النّصيحه من رفضّها ذاك ماالله امهديه=واستمع هرج ٍ موكّد وافتهم لي ياحسن
طيع نصحي يالحجيري ياعزيز ٍ منتقيه=انهج النّهج السّليم وخلّ في ايديك الرّسن
الوطن لنّك حميته تستحقّ العيش فيه=وكان منت بحامي ٍ له شدّ دوّر لك وطنّ
لاتسمّع في هروج اللي يسمّونه فقيه=ماهو راعي فقه كانه قام يدّور للفتن
لو صدق بالهرج معكم يفتنك هرج ٍ حكيه=كم كلمة صدق فاحة طيب باطنها عفن
الوطن هذا وطنّا لازم انا نحتميه=مانشتّت شمل شعبه مانجرّه للمحن
اكثر النّيات فيها خافي ٍ محدن ٍ بغيه=علمها يعلمه واحد بامره سرور وحزن
القبايل كلّها متحالفه بيض الوجيه= لو رقص شيطانها مخزي ويبشرّ باللعن
وانت يالقرم المحنّك لاتراعي للسّفيه=عادة الرّجل الموقرّ عنده لهرجه ثمن
وكان شفت الميل ناره في ضميرك تكتويه=شوم واصبر صبرنا من دون لتّ ولاعجنّ
الوطن والرّبع والجيران ياالرّجل النّزيه=انت لاتقسى عليها لو على شخصك قسن

الله يعطيك العافيه
الرائع صقر المراقيب
صح لسانك ويسلم بنانك

المشاركة الأصلية كتبت بواسطة صقر المراقيب (المشاركة 1361937) / / / / / / / / / / / / / النّصيحه من رفضّها ذاك ماالله امهديه=واستمع هرج ٍ موكّد وافتهم لي ياحسن طيع نصحي يالحجيري ياعزيز ٍ منتقيه=انهج النّهج السّليم وخلّ في ايديك الرّسن الوطن لنّك حميته تستحقّ العيش فيه=وكان منت بحامي ٍ له شدّ دوّر لك وطنّ لاتسمّع في هروج اللي يسمّونه فقيه=ماهو راعي فقه كانه قام يدّور للفتن لو صدق بالهرج معكم يفتنك هرج ٍ حكيه=كم كلمة صدق فاحة طيب باطنها عفن الوطن هذا وطنّا لازم انا نحتميه=مانشتّت شمل شعبه مانجرّه للمحن اكثر النّيات فيها خافي ٍ محدن ٍ بغيه=علمها يعلمه واحد بامره سرور وحزن القبايل كلّها متحالفه بيض الوجيه= لو رقص شيطانها مخزي ويبشرّ باللعن وانت يالقرم المحنّك لاتراعي للسّفيه=عادة الرّجل الموقرّ عنده لهرجه ثمن وكان شفت الميل ناره في ضميرك تكتويه=شوم واصبر صبرنا من دون لتّ ولاعجنّ الوطن والرّبع والجيران ياالرّجل النّزيه=انت لاتقسى عليها لو على شخصك قسن الشّاعر / خالد بن عبيد بن معتوق ألأحمدي

يا حروفي سجّي حصان القريحه واِمتطيه=وجاوبي خالد عبيد بكل طاروق و لحن
وعلميّه بكل صيغه يوجّه الحرف أحتويه=لو يلغمّها ما نغديها عن الوجه الحسن
النصيحه مثل صقر اللي جهل به يشتويه=ما رفضها الا سقيم العقل لو صحّ البدن
خصّ لا جات النصيحه من نبيه إلى نبيه=ما تركناها و نبا نجهربها سرّ و علن
الوطن ماهو بضاعه نبيع فيه و نشتريه=ولا هو مجرد ملاذ و سقف وأرضية سكن
الوطن مثل الأبو مهما قسى نقبلّ يديه=الوطن صدر أم من ذا يعقّ صدرٍ له حضن
الوطن ماهو نبي حلوه ومرّه ما نبيه=الوطن منّا و حنّا منه في قوّه و وَهَن
مثل ما يرجي صناديده ترانا نرتجيه=ما نخيبّ له رِجى ، ولا عاش منهو له غبن
دون ذرّه من ترابه واشقا بسوء منتويه=منتوي شبرٍ من أرضه عدّه ف شبرْ اِندفن
لو شكينا منه ضيم ، بضيم ما نرضى عليه=ما سمعنا فيه زيف ولا نصدقّ فيه ظن
الوطن لو قلت بعيالي و مالي أفتديه=ما وفيته لو أقدمّ لجله الروح بكفن
الله يديمه و يدحر كيد منهو يعتديه=وانتم و حنّا سيوف ، ف يدّ أبو متعب سطن