|
2259فيها يضربون المثل محلول من قبل النهر صح لسانه
السلام عليكم ورحمة الله وبركاته
من طوول الغنايم جاب الغيبات ... اووه اقصد العكس .. من جاب الغيبات طول الغنايم ... الزبدهً : صباح الخير يالنشاما وكل عام وانتم بخير والله يبلغنا واياكم ومضان مريت امس ومريت اليوم وانا تقريبا ما اغيب عن هذا القسم اكثر من اسبوع اجي واتصفح واشوف الجديد ان لقيت لغز ولاحت له مراميع رمعته والا الماريه الغفله لكن شفت ان الالغاز موجها راكد والهواء ساكنه قلت خلني احركه واجيب الغنايم يوم ان طولت الغياب وجبت لكم هاللغز اللي توه بقراطيسه وياسرع ما كفنتوه بقراطيسه ومات قبل رمضان يقول :
ياويش بنتا وفيها يضربون المثل =على انها بنت لكن عن مجموعة بنات الى انسبوها لرجل بالعقل مكتمل =متميز ومبدع وجزلات فيه الصفات من شان هذا تجي بنته بحسبة دبل = والحل واضح تشوفه من جميع الجهات حاولت انسق الابيات وتطلع ناقصه ارجو تنسيق اللغز يامشرف الالغاز ولا عليك امر ودمتم بخير والسلام عليكم |
عشير النشاما صح لسانك وبيض الله وجهك ليلة القدر |
يامرحبا يابو ناجي وصح بدنك ووجهك ابيض
والله يبلغنا رمضان ويقبل الصيام والقيام وانا والله متوقع ان اللغز ماهو ممسي عليه الليل وهو حي . لكن الحمدلله انه من رمعة ابو ناجي اللغز ناجي . مالك الواء يابو ناجي . اشوف ان الركود بقسم اللغاز كل ماله يزود !!!! والمشاهدات اكثر من العشرين واللغز اشوف انه من العيار الخفيف . وين راحوا المبدعين بدون قصور بك يابو ناجي اكيد بمقاضي رمضان مشغولين . |
و عليكم السلام و رحمة الله و بركاته اللغز واضح انه محبوك جدا و ممكن تقصد به القمرا او ليلة 14 البدر يكون فيها مكتمل والله اعلم تحيتي و تقديري |
ياهلا بك يا تلميذ الكسره ويامرحبا .
تقول ان اللغز محبوك وهاذي ماتبين الا الى حليتو اللغز ولكن الرمعه اللي رمعتها غير موفقه و.... بعيده جدا وخيرها في غيرها والله اني اتمنى ان اللغز يبطي وهو سليم بانتظار الرمعات القادمه . |
صح إلسانك على اللغز الجزل وش رايك بالسنه وهي عام كامل أو القرن أو العقد من الزمن
|
صح بدنك يالاجرد ولاهنت
تقول السنه و.....الخ الظاهر اللغز يبي ياخذ له سنه وهو ماحل !! لاوالله مالك لواء وللتنويه اللغز حله (عباره عن مثل شعبي ) معروف ومشهور ودايم نقوله والرمعه ان ما احتوت على المثل ما تعتبر حل وعلى المتضرر البحث عن رمعة جديده |
صح لسانك ياعشير النشاما على الغز
ومشكور على اهتمامك بملتقى الالغاز وش رايك الحاجه ام الاختراع |
يامرحبا يابو هليل وصح بدنك ولا شكر على واجب
تقول الحاجة ام الاختراع واقول هاذي المراميع اللي تخوف وهاذي بجنب القده واكيد الرمعه الجايه تذبحً اللغز وتهده وبانتظار الرمعه القاضيه |
من طول الغيبات جاب الغنايم
القناعه كنزا لايفنى |
هلا ياالاجرد
تقول الغيبات والغنايم وتقول القناعة وانا اقول الدعوى ماهي تخرص وسرد امثال شف رمعتك وطبقها على اللغز ان شفت انها حول الدعوى ادرجها بارك الله فيك ومالك لواء ولا انت حول الهدف وننتظر من جديد |
صح السانك عشير النشاما لاهنت جاري التفكير
|
صح السانك لاهنت
ونقول مشوار الف ميل يبدى بخطوة واحده |
ياهلا ياعاقل الحربي وصح بدنك وتقول جاري التفكير واقول شد حيلك وبانتظارك بس لا يطول نهارك .
ياهلا يالكحيله وصح بدنك وتقولين مشوار ....الخ واقول مالك لواء وبانتظار الرمعه القادمه |
الحكمه ضالة المؤمن
القناعه كنز لايفنى |
عشير النشاما ويش رايك (مصايب قوم عند قوم فوائد)
|
اقتباس:
هذي الثريا حسنها قد اكتمل=بناتها عدد ملايين المئات
|
رد مستعجل
جميع الرمعات ماصابت الحل |
صح لسانك ياعشير النشاما
وشرايك ( بغلطه الشاطر بعشره ) |
اقتباس:
|
هلابك ابو هليل ومبروك عليك الشهر الفضيل
لااهنت يالغالي والعلم عند عشير النشاما |
اقتباس:
شهر رمضان ويجعلنا من صوامه وقوامه كل عام وانتم بخير |
صح لسانك عشير النشاما ايد رمعة ( غلطة الشاطر بعشرة )
|
هنا الرد الغير مستعجل
لأنه خلاص مافيه رد بعده حيث انتهى اللغز وتم تكفينه بقراطيسه ودفنه رحمه الله . الاخ العزيز النهر صـــــــــــــــــــــــح اللســــــــــــــــــــــــــانك جبتها بالصميم يسلم تفكيرك . ( غلطة الشاطر بعشرة ) ارجو ان يكون اللغز حاز على الاعجاب لجميع من شاركوا بالبحث عن حله وارجو لمن لديه اي ملاحظة ان يقولها بدون اي مجامله واشكر الجميع . وصح لسانك يالنهر |
مافيه كلام لغز متعوب عليه ياعشير النشاما
يستاهل خمس نجوم النهر عوايدك صح لسانك بيض الله وجهك |
ما فيها كلام " لغز رائع و رمعة في الصميم تحيتي و تقديري |
فيه ملاحظه
وهي أن اللغز وارد بنسبه 100% وجزل جدا ولك بياض الوجه ياعشير النشاما ويسلم فكرك ويسلم فكر من حله مشاء الله عليه وحقيقه رمعاتي كلها تهبد عمى ماهي حوله الدعوى ــ |
بيض الله وجيهكم يابو هليل وتلميذ الكسرة
وشهادة اعتز وافتخر فيها الاخ الاجرد ما شفت ردك الا بعد ما رديت على الاخوان ابو هليل وتلميذ الكسره واشكرك على كلامك وتسلم |
عشير النشاما صح السانك على الغز وبيض الله وجهك
النهر صح الفكر والتفكير بيض الله وجهك |
النهر
كنو كفو كفو وصح الفكر والتفكير في حل اللغز وبيض الله وجهك عشير النشاما ((((لغز من نوادر الآلغاز)))) يكفي تصحيح ابوهليل بعد رمعة النهرقبل صاحب اللغز يقول صح لسنك ملاحظه خمسه النجوم قليله في حقه تقدير واحترام للجميع |
صح ابدانكم . جميعا
مبروك عليكم الشهر الفضيل |
الساعة الآن 05:01 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir