|
ديوان الشاعر/لافي بن حمود الغيداني
تنفعني المره على بيت أهـل نـوف=لو كان مالي عند أهل نـوف حاجـه الجـادل اللـي لافنـي حبهـالـوف=لوف الهشيم اللـي تلوفـه عجاجـه ماارتاح لين اشوفها بالنظـر شـوف=واخذ علـى بيـت الحبيـب إدراجـه اروح قلبي من صخر ماأعرف الخوف=ويبدي عليّ الخوف حيـن إنتواجـه لا شفتها جاني عن الهرج صـادوف=مغير أهز الـراس مثـل الخواجـه |
[
يامكثرين الهرج لااسمـع ولااجيـب=تريحوا من فضلكـم واسمحـوا لـي تريحـوا لاتلحـقـون المشاهـيـب=على الردى مانـي شفـوق عجولـي بالعقل والصبر ادب النفـس تاديـب=والا لهـا مـده تصـول وتجـولـي خلج ترازم فـي سيـاج المحاديـب=مافيهـن اللـي بالعقـال معقـولـي اشد وطية زور مـن شمـخ النيـب=اليا ضاع مفعو ل الحيـل والحلولـي انـا لاقلـت ارتـب القـول ترتيـب=حتى يجـي كـي علـى فـك قولـي اليا ارسلت لافكار القريحـه مناديـب=ترايعن مـن عقـب ماهـن جفولـي لكن مالـي مـن وراهـا مكاسيـب=لو كان عشاق القشـر صفقـوا لـي مامستفيـد الا العـدو والاجانـيـب=ولانـي مطيـع مقرقعيـن الطبولـي خليتهـا تعطـي فجـوج مجاديـب=جربا تجـود فـي رسنهـا مهبولـي والله لااجنـب دام لـي درب تجنيـب=من شرهة حشام الرفاقـه خجولـي لـو انهـا بيـن النحـر والتلابيـب=من الحيا وجهـي مهـوب مغسولـي طبـع لنـا نشـب عليـه ونشيـب=وطبيـعـةٍ لعـلـهـا مـاتـزولـي على الجماعه للجماعـه مواجيـب=الا جهلـوا قـدر الرفيـق الهتولـي ماني على ربعي قريـب محاضيـب=ادنـاة مايخلينـي اسـرج خيـولـي ان جات من طيب شقاها على الطيب=لو انها اعوج مـن رقبـة الذلولـي وان جات من مسكين منطق واساليب=حطيتهـا بيـن الثـرى والنعـولـي لاحركـت شعـره ولاطلعـت شيـب=ولاضيقت صـدري ولاطـق جولـي وان كان في صبري على ميلهم عيب=العيب تفتيـش الصـرر والحثولـي لاقمت تذكر فـي رفيقـك عذاريـب=وتبيـن عيوبـه لذولـي وذولــي صبرك على ربعك عـلاج وتطابيـب=يقصـر حبـال السالفـه لاتطـولـي حتى مايلقا فـي طرفهـا مقاضيـب=كـراه خيـر وللمشاكـل ميـولـي واليا بليـت بتايـه شـره وصعيـب=يقول انا العـراف وانـت الجهولـي قـل الله الله ياحصـان الاطالـيـب=يالفاهـم العالـم عطيـب الفعولـي هذا الكلام اللي مافي صحتـه ريـب=لانيـب لاحولـك ولانتـاب حـولـي حصان وبن حصان طيـب مجاذيـب=وبالمعرفـه رجـل محلـي ودولـي خله يروح يخطي الـدرب ويصيـب=يقول مابالنـاس عرضـي وطولـي والفرق ماهو باللحـى والاشانيـب=الفرق بين النـاس فـرق العقولـي كم واحد تحسن بـه الظـن ويخيـب=السـن يضحـك والفـواد معلولـي واللي غدت به كلمة مالهـا غيـب=ماهو من اطيب ربعي اللي غود لـي يالله عساها صيحة فـي قفـا ذيـب=وقلـع النيـا بينـي وبينـه يحولـي الرجل مايغصب على الطيب تغصيـب=اليا صار ماهو دل ضمـن الدلولـي ومن عادة اللي طيبه يحضر ويغيـب=لاطالـت الرفقـة زهـوق ملـولـي واليا بلنـك غبـر الايـام بصحيـب=في مستوى طيبـه صعـود ونزولـي اعرف ترى الدنيا دروس وتجاريـب=والكامـل الله والنـقـا للرسـولـي لاتصير مشـذاب يقـص العراقيـب=خلـه وراع الاولــه وش يقـولـي اخذت حكمه مـن كـلام اللواعيـب=للطيـب نـاس وللعـذارى فحولـي |
ياراكـب اللـي لياناظـرت تمثـالـه=تقول صقر ٍ موقـع لـه علـى قمـه متنطـح ٍ للبـراد بــراس منـزالـه=تشتت الريـح شمـل الريـش وتلمـه فكسار في قيمته زود ٍ على امثالـه=لله دره لاشــال الـعـزم بمهـمـه مايصير له وسق عرق الرمل محبالـه=عدو عـرق النفـود وهمـه وغمـه صـدره ليامـن سـواقـه تسـاوالـه=يشرب قراطيع صلـف الريـح وتزمـه راعيـه حـرك وهـو متريـح ٍ بالـه=متروح ٍ من بني عمـه لابـن عمـه يسوقه الشوق من رجله الـى عقالـه=لشوف جمعـا رجـال ٍ مابهـم خمـه من ديرة اهل النقا والطيب والطاله=والمذهب الزين والتوحيد والعمـه شيبانها رمـز وقـت ٍ فـات وابطالـه=وشبابها للعـلا فـي روسهـم همـه على طرفهـا خـزاز يميـل اضلالـه=قبل يحط الظـلام الشمـس فـي كمـه لو مابهـا غيـر هاكالضلـع وجبالـه=نحبهـا كلنـا حـب الـولـد لامــه ( دخنه ) لعل السحاب يصـب همالـه=على ارضها لين يطلع كـل ماتضمـه منها مشى الجيب لعـل السعـد فالـه=متيمـم ٍ يـمـة ٍ ماغيـرهـا يـمـه منصاه رجل ٍ تهـرج النـاس بافعالـه=تبذل يمينـه وكثـر البـذل ماهمـه من روس قوم ٍ تهوم الطيـب وتنالـه=ماينكـر امجادهـا رجـل معـه ذمـه حرب الحرايـب كعـام اللـي يورالـه=بنفسه انـه مصمصـم راس ومطمـه اهل المحازم بيوم ٍ تعـرف رجالـه=ومنصا الوازم وسقم العايل وسمـه قلته وللمجد بـس لربعـي لحالـه=كـل ٍ حبالـه موردتـه علـى الجمـه مابه قبيلـه ماهـي بالطيـب مختالـه=غصب ٍ على كل متبجـح ودرعمـه وقصدي ومنصاي ابو فواز وعيالـه=وبيت ٍ بوسطه قبايـل حـرب ملتمـه يضك بالناس مـن جالـه الـى جالـه=يطـري علـي لياشفتـه وادي الرمـه تنطحك ريحة شذى هيلـه وفنجالـه=والعود الازرق منـه ينطحـك وتشمـه نارد صناياه ونصـدر علـى دلالـه=ولاهوب جوع وعطش يوم انعنـا يمـه كل ٍ غني ميـر يـوم انـا انتعنالـه=دافـع حميـاً تفـوح بكـل جمجـمـه يستاهل المال رجـل ٍ هـذي اعمالـه=نفسه بمايزود نفسـه طيـب مهتمـه يفداه مغلـول يمنـاً لـو كثـر مالـه=عن شنحة الطيب وجهه بـارد ٍ دمـه اللي على قـول زيـد صحيبـه ريالـه=وان طاب طيبه من الزوجه الى العمـه يالله عسى اللي شال اطيب منه يشتاله=يدلـي مخاليبـه زويـان ويخمـه رجـل ٍ يدنـق عـن العليـا ولا يالـه=للطيب والدرب قدمـه فاتـح ٍ فمـه ودك مـن بعيـد وقـريـب تحمـالـه=بمخمس ٍ مـن شحمـة الاذن للرمـه وعن هالكلام .. وقصير الهرج واطواله=ياكثر بكم الزمـان وياكثـر صمـه يقولـه اللـي تهمـه صحـة اقوالـه=ويسعى يوصل هـدف معنـاه ويتمـه وصلو علـى المصطفـى نبينـا وآلـه=محمـد اللـي بعـث برسالـة الامـه |
لعل السحاب اللي مـن البعـد دوبـه واق=على حد الارض من السما تسبر اعناقـه على ديرة دونـه جنـوبٍ عنـه ينسـاق=تقفـاه وتلمـلـم شتـاتـه وتستـاقـه ذعاذيـع ريـحٍ ماتشيـل وتـحـط رواق=يصحبها شوية عنـف وانسامهـا رقاقـه لو تمر بيـت البـدو مترامـي الاشنـاق=تهـزه شـوي شـوي ماترمـي رواقـه تسوق السحاب بدبرة المانـع .. الـرزاق=إلـهٍ عبيـده تطلـب رضـاه وعتـاقـه ولامنه تسـاوى فـوق دارٍ غلاهـا فـاق=حدود الغـلا .. تستـأذن الريـح لفراقـه يقر ويسر البال .. والعيـن .. والخفـاق=ويلجّّ رعده .. ويرفرف البـرق بأشناقـه من بعيد برقه يسهر المسنـي المشتـاق=هكاالليل يقضي كـل ليلـه علـى ساقـه كاانـه يقـول ليانتفـض برقـه الشعـاق=على الهون تكفـا ماعلـى قلبـي لحاقـه وصلها وباشرها علـى غيبـة الاشفـاق=جـلال مطـره مايعطـي الوقـت لدقاقـه تضيق بسخاه الاوديـه والفضـا ماضـاق=بغيمه .. وهتانـه .. ورعـده .. وبراقـه يمد الجذع بالوصل .. والغصن .. والاوراق=بعد مااشتكى من هجره الغصـن لوراقـه شهر .. ويتجاور فيه راعي غنم .. ونياق=بربله .. وحوذانه ضحـى تشبـع الناقـه تكحـل بنبـت فياضـه العطـره الاحـداق=من يشوف نبته يشكر الله علـى ارزاقـه شذا نبـت ريضانـه ماينبـاع بالاسـواق=مايجمع شذاها مع بعـض غيـر خلاقـه تجـلا بتنويـع الزهـر قـدرة الـخـلاق=تلاويـن نبتـه تأسـر قلـوب عشـاقـه ربيعه .. وغدرانه .. متى مانهمر دفـاق=لـدار لهـا كـل الاحاسـيـس تـواقـه سلامي عليها من اولـي لاخـر الارمـاق=ولها صادق الاشواق باقـه ورا باقـه غلاها وسره دافنه فـي ثـرى الاعمـاق=وأكيد الغلا ماجا مـن البـاب للطاقـه |
لاهنت يامتوج صـدر جـزل الامثـال=بأصـدق مشاعـر تحتويهـا قصيـده ماهو طرب / غنيت من ضيقة البـال=يدفعك دين .. وطيب راس .. وعقيـده وقفة وفاء في كل حال مـن الاحـوال=عليـك يافيحـان مـاهـي جـديـده ياراس مـال مـدورة روس الامـوال=لك مثلها وقفـات .. ماهـي وحيـده عزيت حرب .. بطيب الجد .. والخـال=اللي من الدنيا طـوى المـوت قيـده ووجزت في حكمة عقل .. يابن الابطال=عن وصف ميـزات الفقيـد العديـده باللي علينـا حقهـا فـال .. وعقـال=وروعة عمل جوهر جسدهـا تجيـده خلتنـي اجاريـك .. واجـر مــوال=من ضيقـة ٍ حـروة فرجهـا بعيـده عقب اليقين اللي قطـع كـل الامـال=واللحظـه اللـي عاقبتهـا شـديـده شيبان .. صاروا وقتها مثل الاطفـال=كـل ٍ يغـص بعبرتـه فـي وريـده هذا الغياب اللي لامنه حصل .. طـال=ويذوب منـه القلـب لوهـو حديـده أرفـع كفوفـي معـك لله وأســال=اللـي يـدبـر مايـشـاه ويـريـده يجعل لحد قبـره بساتيـن .. وظـلال=ويحييـه بالجنـه حـيـاة ٍ سعـيـده |
مايبرد واهـج الشـوق وشعـور الهيـام=غير سرداً تطوي البعد بالسرعـه طـوي بديها من خلف ماهوب مثلـه مـن امـام=مستوي في حال .. وبحال ماهو مستـوي خشمها عبرود طلقه .. وموخرهـا بهـام=رافعـه راعيـه بـأشـارة ٍ ماتنـغـوي لابدو دعاء السفر .. واعلنو ربط الحـزام=ورشادات الامن لـو ترتطـم والا تهـوي واستلمها واحد ٍ خبرتـه عشريـن عـام=كبتـن ٍ بالله وبكتابـه إيمـانـه قــوي مسلم ٍ عنـده خبـر بالحـلال وبالحـرام=جابله ربي على الديـن وسلوكـه سـوي وصعدت مثل اشقر ٍ فوق جول الصيد حـام=لمراوحهـا مـع الجـو لجـه وحـدوي مثل مايدوي صدى صوت رعـاد الغمـام=صوتها صداه عبـر الفضـا يـدوي دوي صنعة اللي ماعرفـوا لاصـلاة ولاصيـام=شعب ٍ أكثرهم ماهو عارف ٍ منهـو ذوي بالنهـار لياتعلـت كبـر فـرخ الحمـام=دونهـا الاف المسافـات تزويـهـا زوي وان تغطلس بينك وبيـن رؤيتهـا الظـلام=كن في روس اجنحتها مشاهيـب بـدوي دوبهم دكو عـن دلالـه الربـع الحشـام=تحتها من وقدة السمـر جمـر ٍ مجثـوي دايم وربعه علـى جلسـة ٍ عنـده حيـام=ابلـج ٍ ليـن جنابـه لربعـه وحـمـوي مالي الا هي .. لياجـا للاشـواق أحتـدام=وقامت الذكرى على القلب تكوينـي كـوي لي شهر وشوي عيني محاربهـا المنـام=ودي احضـر جـوازي وادورلـي خـوي بينـي وبينـه مسافـات وحـدود ونظـام=واحد ٍ فرقـاه شاويتـن فـوادي شـوي بس ابـا ازوره مثـل مايـزارون الكـرام=لين عيني مـن قبالـه وشوفـه ترتـوي لو بغيت اصبر .. واكابر .. واقول اني تمام=ذيب حبه بيـن جـرد المحاديـب يعـوي كان مالي في دروب الهوا شـف ومـرام=لين شفته .. واشهد انه هـواة المهتـوي ياسـلام الله علـى السلهمـه والابتسـام=وياسلام الله على اللي مابيلـه مطـروي كن مالله حط في منطقـة خصـره عظـام=وكن غيره ماحتوى مثل ماهـو محتـوي لاقعـد مـاوده يقـوم .. ولياقـام قــام=تلوي اعناق البشـر قومتـه يمـه لـوي تقل بين اعلا الجسم واسفل الجسم انقسام=شي من جسمه مرتب وشـي ٍ فوضـوي استلمنـي فـي جبروتـه اشـر استـلام=ليـن طيّـح معنويـات راس المعـنـوي الغرام ليابطـش فيـك ملعـون الرسـام=مايعرف هـذا قبيلـي .. وهـذاك خلـوي يكبر الرجـال امـام المهمـات الجسـام=ويصغر الرجـال امـام الجمـال الانثـوي مايتحمل نظرة العين .. وارخـاي اللثـام=لو باسه باس رحمة حيـاة بـن جلـوي |
الحقيقـه يـابـو فــواز وبـكـل افتـخـار=كـل فرحـه عـارمـه للـسـدود مبـوحـه الـف مبـروك النتيجـه وحسـن الاختـيـار=وجايزة وضح ٍ من الغيـض جـات مشوحـه جـات عقـب العـام تبغـى تـرد الاعتـبـار=ماحـلا الفاحـج علـى فخـذ كـل مـدوحـه وسم .. وشعار اهل الارماح .. والشلف القصار=والضروب اللـي بـروس الخصـوم مجوحـه مثل مالجيش الامريكـي بطـش فـي قندهـار=ابطشـت بـارض المزايـن تقـل متسـوحـه كنهـا تبـا تحـب السمـا كـبـر ووقــار=مـن ثقتهـا بزينهـا بالجمـيـع مطـوحـه مثل فاكسارات موكـب حـدا طـوال العمـار=يـوم جـت للعـرض امـام الاميـر مروحـه استحقـت جايزتهـا جهـار مــن النـهـار=وتوجـت .. وكبـود حسـاد اهلهـا مفوحـه واحـد ٍ قـال انهـا مغيضـه العـام استخـار=والله ان الـعـام هــذا لقبـهـا منـوحـه |
راكب اللي سرعته تقل شقٍ من سمـا=ادعجٍ كنه يبا يقـول شـي ومستحـي جيب لاند كروز وجهه تقل وجه اطخما=من غلا سعره بعيدٍ على بعض اللحـي كن جلده لامشـا جلّـد همـال دهمـا=سيلها جريه لحا طرف الـوادي لحـي وان مشا على هوينه .. تقل مشية عما=يتقدا يوم يمشي علـى حـروة وحـي منوة اللي شابعٍ جوع .. رويانٍ ظمـا=جائعٍ ظامي على شوف غروٍ منتحـي كل مايزمي خياله على بالـي .. زمـا=هم قلبي .. والمشاريه تنحانـي نحـي يامروجت الحكي ماش سن بـلا جمـا=النوايا كنها الشمس والـدرب ابرحـي مالعدواني دخل فـي فراقـه .. وانمـا=عيدوا يوم ان بعده فحـا قلبـي فحـي مارميتـم إذ رميتـم لكـن الله رمــا=دارت الدنيا علينـا مثـل دور الرحـي واوجودي كل مااذكرك ياعـذب اللمـا=وجد من ذنبه محا كل اهل بيته محـي |
[
ياوجود القلـب ياشوفتـه عقـب البطـا=وجد من عذب ولدها بسجن ابو غريب حطه الله تحت رحمـة سكـارا والقطـا=الجنود اللي على صدورهم رمز الصليـب لهم حوله قطقطه مثـل قطقطـت القطـا=اللغه ماتنفهم .. والعمل جـرم ٍ رهيـب اربعه .. كل ٍ برجله علـى راسـه وطـا=وطية الحريـب لاطـاح بيديـه الحريـب واظهرته الصحف عاري على راسه غطا=واعترافاته فضيحه .. وعيب وشق جيـب كان وضعه صح بعيونها واصبـح خطـا=وقامت تهل العباير .. وتلحقهـا النحيـب ياوجودي وجدهـا ماهـو بوجـد عبطـا=اتظاهر بالسلامه وانـا جرحـي عطيـب صاحبي حبه تغلغـل بالاعمـاق وسطـا=سطوة العبرود من كف رمـاي ٍ يصيـب بس مشكلته خذا كل شـي .. ولا عطـا=غير جرح ٍ مايـداوا .. وذكـراً ماتغيـب والله ان غيرك بطاهم معاد اسمـه بطـا=يالحبيب اللـي لاقبلـك ولابعـدك حبيـب |
مـن لابـةِ لفعولـهـا تـطـرب الخـيـل=ويصعـد بهـا يـم السـمـاء ويتسـامـا مجـدِ سنامـه عانـق الجـدي وسهـيـل=يــوم الحمـيّـا..و الحمى..والمـحـامـا حـرب ليـا جـا للحـرب سبر..ومراسيـل=شـريــدة الـعــدوان رمْل..ويـتـامـا سوالـفِ مــا هــي مـجـرد أقـاويـل=ولا هـي كوميـديـا فيـلـم..وإلا درامــا غصبِ علـى اللـي يعـرف الحـق ويميـل=عـن مجدنـا مـا هـو عمى..ويتعـامـا ولا أهضـم حقـوق القبـايـل ولا أعـيـل=يامـا مـن فـعـول القبـايـل.. ويـامـا فـي كــل دار وكــل ديــره رياجـيـل=مـا يهضـم النشمـي حقـوق النشـامـا |
دام مـا بخلـت بــي الدنـيـا البخيـلـه=فـدوة للربـع.. مــن كـمـي لكـمـي و دامنـي فـردِِ مــن أفــراد القبيـلـه=حــرب ربعي..عزوتي..لحـمـي..ودمـي مـا تخيّـر فـي فصيلـه عـن فصيـلـه=كـل حربـي علـى الأرض ابـن عـمـي |
وين انت ياللي كـل ماتمـر ذكـراك=توقد فتيل الشوق وتـذوب الاضـلاع تعال..وجلس صبلـي مـن شفايـك=هيل الكلام اللـي تصبـه بالاسمـاع مدري متى اشبع من سوالفك..وارواك=اثر الحكي بعضـه خزامـى ونعنـاع عن كل من حولـي تاخذنـي لدنيـاك=واندم على وقتٍ قبل لاعرفـك ضـاع تزهر حياتي في حضـورك ولامـاك=مثل المطر..تزهر من حضوره القـاع قلت ابي اجرب قلبي احاول.. انسـاك=ورتعت قبل القلـب يـدري ويرتـاع ساق الهوا مركب غرامـي لمرسـاك=ماعاد ينفع بـه مجاديـف وشـراع عطني حضورك..وإقطع دروب فرقاك=لايهب للفرقا علـى القلـب ذعـذاع مايستحق يعيش بـه كـود شـرواك=قلبٍ يضمك حـب ويضمـك اوجـاع |
[
الظّلْمْ كيف اقْبله.. والصّبْر كيف احْـرزهْ=عزالله انّي من الاثنيـن.. قلبـي جريـح والله ..مايجـرح الرّجّـاااال و(يْنفـرزهْ)=الأ..لاقال الصّحيييح..وقيل ماهو صحيـح كلمه بسيطه..ولكـن حجْـم مااااتفـرزه=يْخلّي الكون فيك يضيييييق لوهو فسيـح الرّجْل قبـل تْحكـمْ عليـه فجْـأه..رزه=يبين لـكْ راااهـيٍ بالعقـل والأ شحيـح والطّيب..واااجد مجال الطّيب مير ابـرزه=اظهاااار فعل الجميل..وترك فعل القبيـح حطّ اصبع الطّيييب بعيون الرّدى.. واغْرزه=وش قيمتك بالحياااااه ان ماكسبت المديح حاولت اجمّع بها فُلّ الشّعـر.. وكْـرزه=قصيدتي..وارضي الطّيب واغيض البجيح مـن عادتـي أجتهـد بالقاف..وآطـرّزه=باجمل عبارات.. والاّ آريّحـهْ واستريـح ان مانظمته نظم سبحـه خرزه.أخـرزه=لو قالو انّه مليح..آقول مااااهـو مليـح |
لعيون ساره كتبت احلى المواويل=وغنيتها فدوة(ن)لعيـون سـاره عيونها كنهـا مهـدودة الحيـل=مايناسب لوصفها الا هالعبـاره نعسانة(ن)دوبها ماهوب بالحيـل=تسرق من النوم لكن في شطاره اي والله اني حسدت الكحل والميل=لمصافح اهدابهـا تاره..وتـاره تبعث من عيونها لقلبي مراسيل=لين انها احتلت القلـب بجـداره غدى لها قلبي اوطان ومداهيـل=الحالهـا مالهـا ضره..وجـاره الله عطاها الجمال بدون تجميـل=من كل زين الله اعطاها اخيـاره نهارها اجمل نهار وليلهـا ليـل=لياتفـرق سـواده عـن نهـاره ماتحصي اوصافها كثر الاقاويـل=لكن قل الحـر تكفيـه الاشـاره في داخلي للغلا حفـل وقناديـل=وناس(ن)تعانق بعضها في حراره ألذ مابالهوى عنـاد المواصيـل=والركض بين الحلاوه..والمراره كل التعب..لو منه ماجا محاصيل=لخاطر عيونها ماهـو خسـاره |
بديـت بأسـم مكـون الـكـون تكـويـن=المنـفـرد والمتـحـد فــي كـيـانـه رب الحجـر .. رب الشجـر .. والثقاليـن=مـرسـل محـمـد وامــر ٍ باتبعـانـه اللـي عبيـده لــه صـيـام ٍ مصلـيـن=يـرجـون رحـمـة ربـهـم وامتنـانـه وعطفه .. ولطفه .. لاغدى الخلق نصفيـن=ويشهـد علـى الانسـان حتـى بنـانـه ياناصـر الرسـول فـي بـدر .. وحنيـن=ياجاعـل لـسـان البـشـر ترجمـانـه انـت المعيـن ولاحـد ٍ غيـرك معـيـن=ومـن بعـد ذكـرك كـل شـي ٍ باوانـه ياراكـب اللـي مـن حفيـزه اقـزوزيـن=تـو .. ودبـل زيـرو .. وون.. اصدرانـه صـدّر خــلال انتخـابـات الزعيمـيـن=قـدام بـوش الابـن يكـسـب رهـانـه قبـل استـلام البيـت الابيـض بشهريـن=و مجلـس شيوخـه .. وانظمـة برلمانـه جي .. إم .. أس .. حروف وارموز .. تبيين=للمصنـع الـلـي صمـمـه والصيـانـه احـدث موديـل بتكنلوجـيـا الصوالـيـن=والله عطـا الـلـي يصنعـونـه اتقـانـه لياسـرى ماضـن مـن اللـيـل ثلثـيـن=وولـع مصابيحـه .. وولــع اسكـانـه كـن اجماحيـاتـه شـمـوع المحبـيـن=فـي عيـد ميـلاد .. اوقـده شمعـدانـه وكـن اشتغالـه هرجـة ٍ بيـن ثنتـيـن=يخفنهـا بـيـن الخـجـل .. واللعـانـه ويشبـه لياقـام يتمشـى علـى هـويـن=مـشـي الفـتـاه المتـرفـه بمشيـانـه ولياعطـا مردومـة ٍ كنـهـا قـيـن =قـام يغنـج .. ويهـوس كـن اغنجانـه شريفـة ٍ فـي حفـل نـاس ٍ شريفـيـن=ترقـص علـى يالليـل ادآنــه يـادآنـه تهـز .. وتهـز الخصـر .. والذراعـيـن=ومـن راسهـا ماطـاحـت الاستكـانـه وليامشـى مـن نجـد بيـن الصلاتـيـن=مايصـبـح الا فــي حــدود الكنـانـه يصـرخ بعنـف .. لياخـذ شـوي بنزيـن=مثـل صـريـخ صغـيـر ٍ بالحضـانـه ياسايـقـه بالله هالحـيـن هالـحـيـن=قـم دق سلفـه .. واربـط حـزام امانـه حنـا عـلـى رد الجمـايـل مضـريـن=حاضـر بحاضـر .. والتهـاون جبـانـه دسلـه .. وزدلـه بأشتغـال الصلنصيـن=ولايـحـرك الا بـآخــر ازعيتـمـانـه خل الحصـى علـى حصـاه .. وحصاتيـن=يفـر مـن حـدره فـريـر (السمـانـه) حـده علـى قصيـاه .. ياسايقـه لـيـن=تعـزف قـزوزه مثـل عـزف الكمـانـه ويخلـي الـعـادم بـطـون الشكامـيـن=غليـون (حشـاش ٍ) بـراسـه شطـانـه كنـه بتفكـيـره .. يـحـرر فلسطـيـن=ومستيـسـر ٍ شــارون بالخـيـزرانـه نصه ديـار طيـور شلـوى .. الدماسيـن=وقل ويـن مطلـق .. ثـم لياقيـل عانـه تلقـاه فـي بيـت ٍ يـذري عـن البـيـن=سلـم عليـه ومــن لقـيـت بمكـانـه سـلام مـمـزوج ٍ بعـطـر الرياحـيـن=والا زبـاد ٍ تـو جــا مــن عمـانـه ألـذ .. واحـلا مـن حليـب المـلاويـن=ليـاروحـن مـــن وادي ٍ ديـدحـانـه مثـل الـزلـول الفـاخـره بالـدواويـن=ويلاعـب الغـربـي زهــر قحويـانـه مقـدار ربـع ٍ لـوهـم بعـيـد غالـيـن=علـى خـفـوق ٍ قـدرهـم ماأستهـانـه عيال عـود ٍ غـاب راسـه علـى الزيـن=ممنـوح مـن ربـه صــلاح البطـانـه مطلق .. وغـازي .. والنعـم بالشقيقيـن=وأخوانـهـم .. والله علـيـه وامـانــه ماهـو مكفيهـم لانـعـم .. ولانعمـيـن=هيـف السميـن اللـي كثيـر ٍ أدهـانـه واهـل هـلا يامرحبـا فيـك .. وهلـيـن=وكـل ٍ حجـاجـه يعجـبـك بضحكـانـه واهــل دلال قـنـاد غــال المثامـيـن=وافضـل نمونـه هيـلـه .. وزعفـرانـه كنـه للضرمانـه صـعـوط المجانـيـن=ليـاذاقـه النعـسـان طــار إنعسـانـه واقـول .. يامطلـق فــدوك الكثيـريـن=أهديتـنـي دره .. وبـاقـه .. ودانـــه الباقـه الـلـي مــن ورود البساتـيـن=مـن كـل شـي ٍ زيـن فيـهـا إذنـانـه منباعها مـن جـوف قلـب .. وشراييـن=وجـم ٍ تـصـدر بـالـروى عيطشـانـه فيها عتب .. لكن علـى الـراس والعيـن=انــا مــدان ومعـتـرف بـالادانــه إن كانـا بالـوصـل مـعـك متـرديـن=منـك السموحـه راس مــال الخـزانـه امـا تـجـي .. والا نجـيـك متعنيـيـن=وكـل ٍ علـى اصحابـه وسيـع ٍ بطانـه وصـلاة ربـي عــد وبــل الـوداديـن=عـلـى رســول ٍ عـزنـا باتبـعـانـه |
ايه امسح النمـره .. وكـل التفاصيـل=اسم .. ورقم .. شيخ المزايـا العظيمـه لياصار ماصوته يجـاوب علـى التيـل=ماعـاد للجـوال .. والـرقـم قيـمـه راح .. وعليـه قلـوب ربعـه معاليـل=وصـدور رحبـات المجالـس محيمـه على أحر من الجمـر .. مثـل ماقيـل=كنـت انتظـر لحظـة لقـاه الكريمـه ميـر القـدر مابـه لياحـل .. تأجيـل=ويرضايـه المؤمـن بصبـر وعزيمـه دنيـاً لهـا عـلـى الاوادم مصـاويـل=وصكاتهـا فـي روسنـا مستديـمـه أمراض .. وموت .. وشح زاد ومحاصيل=وكـوارث.. ووارث .. ودنيـاً ذميـمـه مافـي مجـي المـوت شكـه وتأويـل=مثـل الغريـم اللـي يـدور غريـمـه مرحوم يامـن لـه معـزه .. وتبجيـل=عندي .. وعند اهـل العقـول الفهيمـه اقفـن علـيـه مـذوقـات الغرابـيـل=وبانـت علينـا مـن الخرايـم خريمـه فيـه إهزمنـا .. وتركـنـا مغالـيـل=راس ٍ علينـا مـن فراقـه هزيـمـه راس ٍ كفـو لدمـوع روس الرياجـيـل=اللـي يقفـون الهضيمـه .. هضيمـه من القصيم .. الى الريـاض المراسيـل=وصلت .. وحزن رياض نجد .. وقصيمه إكـد رحيـل مدلـل الضيـف تدلـيـل=وكل ٍ وصل مـن ضيقـة البـال تيمـه هكا المسـاء وش يمسحـن المناديـل=كن السحاب الروس .. والدمـع ديمـه عليـه مخـزون المحاجـر همالـيـل=من شدة الصدمـه .. وطـول الحريمـه احد ٍ لـو انـه مـات موتـه تساهيـل=حسرة خبـر موتـه علـى ام اليتيمـه واحد ٍ خبر موتـه خسـاره .. وتنكيـل=وفـي غيبتـه علـى القبيلـه ثليـمـه كـان الغنيمـه فقـد بعـض الازاويـل=هـذا السلامـه منـه ماهـي غنيمـه مفني عمار .. البن .. والهيل .. والحيل=وعـدو هـراج القفـاء .. والنميـمـه رمز الكـرم .. حلـو النبـا والتعاليـل=لياطـاب مجـلاس النديـم .. ونديمـه ماظـن فـي مثلـه تعـوض المقابيـل=وجهة نظر .. حسب اعتقـادي سليمـه عشقـة بعيديـن النظـر والمواصـيـل=ان مانجبت مثـل العسيلـي .. عقيمـه ولا قول خَلْيَت مـن وجـود الحلاحيـل=لكـن قليـل اللـي صفاتـه عديـمـه علـى بعضهـم فـي بعضهـم تنافيـل=شـي ٍ مايجهـل فيـه غيـر البهيمـه مرحـوم يامنصـا الرجـال المشاكيـل=ونطـاح قـالات الرجـال الجسيـمـه جاه .. ووجاه .. وحبك جـزل التماثيـل=مستوطنـات ٍ راس محـرج خصيـمـه ولاهو على وجهـه ولا جاهـه بخيـل=للـي بـه المعـروف ماهـو ظليمـه يقـوم بالقـالات .. ويحـط .. ويشيـل=ومرجع لمن يبغون الاريـاء الحكيمـه علـى المشاكـل مايجـر المـواويـل=يحسـب لعاقبـة الامـور الوخيـمـه مايستجـره صـوت دبكـه .. وتطبيـل=وعنده لمن خالـف وصالـف قسيمـه لاحتاجـت القـالات شـرب الفناجـيـل=طـق البهـام لكـل راعـي هميـمـه بأسلوبـه يعـد هـل العـوج تعـديـل=وعلاقتـه مـع كـل طيـب حميـمـه ماطيشنـه مثـل بـعـض المهابـيـل=نـدر قوافيـه الـجـدد .. والقديـمـه تواضع وضحكة حجاج وهـلا .. هيـل=وبشاشـة ٍ بالوجـه تسـوى وليـمـه أمدح .. ومدحي فيـه ماهـوب تضليـل=اشهـود ربـي بـارض ربـي مقيمـه والمدح باأهـل المـدح مابـه مداخيـل=والا بغيـر اهـلـه قـولـه جريـمـه يالله عسى قبر ابيـض الوجـه لسيـل=ويخضـر جنابـه كـل ماتهـل غيمـه ويـبـد الله ظلـمـتـه بالقـنـاديـل=آميـن يامححـي العظـام الرميـمـه يامفضل محمد علـى الرسـل تفضيـل=كـرم سمـيـه بالجـنـان النعيـمـه |
باسم ربـي ابـدا واتعـوذ مـن الشيطـان=قبل ابدا كلامـي والعـب القـاف واحوفـه ياعـالـم مالايعـلـم الـجـن والانـسـان=يامن كل خوف اصله خطـأ ماعـدى خوفـه فرجك ومـدد عونـك وفزعتـك يارحمـان=وحجاك وذراك من اغبر الوقـت وصدوفـه مضى وقت مثل الصايـم الجايـع العطشـان=يدور مـن المـا لـو ملـي راحـة كفوفـه أقبـل جبيـن الشعـر واستجـدي القيفـان=وبيت القصيـد اشـوف فضلـه ومعروفـه انا بشان وافراح البشر والشعر فـي شـان=عن الشعر كلـه رغبـة النفـس مصروفـه وجا مايحرك هاجـس المشفـي المرضـان=على فتـل قيـد الشعـر بيديـن مشعوفـه يدور علـى اللـي تفحمـه راسهـا مـالان=ويعرض عن اللي تعتـرض تقـل معسوفـه بيوت القصيد النـدر أحـذر مـن الغـزلان=قوانيصهـا يلحقـهـم رهــاق وكلـوفـه ياطير الخيال اصعد سمـا وافـرد الجنحـان=انا شفـي اللـي غيـر عـن كـل مالوفـه أحس اني اول مـره اقصـد وانـا طربـان=وتجينـي ذلـول الشعـر بالشعـر مردوفـه نعم طايش وشايـش ومتنومـس ونشـوان=من اللـي بعينـي مثـل خلـق الله اشوفـه تداعت هواجيس القريحـه علـى الولهـان=ومن الشعر لهـل الشعـر غنيـت معزوفـه وركبنا على افضل مانتجـت دولـة اليابـان=لاندكروز.. فاكس آر ابيضٍ.. تعجب اوصوفه مع الدرب لاوحف صبح ولا اوحف مسيّـان=تقـل مـروةٍ مـع شفـة البيـر محذوفـه لا والله زبنـت الله عـن الظلـم والبهتـان=مثل طلقـة العبـرود مـن بطـن شاخوفـه هو غاية طلب مـن فكـر وعقّـد الحجّـان=نـوى طرقـةٍ بأنـواع الأخطـار محفوفـه نصينا عليـه اللـي تقلّـط لحـا الضيفـان=علـى الحشـو ودلال البغاديـد مصفـوفـه وللعود الأزرق فـي سمـا بيوتهـم دخـان=يشابه ضبـاب اللـي ضحـا تـردم قنوفـه بخب النقـع موقـع حفـل شمّـخ النيبـان=ومن الحربي اللي ماحضر واعلـن وقوفـه هذا الموقف اللـي ماعنـه عذرمهمـا كـان=يجي لـه حميّـا الرجـل ويخلـي ظروفـه لو ظروفه أكثر من صفايـح حجـر ورقـان=يجمّـع ظروفه...ثـم يبنـط بهـا الطوفـه هنـا للتحـام الصـف ولوحدتـه عـنـوان=ومن يقدر يهـزّ الجمـع لالتحـت صفوفـه ياخب النقـع سولـف للاجيـال والأزمـان=عن آخر حدث تاريخ حرب حضنـه جوفـه تاريـخٍ انجـازات اهلـه نالـت استحسـان=دهاة العـرب مـن بـاب صنعـا ليالكوفـه بروايز صفحاتـه مـن اللـول والمرجـان=ومن واحد وعشرين الذهب تكتـب حروفـه تاريـخٍ ماضـرّي للتهـاون.. وللـخـذلان=مضـرا لتتويـجـه الأفـعـال منصـوفـه منصوفه.. بين اللي لبسـوا هامتـه تيجـان=وخلوهـا تعانـق هامـة الجـدي وتطوفـه تبا تقـوم ناقـة صالـح وعزهـا مانهـان=مـدام ان بنـي سالـم ومسـروح مكنوفـه حرابـة سلاطيـن الـدول منبـع الفرسـان=يـوم ان اليـادي طلـق ماهيـب مكتوفـه ضربنا اروع الامثال فـي نخـوة الجيـران=ودون اخويانـا نقطـع الـراس وانلـوفـه فدينا الخوي بـارواح ستـه مـن الشبّـان=غير اللي بشـذرة مرهـف الحـد منسوفـه بالاد الحلال ان كان ماهـي علـى البرهـان=بالاسماع مسموعـه... وبالعيـن مشيوفـه غير اللون الابيض للخوي مانعـرف الـوان=ماتصبح بنا هقـوات الاصحـاب مكسوفـه ونسـوي لاسوينـا المعاريـف بالمـجـان=مخلوفـه...والا انـشالله ماهـي مخلـوفـه كذا طبعنا ...مـن الله خلقنـا وحتـى الان=مواقيفنـا بالخـيـر والـشـر معـروفـه ولامنا عطينـا ظهورنـا.. قصدنـا حقـران=ماننظر خلاف.. ونترك الضعـف لضعوفـه ولامنـا عطينـا نحورنا...نشبـه الطوفـان=نعـز الصديـق ولحيـة الخصـم منتوفـه بحالة رضانا...نجـزا الاحسـان بالاحسـان=وبحالـة غضبنـا مانخلـي لنـا حسـوفـه يعني ..نزعل الراضي..ونرضيك يالزعـلان=بيـومٍ معازيبـه تـبـرّا مــن ضيـوفـه لنا في سنام المجد..مجـد وحمـا واوطـان=وعلى غاربه نرقى...مانرقـى مـع ردوفـه بكـل اختصار...اقولهـا بالفـم الملـيـان=اخذهـا علـى ماقالـوا النـاس مكشـوفـه لامنا دخلنا...ندخـل مـع اوسـع البيبـان=على المجد...لين المجد يرخي لنـا اكتوفـه وبـاق القبايـل والنعم...مابهـم نقـصـان=على الله تعالى أدخل عـن الظلم...وحتوفـه |
كلمة سلام وصباح الخير كثرها = ترا لها وقعها في نفس مجنونك ودي تروووح وتجي حتى تكررها= ماامل منها ولامن مشاهد عيونك عيونك اللي قلوب الناس تآسرها = من شافها تفتنه ويصير مفتونك موتي وانا حي يستوطن محاجرها= مابيني وبينه الا (غمزة) جفونك جابتك لي صدفة ٍ مدري وش آخرها= وانا تركت الجميع وقلت ممنونك سلمتك الروح تنهاها وتامرها= ياللي خوانك على زينك يحسدونك لك صورة ٍ برهنت عظمة مصورها = عجزت اوصفك واتخيلك وش لونك لك هيبة ٍ ماتخليني اناظرها= ارفع لك اشوف مير يطيح من دونك ابطيييت وانا المشاعر عنك ساترها= وانته تبختر وتاخذني على هونك واليوم جتك المشاعر هي وشاعرها= متقاسمين الوجل وش لون يرضونك كلي أمل ماتجي مكسور خاطرها = وانا اوعدك ماتخونك فيه إضنونك والا اعتذر ورفض الاشوااااق وانكرها= وارتح وخله يزووود هباااال مجنونك |
والله اني لاجرح القاف لين يسيل دمه=واتعبث في معانيه وابيّح كنينه واجمعه .. وافرقه نرفزه ..وارجع والمه=لين يهدى من عناده.. ويبدي لي حنينه لو زعل مني وضيقت صدر ابوه.. وامه=والله اني ماتركه دام ماكحلت عينه وان زعل مني.. ومن سيرتي.. وانا ابن عمه=ليه مايزعل من انصافي اللي مبتلينه آآآآخر صفوف اهل الشعر.. صارو ا فيه أئمه=لعن ابو شعرٍ بسط لابسط اصحابه يدينه الشعر نزل عباته.. وشلفاه.. ومعمه=شوف حتى الشعر.. كيف اثرت فيه المدينه صار سهل .. وكل من وده يخمه.. يخمه=بعد كانت هيبته هيبة الليث بعرينه ودام كل انسان يارد .. ويشرب من مجمه=يتحمل موقفي ضده.. الله لايهينه لايقول انه بحر صعب.. واني ما أهمه=البحر ياما هرب ماه عن وجه السفينه احترمته.. مير شفت احترامي له مذمه=يوم مايلقي لي البال وش بيني وبينه لامتى استحمل عناده.. وانا بالجوف اضمه=ولامتى وانا اترجاه.. واقبل جبنه لي عليه انه يجيني لامني جيت يمه=كل ماطلب منه فزعه يناولني يمينه وله علي اني لاعانق بحرفه كل قمه=مااذبح من افكاري لخاطره غير السمينه |
ماتهون الدمعه اللي على خدك جرت=علمتني كيف الاحساس بالغيره يكون كنها يوم استهلت على الخد وسرت=خنجر ٍ مرت على القلب واشبعته طعون لاذكرها الله بالخير مني لاذكرت=ليلة ٍ صارت مشاريه .. وعتاب .. وشجون بنت .. انا اكبر من ظنون ٍ على بالك طرت=مثل مانتي عندي أكبر كثير من الظنون كذّبت عليّه أصدق ظنونك وافترت=الظنون احيان نوع ٍ من انواع الجنون فكري .. ليه القضيه لهالحد اكبرت=دامت انا كل واحد على الثاني يمون ياهلا والله وسهلا استهلت وامطرت=في دموع الغيره اللي عليّه ماتهون |
متى يصير المكان بجيتك فرح=وأفرح معه فـيك ياغلا من يجيني اللي لك بوسط قلبي مايبي شرح=الظاهر انك تشوفينه بعـيني بنيت لك بالمحبه داخلي صرح=وطول غـيابك وانا طول حنيني خلا ني اصبر عـليك اسلوبك المرح=بكره..وبعـده .. وانا راحت اسنيني اما تعالي غلا .. والا ابعـدي جرح=اختاري اللي تبين وعـلميني |
أقبل يحرك خطوة الرجل برفوق=والقاع لمصافح اخطاه يتشوق مخلوق لكنه مهو ب أي مخلوق=على بنات آدم وحوى تفوق عليه لبسٍ يجمع الوسع والضوق=اموسعٍ بعضه وبعضه مضوق مر وتعدا ما بدا منه منطوق=ألا بجيش من المفاتن مطوق خلاني امشي واقضب الدرب واتوق=ماني بتايق عقل لكن متوق تقول مرميٍ على الأرض من فوق=وألا من السم السقطري مذوق يغشى علي شوي وشويٍ افوق=وقول لستيقضة والبال روق مادام لا معوق ولا صايبه عوق=وراه يمشي مثل مشي المعوق اللي على حاله خطر من هل السوق=مفروض يمنع مايروح يتسوق |
اعزي عشاق الشعر .. في موتة العملاق=واعزي قبيلة حرب في مـوت شاعرهـا واعزي عليه الاسره اللي نكدهـا فـاق=حدود الصبر .. وغياب راسه مكدرهـا فراقه بالنسبه لسرته ماهـو اي فـراق=عسى الله على وحشة فراقـه يصبرهـا واعزي صفوف الشعر في نجمها الشعاق=وشعار الصفوف اللي بوقته معاصرهـا الاعمار زرع ٍ دبرته فـي يـد الخـلاق=ينهى الله تعالى آجال خلقـه ويامرهـا مقادير .. والدنيا كـذا مالهـا ميثـاق=رحـا ً مستديـره وانتكبـد خسايرهـا دنا يومه المحتوم .. والتف ساق بساق=وطويّت صحيفة شاعراً كـان عامرهـا بحسن التعامل والتواضـع وبالاخـلاق=وصخرّالبيوت اللـي ماكـل ٍ يصخرهـا لياطلق عنان المفـرده يطـرب الاذواق=مـن اول طواريـق المعانـي لياخرهـا عملاق ٍ طلايع سمعتـه جابـت الآفـاق=ماخلقت قنوات القصيـد .. وعناصرهـا يبا يطول شوق اللي لمن يشبهه مشتاق=لو تولّد عيال النسـاء مـع مناخرهـا عساهـا وفـاة ً لاحميـم ٍ ولاغسـاق=وروح ٍ عليهـا راض ٍ الله وشاكـرهـا اللهم اغفـر لـه خطـايـاه يــاخلااق=ولبويه .. والموتى المسلمين بمقابرهـا |
العـيـن عــن حـلـو الـكـرى موقـهـا تــاب=مـاتــذوق حـلــو الــنــوم مــــع ذايـقـيـنـه اسبـاب لانــه مــاش شــي ٍ بــلا أسـبـاب=هـكــا الـغــزال الـلــي ذبـحـنـي بـزيـنــه مـــر يتـخـطـا .. ويتـلـفـلـف بــالاســلاب=وطـيّــر عـــن الـقـلــب الـمـشـقـا يـقـيـنـه مـن نظرتـه وقـع علـى القلـب مـضـراب=اشـــد وقــــع مــــن الــرمــاح السـنـيـنـه يسرق نظر عينه حـذر .. مـدري عجـاب=وانــــا مــنــه قـلــبــي تـقــطــع وتـيــنــه عــرّض ومــن تعريضـتـه خـافـقـي ذاب=وقـمــت اتـبـعـه مـغـيـر عـيـنــي بـعـيـنـه واقفـى عجـل مـن نظـرتـي فـيـه مـرتـاب=ويـحــط ضـــول الـنــاس بـيـنـي وبـيـنــه وصديـت عنـه وخـاطـري مـنـه مـاطـاب=كـنـي مـانـي يـمـه .. وانــا اقــول ويـنــه اخـاف يفطـن لـي .. وننـشـب بالانـشـاب=الــســوق زحــمـــه .. ولاوادم ذهـيــنــه واخذت عنه شـوي مقفـي .. والاعصـاب=مــتــوتـــره .. مــافــكـــرت بـتـهـويــنــه ولـديــت .. ولـيـنـه يـسـعــر يـالاطـيــاب=عـنــد الـهـنـود الــلــي لـغـتـهـم رطـيـنــه وارسـلـت يـمـه نـظـرة احـبـاب iلـحـبـاب=الـنـظـره الـلــي مـاتـركـت لـــي غبـيـنـه وأقـبــل يـبــا يحـطـنـي عــنــه مـجـنــاب=وشكـيـت فــي ممـشـاه .. عـلــى هـويـنـه ناظـرت فـيـه .. وضـحـك الـنـاب للـنـاب=ومــن ضحكـتـه حـلـت عـلــي السكـيـنـه وموه على اهل السوق .. واشر بالاهداب=اشـــــارة ٍ تـبــغــى قــلـــوب ٍ فـطـيــنــه منهـا عرفـت انــه يـبـا يـعـود لــو غــاب=وان الامـــر مـاعــاد هـــو فـــي يـديـنــه وعقب غلاق اسبـوع .. مـر ومعـه جـاب=صـغــيّــر ٍ مــتــجــود ٍ فــــــي يـمـيــنــه صـغــيّــر ٍ بـالــزيــن لـلـعـقــل نــهـــاب=يـقــول اخـــوي .. ومـقـصـده فاهـمـيـنـه قصـده .. يقـول انـكـان عـنـدك أستيـعـاب=عـلــى مـــن هـــذا ؟ مــلامــح وعـيـنــه واخــذت انــا ويــاه .. مـــزح وتـعـجـاب=عقـلـه رزيـــن .. وكـــل كـلـمـه رزيـنــه فـــي مـوقــع ٍ عـنــه المخـالـيـق غـيــاب=الا مــلائــكــة الــعــمـــل حـاضــريــنــه بـيـنـي وبـيـنــه مــاوقــف غــيــر الاداب=آداب ســــلــــم ٍ كــلـــنـــا وارثـــيـــنـــه مـنـه حـتـرام شـعـور عربـيـن الانـســاب=ومـنـه حـتـرام الـرجـل نفـسـه .. وديـنــه وبغـى الوكـاد .. وقلـت هـايـم ومنـصـاب=حــبــك .. ذبـحـنــي لـعـنـبــو والـديــنــه قــال استميـحـك عــذر .. واقــول لـعـاب=وش هـالـغـرام الـلــي غــدابــك بـحـيـنـه وحلفت له .. واقسمت فـي رب الاربـاب=مـنـقــذ مــــن الـطـوفــان راع السـفـيـنـه انـــي مـعــك صـــادق ولانـــي بـكــذاب=والـــكـــاذب الله لايـــطــــول سـنــيــنــه قـال انـت صـادق .. ميـر سابقـك خطـاب=واهـلــي فـــي تـــال الـشـهـر موعـديـنـه كـــم لـــه وهـــو مـغـيـر ذهـــاب إيـــاب=لاهـــــم بـراضـيـنــه .. ولا رافـضـيـنــه وان كانـهـا تـمــت عـلــى يـديــن كـتــاب=وتــــم الــقــران .. وروحــــو كـاتـبـيـنـه انـا تـراي ابــي اعتـبـرك مــن ا لاقــراب=وعـلــى الـنـقـا .. تـبـقـا صلـتـنـا مـتـيـنـه وودع وصــارت كلمـتـه تـقــل مـشـهـاب=اركـت عـلـى كـبـدي عـراقـي مزيـنـه وبقيـت فـي وضـع ٍ تحيـر ابـه الاطـبـاب=ايـســت مـنــه وحـالــة الــيــاس شـيـنــه واخــذت وقــت احـسـب ايـامـه حـسـاب=وقـلـبـي عـلــى شـوفــه تـزايــد حـنـيـنـه احيان .. اقول انشد عنه بعض الاصحاب=ويـجـيـك بـالـعـلـم الـمـوكــد جـهـيـنـه واحيان اقول اصبر علـى جـور الاتعـاب=ورزق الفتـى وأجـلـه كـتـب فــي جبيـنـه وسـكـت .. مــاودي علـيـه افـتـح ابــواب=لـلـهـرج مـــن نـــاس ٍ مـاهــم راحمـيـنـه وصبـرت .. ميـر الصبـر طـول ولاثـاب=ومـــن طـــال صـبــره يالله انـــك تعـيـنـه ويوم ان راسي مـن طويـل الصبـر شـاب=قــررت عـنــه انـشــد حـــدا مجـاوريـنـه ونـشـدت عـنـه وقــال راحـوبـه أجـنــاب=ومــن قريـتـه شــدّ .. وسـكــن بالمـديـنـه قلـت ايــه .. مــادام اهـلـه عنـدنـا يـجـاب=امــــا بـعـيــد الـفــطــر .. والا حـتـيـنــه قـال اهلـه معـه رحـلـو .. قـلـت يـاشـاب=يـعــنــي لازايـــركـــم .. ولازايــريــنــه قـال ايـه .. مـيـر انـسـه والايــام هــراب=تـطــول .. وتـنـســي ضـنـيــن ٍ ضـنـيـنـه قبلـي .. وقبلـك خلـت اصحابـنـا حــزاب=وكــم فـرقـت بـيـن الـخـديـن .. وخـديـنـه ماعـاد فــي شـوفـه طـلايـب وطــلاب=تـــــرى مــاعـــاد الا يـــــدرج جـنـيـنــه وش تطلـبـه .. وحبـالـه بـكــف قـضــاب=احــذر .. لاينـصـب لــك زمـانـك كميـنـه قـلـت الـرجـال مفـتـلـة روس الاشـنــاب=لـقـسـى الـظــروف حسـابـهـم حاسبـيـنـه وقفيـت مـن عنـده علـى الغلـب .. غـلاب=اكــن غـيـض القـلـب .. واجـحـد ونـيـنـه واعلنت ياسي .. وانطوت صفحـة كتـاب=مــــــن الــبــدايــه لـلـنـهـايــه حــزيــنــه واقـــــول يالله لاتـــبـــارك بــالاســبــاب=الـلــي رمـتـنـي بـيــن حــبــه .. وبـيـنــه |
راكب اللي كن زوله زول ذيب=ان نطحته .. وان قفيته من ورا وان عرض لك قلت مابالوصف ريب=جنب ذيب ٍ لاحقه جوع وعرا شاصي التصميم لاند كروز جيب=مايبيعه من شراه ليا شرا مايبيعه غير مردي النصيب=او من يحده على قروشه زرا مايهمه لانفود ولاجذيب=ولا الطلوع اللي مثل طلعة كرا لاهمزو قير أدبله .. جاله نحيب=مثل من ميته على باله طرا ناحل الاطراف تصميمه عجيب=مع سماح الدرب مشيه بخترا كن جرات الربابه بالسبيب=صوت ماطوره ليامنه سرا نحروه الليل مع وقت المغيب=الثنين اللي على العز أقصرا ماعليه الا صحيب ٍ مع صحيب=الملح .. والزاد .. والطيب .. خشرا ماعليهم من بسيط .. ومن صعيبب=الدروب .. وبالمحلات خبرا ودهم مايمرحون الا قريب=من مكان ٍ تقل لاجوه ومرا من شعيب يحدرونه مع شعيب=والفضى مشموس والديره ثرا ديرة ٍ ربي لهلها مستجيب=كل وادي من فضل ربي جرا جوها من صادق الوسمي عشيب=للحباري والقطا فيها حرا نبتها يفوح كنه فوح طيب=ماتصدق باللي عيونك ترا والله ان عماس راسي مايطيب=ولا يطيب الزاد ويلذ الكرا غير لا رقبت النباء مثل الرقيب=ونمت فيها ايام لو شح الذرا بالخصوص لياصدف جو ٍ رهيب=وقمت ادوج من الفياض الى القرا فوق جيبٍ كن زوله زول ذيبا=ن نطحته .. وان قفيته من ورا |
يا راكب اللـي مـا فـي فخامتـه هرجـه=علـى جبينـه رمــوز لـدولـةٍ انتـاجـه جيـبٍ ركونـه قـدم وخــلاف مـدّرجـه=يطـوي سراميـد جـرد البـيـد منهـاجـه ودّك تغنّـي ليـا مـنّـه عـطـا الفـرجـه=يـا مـل قلـبٍ يسـج وفـيـه دولاجــه الـوقــت دوّار والايّـــام مـنـدرجـه=كـم طيّـبٍ حوّلـه مـن عالـي ابـراجـه لاَ قـام وقتـك يقلّـط عــوره وعـرجـه=وازريت تصبـر علـى عوجـاه وازعاجـه امتـس حبـل اللّـزوم وقـلّـة الخـرجـه=ودوّر رفيـق الرّخـى حجّـه لمخـراجـه نصّـه حـزام الظّهـر فالسّاعـه الحرجـه=اللـي للاصحـاب دايـم يضحـك حجاجـه علـى يديـه اعتبـر كربـتـك منفـرجـه=مثـل الـدّوا اللـي يـدس لحـزّة الحاجـه تجيـه مشـدوده اعصـابـك ومنحـرجـه=وتـروح مـن عنـده اعصابـك بثـلاّجـه وان قيل بالله من ؟ قل : ما بها هرجه=مسلـط .. ليـا مـن كـلٍّ عـد مـا واجـه |
لبيـه يادعـوة عزيزيـن المبـادي والسلـوم=اللابـه اللـي سطـرت تاريخهـا بافعالـهـا بين القبايل قسمها بالطيب من جـزل القسـوم=إعقالها من الطيب اخذتـه قبـل تاخـذ فالهـا قبيلةٍ تاريخهـا ابيـض بالمراجـل ومحشـوم=آخذتن من الطيـب ملـي إيمينهـا واشمالهـا إرجالها من دون واجبها وفـي وقـت اللـزوم=كلٍ مـن النخـوه يطـوح غترتـه واعقالهـا تاريخها ماجا على ماقيـل فـي ليلـه ويـوم=عبـر السنيـن تورثـه شيبانهـا لعيالـهـا الحق في قوله ماظنـي يلحـق الرجـال لـوم=ولا هوب حاسب للعلـوم اقصارهـا واطوالهـا مايزعلون من الصحيح الا الرخوم ابناء الرخوم=اللـي تلـوح بيـن جيـلان العـدود حبالهـا والا القروم تشوش من قول الحقيقة بالقـروم=وكلٍ يقـول الله يبيـض وجـه رجـلٍ قالهـا سلام .. يا قحطان من رجلٍ مسيـر ومعـزوم=جاء معه أمانه من بني عمه .. وحالـه حالهـا معي بعثوها حرب ربعي عندما اعلنت القـدوم=ربعـي تشرفنـي رسالتهـا وانـا مرسالهـا امانه من شيوخ حرب .. ومن قبايلها عمـوم=لشيـوخ قحطـان وقبايلهـا علـيّ ايصالهـا وامامكم .. على مسامعكـم ياصلفيـن العـزوم=عنها مغاليق الضلـوع العـوج افـك اقفالهـا احمل سلامٍ فيه من طهـر انسكابـات الغيـوم=على سطح صمـاً تصافحهـا الغيـوم لحالهـا من دونها يقصر مدى حتى الطيور اللي تحـوم=من مخلوقات الله تعالـى مابـه اللـي طالهـا سلام بالكمبودي معنون .. وبالمسـك مختـوم=وانبـل مفاهيـم الاخـوه دقهـا واجلالـهـا وصّلت امانة حرب ياقحطان .. وبراسي علوم=الفكـر دلتهـا وسمـع المستمـع فنجالـهـا شرد قريحة شاعراً مايقول انا اخلـق معـدوم=يقول احاول قمـة ابيـوت القصيـد ارقالهـا ويقـول يالله ياكريـم وياغفـور ويـارحـوم=ترحم عظام اللي حكـم مـن جالهـا لا جالهـا وحد قبايلها .. وزانت بيـن حاكـم ومحكـوم=من عقب ماهي فـي جحيـم وحالـةٍ يرثالهـا يوم القبايـل ماتعـرف الا ياهـازم يامهـزوم=وهـذا علـى هـذا يقـول الخيـل ياخيالهـا هذا هجوم وذا دفاع .. وذا دفـاع وذا هجـوم=واليوم لك .. والصبح بحثولك تجـي مشتالهـا الامن نعمة .. مايعرفها الا الذي منها محـروم=ماله ثمن في عملـة جنيـه الـدول وريالهـا يالله ياللي غير وجهـك ماهنـا وجـه يـدوم=تحفـظ بـلاد الحرميـن الطاهـره وابطالهـا آل السعود اللي بعد الله عن هجير وعن سموم=الشعـب ينعـم فـي ذرا حسناتهـم وظلالهـا نشاهد ونقراء عبـارات الثنـاء والشكـر دوم=عبر وسايـل نقـل تعبيـر البشـر باشكالهـا لهم القلوب اللي بداخلها الولاء والحـب كـوم=مثـل القنـوات الفضائيـة تبـث ارسالـهـا وسلام يا قحطان صلفين العـزاوي والعـزوم=يا اللابـه اللـي يفتخـر تاريخهـا بارجالهـا تاريخها بالطيب يستوطن علـى حـد النجـوم=قبل تحـط مزايـن ابـل .. مزينتهـا افعالهـا |
انا اعتبـر نفسـي هنـا بالنيابـه=عن حرب ربعي بني سالم ومسـروح اهل الوفاء من قبل عصر الصحابـه=واهل النقاء اللي دونه الوجه ممسوح سـلام يالهيـلا قبيـلـة عتـابـه=سلام(ن) اسوقه من الـروح لـروح نفحة شذى ريضان نبـت السحابـه=معه وعليكم تنبعـث منـه وتفـوح مـن بيننـا مابـا المعـزه غرابـه=لها بوسط قلوبنا ابـراج وصـروح للوصل بجسـور التواصـل صلابـه=حقايق(ن) ماهـي بقاويـل ومـزوح ياللي على صـدره نقشتـوا كتابـه=صدر الكتاب اللي للامجـاد مفتـوح علـى جبينـه ياجـده مـن قرابـه=تاريخ سيرتكـم مـدون ومشـروح صافح جبين الشمس عـز ومهابـه=احد(ن) عنه راضي واحد منه مجروح لولا بيـاض افعولكـم مـن رقابـه=على سفوح(ن) دونها سفوح وسفوح لطامـت العايـل الياجـاك مـابـه=وذباحة الحايل لـو الـزاد مشحـوح فيكـم علـى تكفـى غلاثـة اذيابـه=وعلى ونعم فيكم ضرم راس مشفوح تاريخكـم بالطيـب كـل(ن) درابـه=وعلى ماقيل العلم مقفـي ومنطـوح الطيـب ياعتيبـه لبستـم ثيـابـه=قول وفعل والكلمه اللـي لهـا روح واللي رجاء عفـوه يسابـق عذابـه=حفاظ بيض وسود الاعمـال باللـوح لو ماني محاسب علـى كـل جابـه=انـي لاقـول بكلمة(ن)حـد ذابـوح يا افعالكـم مـع غيرهـا ماتشابـه=لكن بظلم النـاس مانـي بمسمـوح ايه احتـرم حـق القبايـل واهابـه=والظلم عنه العبد منهـي ومنصـوح ماتنهـب حقـوق القبايـل نهـابـه=حتى اني انسفها على ضهري واروح لكم اخشرى بالطيب مـن كـل لابـه=الطيـب حق(ن)للاجاويـد ممنـوح مثل المجم اللـي عـذي(ن) شرابـه=كل(ن) بدلوه يـارد الجـم ويمـوح مايغـط نورالحـق ويصـك بـابـه=الا ضعيف العرف وقصيـر الشـوح عسى السحاب اليـا تراكـم ضبابـه=وبروقـه تفـرق مثانيـه وتـلـوح على وطن صقـر العروبـه عقابـه=همالها يروي عطش كل صحصـوح غيث(ن) مايذكر للضرر فيه اصابـه=صحه على ماقالو الناس وصحـوح ليـن يتشابـك نبتهـا تقـل غابـه=وروس الزبيدي كنه المرو بالصـوح ياموعد اصحاب الدعـاء الاستجابـه=اجب دعانا يامجيـب النبـي نـوح حاولت تجنيـب الخطـاء ورتكابـه=ون حصل مطلوبي عفو كل طحطوح قصيدتـي تختـال كبـر وصبـابـه=على معانقهـا سمـع كـل ممـدوح وختـام شاعرهـا مثـل مابـدابـه=الا اني بكلمـة شـرف ودي ابـوح تدرون من اولى البعض من شبابـه=برقاء وروق وبني سالم ومسـروح |
عـزي لمـن جـدواه عضـة إبهـامـه=مالـه .. ولابيـديـه حيـلـه وتدبـيـر رجـاي باللـي مـن نواشـي غمـامـه=يسقي ثراه .. ويكسـي ارضـه نواويـر هـو العظيـم .. ورب عـرش العظامـه=سبحانـه .. الخالـق بديـع التصـاويـر يــارب قــوم والــدي بالسـلامـه=واشفه .. ومتعنـي بشوفـه علـى خيـر سبعـه وعشريـن .. اول ايـام عـامـه=وردن .. وصادنـه سـهـوم المقـاديـر وعلـيّ جيـش الـحـزن ورّد حيـامـه=واجتاحنـي مثـل اجتيـاح الاعاصـيـر قامت ضحـا .. بيـن الضلـوع القيامـه=رجاء .. وياس .. وحزن طاغي .. وتفكير للقلب من ( قـوع ) العـروق انصرامـه=يـوم الا طـبـاء يكتـبـون التقـاريـر يـزود نبـظـه .. ويتلخـبـط نظـامـه=واحس فـي كتمـه .. وافـك الازاريـر يامـن لـك مـن الطيـب ذروة سنامـه=وتقصيرك( بعكسه).. ماهـوب أيتقصيـر ويامـن رسمـت أرقـى وارق ابتسامـه=على وجه شايب .. وشبـاب ..وصغيـر البيـت عقبـك صـار نـوره ظـلامـه=امس بوجودك غيـر .. واليـوم ذا غيـر فـي كـل ركـن ٍ مـن ركونـه علامـه=للحـزن .. ياموفـي حقـوق المساييـر ياوالـدي مـسـك الـكـلام وختـامـه=أزمه .. وصارت لكثـر النـاس تفسيـر عضيـت مـن طيحتـك كـف النـدامـه=وعرفت اللي به خير .. واللي مابه خيـر |
فاحت صدور اهل الشعـر شعـر واثـآر=قريحـة ٍ جاهـا عــن الشـعـر لادود عاميـن ماحـرك قلمـهـا ولا ســار=تقـل مقيـدة ٍ عـن الشعـر بقـيـود مسّو حبال بيـوت الا شعـار .. شعـار=وشذى معاني بعـض الاشعـار محمـود نفحة شذى روض ٍ عقب وبـل مـدرار=قامـت تحـرك روس ازاهيـره النـود هذا شعوري نحـو بالضبـط .. مـادار=بين الثنين اللـي لهـم غيـري شهـود تبادلـو عـمـلات يــورو .. ودولار=وسمو بها عـن كـل حـاوي ومـردود والعملـه الصعبـه ماتلحقهـا الاخطـار=وعلى السمع ماوقعهـا سهـود ومهـود تبقـا لهلهـا بيـن الاجـيـال تـذكـار=مـادام ربـي يولـج البيـض بالسـود جتني .. هدية مكرم الضيف .. والجـار=ورديت لو مانـي علـى الـرد محـدود ماني بمتفـرج علـى طـوال الاعمـار=وانا بقصيدة ( ناصر ) و ( علي ) معدود اطرو زعيم احـدث صناعـات الاقطـار=اللـي ينافـس بالغـلا شمـخ الـقـود وخلو وزن حجمي وزن حجـم سنجـار=بالشعر .. وانا اقـول مالشعـر مسيـود اشوفهـا مـن يـم ذربيـن الاشــوار=فضل ٍ علي .. وجاحد الفضـل مجحـود ( ثـلاب قايلهـا ) وانـا اقـول تكـرار=ماللجمايـل عندنـا قبـور .. والحـود ياللي مشاعـر طيبكـم سـر .. واجهـار=فاحت وفاء .. وانسام جاوي .. وكمبود الله يحييكـم علـى بــن .. وبـهـار=وصنيـة ٍ فيهـا مـع الحيـل مـفـرود |
طرقني غرامك ياجميـل الحلايـا طـرق=كما يطرق الحداد صيخـن غـدا جمـره ولاعاد أعرف لاشفت زولك جنوب وشرق=أضيـع دليلـي مثـل شرابـة الخـمـره ترى الحب يسرق حال راع المحبه سرق=شويه شويه لين يقضـي علـى عمـره ترفق علـى قلـب بوسطـه ندايـا زرق=تعاقبته سهـوم الغـرام وبلـش بأمـره وأنا مابغيـت ألا شويـه بلمحـت بـرق=كثر ما فم العصفور يأخـذ مـن التمـره جمالك طبيعي بينك وبيـن غيـرك فـرق=عليه أحسدوك أهل المساحيـق والحمـره |
طـول نكـد بالـي وطـول عمـاسـه=مضى شهر وشوي والوضـع هـو هـو .
وانـا الـذي يقتـل برجـواه ياسـه=في ظاهري حسره .. وفي داخلي ضو ولايعلـن المؤمـن مـن الله فـلاسـه=لكن وانا اومن بالقضى والقـدر .. لـو بيني وبيـن الدردشـه والوناسـه=مـســافــة ٍ مـاظـنـهــا تـنـتـهــي تـــــو اللـي دهـاه الوقـت باأعـز ناسـه=تعيش الناس بجو .. ويعيش فـي جـو ياليت مابالوقت غدر .. ونحاسه=ولاصابه من سهوم غيـب الدهـر سـو او .. ليتني فارقت دنيا التعاسـه=قبل يصاب .. وقبـل اشوفـه كـذا .. أو ياليته براسي عنـه .. مابراسـه=وانـا المريـض .. وكامـل العافيـه هـو |
الساعة الآن 08:34 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir