|
طال الصًبر والطًاغيه زاد طغيان
ماقصدي الا اخفي الشيب يافلان = يوم البس الغتره واميًل عقالي توني صغير ولاكن الوقت مازان = ساقتني الدنيا بسود الليالي ماني محبن عذّبه سيد الازيان = ولاني بتاجر خاسرن له ريالي ولاً كريمن مجلسه دوم مليان = اصبح سجين ولا يشوف الدًلالي دنياك عقب الزًود ترجع بنقصان = مسكين من قال الثريًا حلالي ارفع مقامي عن هواها بحقران = وارجي من المعبود صعب المنالي المشكلـه اني من العام شفقان = لأرض الجهاد ولا نشدً الرًحالي طال الصًبر والطًاغيه زاد طغيان = اما نجاهد شرق ولا شمالي صوت الارامل واليتاما ولو بان = مثل الصدى يسأل وعاد السؤالي ينخى ضمير المسلم بكل الاوطان = وينخى الشجاعه في قلوب الرجالي اللي لهم ذكرى بخالد وعثمان = وابو بكر يوم الغضب والقتالي وفاروق الامه مع علي جالهم شان = ملوك كسرى اطعموها الرًمالي وكل الصحابه بالمواقيف فرسان = بأرض المعارك ذاقو المر حالي ماجاز لي ياصاحبي لون الاكفان = ومغاسل الموتى عساها تشالي المسعد اللي يندفن مثل ماكان = ماكفًنه ماغسًله شخص غالي مشتاق للجنه وياقوت ومرجان = في وصف حور العين يتعب خيالي وانهار لاتفنى من خمور والبان = وتسنيم وسلسبيل تجري بزلالي وين الرجال اللي تقدًر بالاثمان = من لايهمًه امرنا مايوالي نتابع الاخبار موجز وعنوان = ونترك تفاصيل الخبر مانبالي الشكوى للي خالق الانس والجان = عالم بحال الخلق ماهو بسالي يالله ياواحد رحيمن ورحمان = يامقدًر الدنيا على كلً حالي تسمع دبيب النمل خالق سليمان = وانجيت يونس لين يمً موالي وعالم بيوسف يوم خلًوه الاخوان = وصار الملك من عقب ماكان خالي وانجيت عبدك نوح من شرً طوفان = غطًى الاراضي كلها والجبالي اجعل لنا بشًار عبره للازمان = وجنود برما ياعزيز الجلالي ارسل عذابك من زلازل وبركان = والارض تصبح بالسماء فوق عالي واللي بقى من دارهم غير دخان = يجلى هموم اللي تغرًب وشالي ونقول كانو واصبحو شيً ماكان = وتخفق شعارات النًصر بالعلالي هذا رجانا ياعظيمن بالاحسان = يامبدًل الظلما بقمر الليالي وصلًو على المختار من نسل عدنان = شفيعنا يوم الحشر والهوالي |
صح الله لسانك يا القرم والله يـعـطـيـك الـعـافيـــــــــــة بيض الله وجهك |
الشاعر
عبدالله المحمدي صح لسانك والجهاد مطلب كل مسلم لكن بشروط وضوابط ومن جاهد خارج البلاد بدون اذا ولي الامر يعتبر مخالف لسنه |
صح الله لسانك ولاهنت وسلم فكرك وبنانك دمت برعاية الله وحفظة |
صح لسانك وسلم بنانك
ولاهنت علئ القصيدة تقبل مروري المتواضع |
الشاعر عبداللة المحمدي
صح لسانك |
لاهنت ولاهان هذا الحضور صح لسانك يالذيب تقبل تحيتي |
صح السانك لاهنت
ولاهان منطوقك شاعرنا القدير |
صح السانك وبيض الله وجهك
على هذا الابداع والتميز |
[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"] [table1="width:65%;background-color:black;border:4px solid orangered;"] صح لسانك كلماتك غايه في الروعه أحييك على هذا البوح المتميز دمت ودام شعرك وبوحك 0 0 | [/table1][/table1] |
اقتباس:
|
اقتباس:
هلا بشاعرنا القدير صح بدنك واكيد الجهاد له ظوابط يعطيك العافيه شكرا على مرورك دمت بخير |
عليه أفضل الصلاة والسلام صح لسانك وعلا شانك نص رائع يعطيك العافية شاعرنا المبدع |
الساعة الآن 11:24 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir