الحب الاول بالخفا ماتحول=لوعف رسمه باقيٍ له خليه
من قمة الذكرى على القلب حول=نقضّ جروحٍ تاليه واوليه
وانا عنايا بالحنايا تجول=وعلى القصيّر صولجانه قويه
بآخر رعيل وشبكتني بالاول=علي من نمر المسمى مزيه
والا هذاك اللي لعينه تزول=قيس الملوح جن من عامريه
لاحلّت العبرات كني مغول=بكيه بلا دمعه واصفق بيديه
بس اترجى دمعتي واتسول=اغدي بزرقاها تخفف عليه
النفس شرهه والليالي تمول=ورحنا ضحيه بين ذيه وذيه
وعمر المولع للمنايا مخول=فرقى الحبيّب وردته المنيه
وياشامتي لا لا تلوم وتقوّل=راع المحبه فيه انبل سجيه
فيه العجب وآيات واشيا تهول=ارواح حلّت في حشى ارواح حيه
بالحب هداجٍ بنبعه مطول=والا انت اجوف خاليٍ كالهبيه
مير الحذر نفسك عليها تفول=وتضيع ضيعات البهم بضحويه
دام انت متعافي علي لا تقوّل=والا بتلحق قيس والعامريه