|
ربعي امخلف
دون ربعي يا هبوب الشعر هبي سريع=لين صعبات القوافي تبيح ابسدها كان ماقف دونهم في ضحى اليوم الشنيع=قولوا ابن عبيد شاف العدا ماصدها ماني ابضاري على الذل والله السميع=نسل قرمً لا عطى حاجةً ما ردها ربعي امخلف هل العز والسد المنيع=كم جزيله وسمهم واضحاً في خدها خصمهم قلبه من افعالهم يقرع قريع=طشه الله بين جزر البحور ومدها ما يعامل غير بالسيف ابو حداً لميع=الشطير اليا نزل فالمناكب قدها الشجاعة ورثهم من شجيع اليا شجيع=عزوة اعيال الخشيمي خسر من ندها فيهم النخوه والأخلاق والقدر الرفيع=بالكرم مداتهم ما ينافس مدها عينهم ما عمر لدت على فعل الصديع=بالمكارم والنواميس دايم لدها في علوم المرجله تشتري دوم وتبيع=غصب عن بعض العرب دام ماهو ودها ساسهم معروف محداً ليا سمعه يضيع=من سلايل حرب سقمً على من ضدها هم محاربة الدول واضحه عند الجميع=دولة الاتراك من هو رثع في جدها الحقايق ثابته ماهي ابثلجً يميع=راعي الذمه لاجات اللوازم عدها والسنع تلقاه دايم مع الرجل السنيع=والعوج عوجاه يم المشاكل حدها |
تسجيل تواجد في منبر الجزاله صح لساانكـ بيض الله وجهك |
إبداع من شااااعر الابداع ولايستغرب هذا الابداع من شاعر بحجمك وموهبتك الشعرية .... صح لسانك ملايين وتقبل تحياتي |
صح لسانك على القصيدة وكفو وونعم بربعك ودمت بخير اخي عبدالرحمن |
الشاعر عبدالرحمن المخلفي
صح لسانك على القصيدة وكفو وونعم بربعك |
ونعم با الجواد
|
صح الله لسانك ولاهنت وسلم فكرك وبنانك دمت برعاية الله وحفظة |
صح لسانك مليوووووون يا ابن عبيد حرام بالله انك وافي و لوني عندك حبيت خشمك يالامير
|
اقتباس:
ووجهك ابيض لك تحياتي |
اقتباس:
صح بدنك شهاده اعتبرها وسام على صدري لك تقديري |
اقتباس:
ولا عليك زووود لك تحياتي |
اقتباس:
ولا عليك زوود |
اقتباس:
|
اقتباس:
لك تحياتي |
اقتباس:
ولا عليك زووود وحراام بالله ان ردك نومسني يا ذيب اشكرك |
الساعة الآن 03:05 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir