|
(التضحية)الله من بنتٍ تساوي رياجيل=والله من رجلٍ يساوي قبيلة
الله من بنتٍ تساوي رياجيل=والله من رجلٍ يساوي قبيله والطيب وهبة بين خلقه بلاميل=وكلٍ على ماقيل هو وحصيله احد يقدم دلة البن والهيل= واحد يقدم كاس ماروا ثميله!!! ياكم بنتٍ شالت الحمل وتشيل=تشيل حملٍ ضام من يرتكيله وياكم رجلٍ ينثني لهل الخيل=رد الرمك من فوق بنت الاصيله باللي مضى واليوم فيها معاديل=عند اهل النخوهة وراعى الجزيله ماواقفٍ هزت لروس الحلاحيل=عبرة زمن لا اهل العلوم النفيله ولالي بعرض وطول بعض التفاصيل=لاشك شفت اللي فعوله جليله منا ومنهم وافيات المكاييل=هذه وذيك وذاك شال الثقيله والوادي اللي ما مطر يوم مايسيل=ولا يحكم القلبان كبر النثيله تعلمو يا اهل القلوب المهابيل=درسٍ من المجان سهل تحصيله سطرتها مابا بها ايات تبجيل=لكن مواقف تعتبر مستحيله وحرفي يحب معانق الجزل بالقيل=تغرية بالمعنى سيوفٍ صقيله الله من بنتٍ تساوي رياجيل لشرح هذا الشطر اقول قابلتها في عزومة سلمت كان يوم الاربعا واستاذنت قالت بلحق على الرحلة المتجهه المدينة عرعر لزيارة بنتي فهي تعبانة وزوجها مايقدر يجيبها دوام وعيالها يدرسون بزورها والجمعة ارجع لني ما اقدر اجلس اكثر من كذا انتها كلامها اماهي حرمة اقتربت من الخمسين لكنها تشيل حمل يعجز عنه الرجال تداوم في الصباح والعصر مستخدمة في مدرسة تدرس بنتها وولدها على احسابها في اخر سنة من الثنوية وتصرف على عائيلة تتكون من سبع انفار هي وزوجها وبنتين وثلاث عيال. ابد ماتعرف الراحة لها اسنين هذا حالها قد يقول احدكم وين زوجها اقول موجود اكبر منها في 30عام اتعتقد انها تسوا الف رجال مو رياجيل . الاخرى تخرجت من الكلية بتقديرممتاز مع مرتبة الشرف الاولى وتعينة على طول اول سنه فكت لخوها (جكسار مديل السنة) وثاني سنة تحملة اقصاد الفلة حقت اخوها مع الاسف حين ماتزوجت اخوها ما وزع كروت الدعوة؟؟؟ يقول عيب يعزم على زواج اخته؟؟!! في رايي انها تستحق لقب اخ مو اخت وتسوا رياجيل يتغالون على اخوانهم خمس مئية ريال.؟ونقول البعض ...................................... (والله من رجلٍ يساوي قبيله) شرح هذا الشطر اقول من يرتكي لثلاثين مليون رجل يسوا قبايل مو قبيلة من يكمل المبلغى في خمسة مليون يسوا قبيلة وغيرهم من يرخص ماله وحاله دون ربعه فهو يسوا قبيلة. . |
ماقلتي الا الصدق يا بنت العم
صح السانك وبيض الله وجهك كحيلة حرب |
ماقلتي الا الصدق يا بنت العم
صح السانك وبيض الله وجهك كحيلة حرب |
صح لسانك
تعـلـمـو يـــا اهـــل الـقـلـوب المـهـابـيـل=درسٍ مــن الـمـجـان سـهــل تحصـيـلـه سطـرتـهـا مــابــا بــهــا ايــــات تـبـجـيـل=لــكـــن مـــواقـــف تـعـتــبــر مـسـتـحـيـلـه لني شفتلي بنت قامت على امها مقامن يمكن اكثر الرجال مايقدرون عليه |
تسجيل تواجد في منبر الجزاله صح لساانكـ بيض الله وجهك |
صح الله لسانك
ولاهنت وسلم فكرك وبنانك |
اقتباس:
كل الشكر لمرورك الرااقي |
اقتباس:
الشاعره الكحيله صح الله لسااااااااااااااااانك لاتنسين ان الرجال قوامون على النساء ههههههه بالحقيقه ان يوجد نساء لهن دور بارز بالمجتمع منهن المربيه والداعيه والمعلمه والكثير والكثير |
اقتباس:
كل الشكر لمرورك الرااقي والشاعر مرآة المجتمع كما يقال |
كلام جميل
يسلم ذوقك. |
والله والنعم في بنات الرجال
صح السانك وبيض الله وجهك كحيلة حرب |
صح الله لسانك ولاهنتي وسلم فكرك وبنانك دمتي برعاية الله وحفظة |
اقتباس:
كل الشكر لمرورك الرااقي |
صح لسانك وسلم بنانك
ليس لدي ماأقوله ولكن اشيد بكلامك وصحيح ان فيه نساء يسون رجال ورجال يسوون قبايل تقبلي مروري المتواضع |
كلام جميل وفيه الكثير من الواقعية
بارك الله فيك يالكحيلة |
الشاعرة الفاضلة
صح لسانك على هذه القصيدة و ما احتوت عليه من معنى جزل الطيب يا بنت العم مقسوم بين الرجال و النساء و لكن مثل ما ذكرتي صحيح هناك نساء يقمن بواجب لم يقم به بعض الرجال لا اقول ان كلامك خطأ لأنك ذكرتي الطيب بالنساء و الرجال لا ارى بأنك هضمتي حق الرجال بشيء حتى لا أقول أني جاملت معك ذكرتي طيب النساء الطيبات حتى لا تهضم حقوقهم و يعرف ان هناك نساء يقمن بالواجب اما هذه القصة امثالها كثيره حي فال هذه المرأة على فعلها الطيب تقبلي تحياتي يحفظك الله |
صح لسانك
وسلم بنانك صدقتي فيه بنت تسوئ رجاجيل ورجل يسوئ قبيله تقبلي مروري المتواضع |
اقتباس:
على تواجدك الراقي |
الساعة الآن 08:00 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir