|
2090سميّها داخلي والبنت بريّه الغز مرفوع لعدم تواجد صاحبه
السلام عليكم ورحمة الله وبركاته...
ياويش بنتٍ مع الحيّين موجوده=لكنّها عن عيون الناس مخفيّه بنتٍ على ذمّة المنشود مجروده=عهده تحت وليته وحماه محميّه لها سميٍٍّ خفي في داخل حدوده=سميّها داخلي والبنت بريّه تسكن فبطن امها والام مولوده= في عام جمع الشتات وتوها بنيه |
اقتباس:
الشاعر القدير عبدالعزيز صح لسانك على الغز الرايع وبيض الله وجهك جااااري التفكير |
لغز رائع جدا وأظن تقصد النفس والله اعلم ممكن الروح |
طرت على هالرمعه (المراره)
|
اقتباس:
أستاذنا القدير : ابو هليّل صح بدنك ووجهك أبيض لاهنت ولا عليك آمر عدّل العنوان : ( سميّها داخلي والبنت بريّه ) |
اقتباس:
الروعة تواجدك ومشاركاتك يابو عبدالله ومالك لــوا |
اقتباس:
ماهي هي يابو هليّل مالك لــوا |
اقتباس:
صح لسانك يالمخلفي عندي رمعتين واسمح لي بهن الأوله / كلمة السر وسميّها السر اللي بين شخصين , وقد يكون سر الانسان الثانيه / فخذ القبيله وسميّها فخذ الانسان |
اقتباس:
خليجي نت صح بدنك رمعاتك خطيرة من حيث الفكرة لكن مالك لــــوا |
صح السانك لاهنت ولا هان منطوقك
يا ابن العم ونقول البنت القهوة اي البن وسميها رمز البلاك بيري بن |
أظن تقصد الضلع والله اعلم |
اقتباس:
صح بدنك ياكحيله ومالك لوا |
اقتباس:
مالك لـــــوا |
أظن تقصد العرق العرق داخل الحيين و نقول العرق دساس والله اعلم |
اقتباس:
مالك لوا يا أبا عبدالله |
اقتباس:
ونقول 1-القوقة قوقعة الاذن وسميها القوقة مثل قوقعة الحلزون 2-طبلة الاذن وسميها الطبلة |
ما جات معي فكرت حتى في كريات الدم الحمراء و البيضاء لكن اجد اختلاف عند وصولي للشطر الأخير تحيتي و تقديري |
اقتباس:
صح بدنك ياكحيله ولالك لوا بالرمعتين |
اقتباس:
ماهي الكريات يابو عبدالله مالك لوا |
الشاعر عبدالعزيز المخلفي صح لسانك وبيض الله وجهك وش رايك عين الماء وعين الانسان |
اقتباس:
أبو ناجي صح بدنك ووجهك أبيض ومالك لوا |
تم إضافة بيت رابع للغز
ليصــبح هــكـــــــــذا : ياويش بنتٍ مع الحيّين موجوده=لكنّها عن عيون الناس مخفيّه بنتٍ على ذمّة المنشود مجروده=عهده تحت وليته وحماه محميّه لها سميٍٍّ خفي في داخل حدوده=سميّها داخلي والبنت بريّه تسكن فبطن امّها , والام مولوده:= في عام جمع الشتات . وتوّها بنيّه |
الله يسامحك ياعبدالعزيز تقول الغازك صعبه
ولغزك هذا حتى الرمعه مالقيتها لاكن خذ هالرمعه الحاسه السادسه |
اقتباس:
لغزي مايعتبر لغز مع ألغازك يابو هليّل ومالك لــــــــوا |
أحد عنده رمعه ؟؟
والا أطلب من المشرف حذفه ؟؟؟ |
اقتباس:
لا تحذف اللغز اخوي عبدالعزيز ما طبينا فيه الى الأن ممكن تضع لنا ثلاثة خيارات ونختار الإجابة الصحيحة منها ربي يسعد ايامك ولياليك تحيتي و تقديري |
اقتباس:
أبو عبدالله وضع الثلاث خيارات مثل الحل |
ممكن قصدك الحياة والله اعلم تحيتي و تقديري |
اقتباس:
مالك لوا يابو عبدالله |
اقتباس:
وبسم الله نقول الخلية خلية النحل وسميها خلية الانسان |
اقتباس:
مالك لوا ياكحيله |
اقتباس:
فالغز صياغته وتركيبه يدل على وروده وانت شايف الملتقى مافيه الغاز جدد لذا وجوده مطلوب ويرضي رغبات عشاق الالغاز |
اقتباس:
صح السانك يا عبد العزيز وشرايك في الشريحه الى تنحط في الطير الصقر داخل الجلد وسميتها الشريحه من الناس |
اقتباس:
صح بدنك ياصبّار ومالك لوا طال عمرك سميّها مذكّر ماهو مؤنّث |
اقتباس:
طيّب يابو هليّل ماهي مشكله نخلّيه مثل ماهو |
اقتباس:
اظن تقصد العظمة و الفقرة الأخيرة في العمود الفقري سميها العظم والفقرة هذه هي آخر ما يبقى من عظم الإنسان بعد تحلله ومنها يتم إنشاوءه يوم البعث والله اعلم تحيتي و تقديري |
اقتباس:
مالك لوا يابو عبدالله |
السلام عليكم ورحمة الله وبركاته اسمحوا لي على الغياب انا ان شاء الله متخصص بحل اللغاز الشاعر عبدالعزيز لكن هاللغز والله مدري عنه لكن عسى الله يسلطني عليه مثل اللي قبله وعندي رمعتين 1. التجربه عند المجرب ؟ 2. البصيرة في ابن ادم ؟ |
اقتباس:
عليكم السلام ورحمة الله وبركاته ياهلا ومرحبا في عشير النشاما ومالك لوا طال عمرك وهاللغز ودّي ان الله يسلّطك عليه أنت أو أحد الأخوان لكن اللي مضى ما الله أراد أنه ينحل والحقيقة انه بعيد بالحيل لكن فيه إشارة يبدو أن ماحد أنتبه لها ولذلك لابد من توضيحها : ( بنتٍ على ذمّة المنشود مجروده ) المنشود : المقصود به هنا هو : ( المسؤول ) . |
اقتباس:
نقول الخزنة او العهدة وهي كل شيء استلمه المسؤل واوتمن عليه |
الساعة الآن 09:44 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir