|
2093لغز جديد محلول من قبل خليجي نت صح لسانه
بسم الله الرحمن الرحيم السلام عليكم ورحمة الله وبركاته
ياويش رجلٍ صدقوه الفاهمين = من غير لايهرج ولاحدٍ كلمه العلم جابه للعوارف مرتين= وحده صدق والثانيه مانضلمه انشهد انه ياعرب رجلٍ ثمين= جاب الشفق للي تردت مضلمه |
اقتباس:
و عليكم السلام و رحمة الله و بركاته لغز رائع كما تعودنا دائما مستشارنا القدير ابو هليل و نبدأ و نقول ممكن تقصد الميزان مرة هو الوزن للأشياء و قد ذكر في القرآن الكريم عدة مرات ممكن 9 و الموازين في الحياة كثير مر علينا منها مثل ابو كفتين و القباني و هذا هو الميزان الصدق اما الميزان الأخر اللي ما نظلمه هو برج الميزان ويقولون يتساوى فيه الليل و النهار والأبراج ما لنا و مالها ممكن صدق و ممكن خلاف ذلك وممكن الحل بعيد عن هذا الكلام هههه ربي يسعد ايامك و لياليك تحيتي و تقديري |
اقتباس:
بالاقتراب حتى تقضي على الغز وانا اخاف منك على العموم الرمعه بعيده |
محاولة أخرى ممكن تقصد الغراب " لكن كيف جاء رجل ثمين المرتين الأولى : طريقة الدفن , وهي الصدق الثانية " ماهي اكيد " ارساله من سفينة نوح لكشف الأرض اليابسة والله اعلم |
ابو هليل كلمة كفو وصح لسانك ياكثر ماقلتها لابو هليل ولو ماقلتها غيري من قالها وكفو مليون ولا تكفيك وصح لسانك على نظم اللغز ورمعه في مقام اللغز ماتحضرني وجاري التفكير |
اقتباس:
والله الغز هذا اتمنى انك تحله |
اقتباس:
وصح بدنك لاهنت مشكور |
ماني داري و بأحاول مرة اخرى ممكن تقصد القمر الناس تصدقه ببدء الشهر بدون سؤال او كلام و بالعلم يوجد قمرين عندنا الأولى قمرنا في السماء والثانية القمر الصناعي لا نعلم قمر ام لا و العلم عند الله |
بنحاول و على الله ممكن قصدك طلع النخل يفجج مع البرد النخل يطلع مرة واحدة في السنة ويقال يوجد نخل يطلع مرتين ولا اعلم عن صدقها تحيتي و تقديري و ممكن القصد غروب الشمس والله اعلم |
مهندس الألغاز أبو هليّل
صح لسانك على اللغز المحكم وجميع الغازك محكمه ماشاء الله عليك أظنه (البرق) يابو هليّل ؟؟ |
ممكن الصوت الصدق نفس الصوت واللي ما نقدر نظلمه صدى الصوت والله اعلم |
ابوعبد الله ماالك لوا بالرمعات السابقه
|
اقتباس:
البرق مااالك لواا |
اقتباس:
ماهو القرض العقاري يابو هليل؟ قالوا انهم يبون يزيدونه ولادري عنهم (( جاب الشفق للي تردّت مظلمه )) الشفق : الآمل والمظلمه تردّي الاوضاع |
اقتباس:
|
ابوهليل صح لسانك لغز جزل من راسٍ جزل
وش تقول في وسم الحيا والثانيه وسم المطيه أو الخيال اذا صدّق على قول ابن سبيل يالله يامنشي صــدوق الخيالي = يالواحد اللي تسـجد الناس لرضــاه |
اقتباس:
والله ماتوقعت يبطي لاكن ماقدر اقول شي الرمعه بعيده طال عمرك |
اقتباس:
1-ونقول هدهد سليمان عليه السلام 2-تحليل dna |
اقتباس:
وبنتضار الرمعه الثانيه |
صح لسانك ياخالي
وش رأيك طال عمرك بعيار الزيت او الحمام اللي جاب الخبر لنوح عليه السلام عن حالة الارض قبل نزول نوح ومن معه إلى اليابسه |
اقتباس:
صح السانك يا ابو هليل دايم ولالغازك جزله وشرايك في الحمض النووي |
اقتباس:
ياهلا بك وصح بدنك والرمعات مااالك لو يالبناخي |
اقتباس:
وصح بدنك والرمعه ماالك لوااا |
رمعه \
وش رايك الكتاب ( الكتاب خير جليس ) |
اقتباس:
ممكن القصد هو سوق الأسهم الصدق ربما في الإكتتاب واللي ما نظلمه ممكن التداول والله اعلم |
اقتباس:
لاكن كرمعه ماالك لواا |
اقتباس:
والحل قبل النبي موسى |
وش رايك يابوهليل
قميص يوسف عليه السلام عندما شم أبيه رائحته عرف انه لم يمت فكان فيه براءة الذئب من دم يوسف كذلك قميصه عندما قدّ من خلاف بعدما راودته زوجة العزيز فأتهمته وكان دليل برائته من التهمه والظليمه وبسبب قميص يوسف الذي كان في رحل أبناءه عند عودتهم من دون بنيامين علم يعقوب بالقميص فأستبشر واستيقن و رد الله بصره بعد ما كان اعمى بفقده |
اقتباس:
صباح الخير الجميع خوي للعطوي ورمعته لغز قوي ومتعوب عليه ورمعة القميص تنطبق عليه والعلم عند ابوهليل |
اقتباس:
الاجابه صحيحه (قميص يوسف عليه السلام ) |
اقتباس:
صح لسانك ولسان العطاوي |
ما شاء الله تبارك الله لغز رائع جدا و حل ولا اروع وفي الصميم ربي يسعد ايامكم و لياليكم تحيتي و تقديري |
صح بدنك يابوهليل وجهك الأبيض
رغم حبكة اللغز وروعته الاّ أنها تعمى الأبصار ولاتعمى القلوب لغز تشكر عليه جزل وجزالته من جزالة راعيه |
الساعة الآن 07:22 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir