـال شـاهـدوا=سمعت قولي لمـن بسمعـه وعانيـه وادرى بها عـن طافـح القـول طافـح=واليّـا طفـح قولـي وخفـف ميزانيـه يعيبني من لايعرف العيب من ساس جـده=ويسمع مـن الواشـي ليامنـه شنانيـه وتـرى سعيـد الحـظ مـن قـام حظـه=بالجـار وضيـوف مـن البعـد عانيـه ومواصـل الاقـراب مـع بــر والــد=وام عليـه بصـاخـن الــدر حانـيـه وصـلاة وصــوم وحــج وعـمـره=والثالـث اللـي مستحقيـنـه ثمانـيـه تمت وصلى الله على هادي النـاس للهدى=اعــداد وبــل الغشيـنـه غشانـيـه |
الساعة الآن 09:44 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir