|
ياعيد كيف العيد من دون الاحبـاب ؟؟؟؟؟؟؟؟
بسم الله الرحمن الرحيم هذه القصيده كتبتها في 2/11/2011 ليلة العيد في تلك السنه والتي توفي فيها اثنين من اعمامي قبل العيد وقبلهم توفى والدي رحمة الله واسكنهم جميعاًوجميع موتى المسلمين فسيح جناته وكان من اصعب الاعياد التي خلت بدون الوالد والاعمام وهي موجوده في ديواني الشعري باكثر من منتدى مشارك فيه وبتاريخه . وسبب ذكري لهذا الكلام انني وجدت بعض ابيات قصيدتي بعد مده نقلها اشخاص لأكثر من منتدى عام وبدون ذكر اسم الشاعر للاسف . وهذه للاسف مشكله نواجها جميعا خاصه بالمنتديات المفتوحه للقراءه بدون تسجيل بكثره واكيد حصلت مع الكثير من الاخوة الشعراء ولا نعلم كيف نعالج هذا الموضوع . وانا اطرحها هنا اليوم بعد قراتي لقصيده الشاعر الرائع حفيد الحجيري الاكثر من رائعه ( للقـــــلب عــيـــد ؛؛ و بــاقــيَ الـنــــاس عـــــيــــــد ) والتي لامست القلب و قلّبت المواجع وذكرتنا بغالين فقدناهم ولم يعد للعيد طعم بعدهم . وهذا دليل جمال وقوة قصيدة الشاعر حفيد الحجيري لله دره و حفظه الله ورعاه . وتذكرت قصيدتي واحببت ان اطرحها هنا مرتاً اخرى علّها تنال الاستحسان .
ياعيد كيف العيد من دون الاحبـاب=وجدي عليهم وجـد غالـي لغالـي قلبي على فرقـا عزيزيـن منصـاب=فيك الفـرح ياعيـد ماقـد طرالـي ضاقت بي الدنيا ولا طـب ينجـاب=والعين تـذرف دمعهـا مـا تبالـي ياوجد منهو في ذرا الليـل مرتـاب=يدرا همومـه فـوق روس الجبالـي ياعيد ليت الموت ما غيّـب اقـراب=في فقدهـم غابـت نجـوم الليالـي يوم اتذكّر جلسة(ن) نارهـا شـاب=فيها الكرام جلوس عـم(ن) وخالـي واليوم سجّل فـي سجلاتـك غيـاب=منهـو تطـوّا بالثـرى والكفـالـي ياكم فقدنا فـي ذرا الوقـت احبـاب=في كل عيـد يهّـل غـاب الهلالـي حكم الزمان يتمّ ثـم يشعـل الهـاب=داخل خفوق(ن) سرفقتـه المحالـي ياعيد كيف تهـلّ والقلـب متعـاب=والحـزن داخـل خافقـي لا يزالـي في هاجسي ما عاد بضرب لك حساب=دام الفـراق يسـنّ سهمـه قبالـي حالي معاك اليـوم ماعنـه مجنـاب=عجـزت ابنسـى طيّبيـن السبالـي ياعيد فرحـك بالشقـى داخلـي ذاب=جال بصداها مـا يفـوق احتمالـي وان جيت ابفرح فرحتي لوم وعتاب=كنّـي سجيـن(ن) كتّفتـه الحبالـي دمعي على خدي ولا زال ينساب=يـوم اتذكّـر صافـيـات الليـالـي انا اشهد ان الموت للحـزن جـلاّب=ما ينعرف له وقت ولا لـه ضلالـي ناصربن مصلح الاحمدي |
صح لسانك الله يعطيك العافيه ونسال الله لهم الرحمة ولجميع اموات المسلمين
|
الشاعر
ناصر مصلح الاحمدي صح لسانك وعتلا شانك والله يرحم اموات المسلمين اجمعين |
انشهد ان الموت للحزن جلاب
صح لسانك غفر الله للجميع الاحيا والاموات |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح الله لسانك ولاهنت وسلم فكرك وبنانك دمت برعاية الله وحفظة |
صح لسانك شاعر جزل
والله يرحم الموتى ويطوّل بعمرك يابو مشاري |
كلامات روووعة يسلم
ذوقك. |
فايزموسى البشري سعد المحمدي راعي الذود الحب الباقي فهد ابن غانم صقر المراقيب تكفيني الذكرى صحت ابدانكم جميعاً وطبتم وطابت ايامكم وكل عام وانتم بخير شكرا لكم جميعاً ولمروركم الذي اسعدني وشرفني لا خلا ولا عدم ان شاء الله |
صح لسانك يعطيك العافيه وبيض الله وجهك |
اقتباس:
صح بدنك ووجهك ابيض نديم المجرة تسلم وتعيش اخي الفاضل شكرا لك ولمرورك الجميل والذي اسعدني وشرفني |
اقتباس:
وربي يعافيك ويسلمك ان شاء الله شكرا لك ولمرورك العذب |
اقتباس:
صح لسانك يابومشاري الله يرحم اموات المسلمين اجمعين ويغفر لهم ويسكنهم فسيح جناته وانا لله وانا اليه راجعون |
الساعة الآن 05:28 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir