يا كارهين البنت ما هيب بمـكروه=هي وردة البيت وشذى ياسميـنه
البنت يوم ان الولد يتــرك ابوه=علمن صحيح وكلكم خابرينه
نادت بعال الصوت وتقول جيبوه=يا ويلكم بالويل يـا تاركينه
كنك تعاين بأمـرها حين وطوه=وقامت تحوفه من يسـار ويمينه
تمشي على ما قال ودوه هاتوه=اتنفذ امره ثم تقبل جبينه
كان الولد ما يلحقه من مشروه=وش هي حياته خيــب الله يدينه
ليا جاء مجاله قيل هبوه هبوه=الخايب اللي ما نفـع والدينه
يقول هذا للـمسنين ودوه=من كل ما يحتاج متكفلينه
اليا دخلتم داخل البـاب خلوه=ارعايته بيديـن مستقبلينه
ابوه ون وقال مع ونته يوه=سمع الكلام وغوزرت دمعتيـنه
رفع يديه وقال قـولوه قولوه=قولوا عليه امين يا سامعينه
الي يحط ابوه فـي وصف مبلوه=جعله عقيم ما يـدرج جنينه
والا ان رزقه الله ولـد يجي مشبوه=يذوق منه اللايمه و الغبيـنه
حتى يذوق الي اهـله منه ذاقوه=ياخذ جزاء سيئات فعــله بحينه
في صغرته كنا نناديه يـا هوه=نتعب لأجل يرتاح ومدلعينه
وإن غبت عنه أسرح مع الفكر وأتوه=ولا أبي يحول الليل بيني وبيـنه
كنت ارحمه واليا بكاء اقول راضوه=خلوه ياخذ ما تورا بعيـــنه
وان جيت من طرقت سفر قلت نادوه=اول ما انشد عنه واقول وينه
ارفع لحافه عنه واقول عشوه=اليا بطشت بكل كومن سميـنه
واليوم خلاني تقل وصف مسفـوه=حتى التعب ما رد لي لو ثمينه

المشاركة الأصلية كتبت بواسطة تكفيني الذكرى (المشاركة 1361603) كلام جميل سلمت ربي يعافيك.

المشاركة الأصلية كتبت بواسطة سعد المحمدي (المشاركة 1361610) الشاعر الجزل محمد سماح الغيداني صح لسانك وعتلا شانك قصيده معبره لافرق بين الابناء والبنات والمصلح رب العالمين لكل الجنسين

المشاركة الأصلية كتبت بواسطة حميدان العوفي (المشاركة 1361620) الشاعر الكبير والقدير : محمد بن سماح صح لسانك على هذه الدرر الثمينة و المؤثرة .... فجميع ماتكتب من قصائد نجد فيها الجزالة و الحكمة و النصح صح لسانكو بيض الله وجهك يا ابا مشعل

[/table1]

---

المشاركة الأصلية كتبت بواسطة عواد الظاهري (المشاركة 1361673) [table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]

[table1="width:65%;background-color:black;border:4px solid orangered;"]

صح لسانك كلماتك غايه في الروعه أحييك على هذا البوح المتميز دمت ودام شعرك وبوحك

[/table1]

المشاركة الأصلية كتبت بواسطة حسين مريع العبيدي (المشاركة 1361720) حياك الله وحي منطوقك والله كفيت ووفيت عبرت تعبير وافي واصبت الحقيقة صح لسانك وعلا شانك تقبل مروري وتحياتي

المشاركة الأصلية كتبت بواسطة الحب الباقي (المشاركة 1361723) تسجيل تواجد في منبر الجزاله صح لساانكـ بيض الله وجهك

المشاركة الأصلية كتبت بواسطة العطيب (المشاركة 1361744) نعم كم بنت تسوى لها الف ولد والله يصلح الجميع صح السانك وبيض الله وجهك

المشاركة الأصلية كتبت بواسطة داله العوفي (المشاركة 1361768) الشاعر محمد بن سماح صح لسانك و الله يصلح جميع ابناء المسلمين

المشاركة الأصلية كتبت بواسطة فهد ابن غانم (المشاركة 1361903) صح الله لسانك ولاهنت وسلم فكرك وبنانك دمت برعاية الله وحفظة