يانجم ياللي لاهل وادي الفرع تسري=وصل لكعامة العايل تحياتي
واقلط على شيخ له عند العرب قدري=ربعه رجالٍ لهم في العز صولاتي
وغني قصيدي على المقرون والحدري=واعطيه خطي وقله يقرأ الاتي
ياشيخ من جور مابي ضاق بي صدري=الناس تغفي و
صياد يابن مريع صادني عفري=وانا الذي لا رموا مخطيت رمياتي
نيشن وفرع وسدد فرده لنحري=باروده الدعج ورموشٍ طويلاتي
فيه الحلاوة تهيجن ول ياكثري=ياعل كل البنات لزيني فداتي
رفعت انا الرايه وسلمت له امري=وطبيت بحر الغرام وموجه العاتي
واليوم خلي هجرني ليه انا مدري=اقفى وعقب لي جروحٍ عطيباتي
ياكيف يابن مريع جاز له غدري=وانا معه دايم فعولي وفياتي
عايش على الجمر بل واقسى من الجمري=اخاوي الهم وعيوني سهيراتي
لاجيت اباكتب قصيدي ماكتمل سطري=حتى حروفي على سطري عصياتي
اضحك مع الناس مير الناس ماتدري=اهرج واسولف وانا في الداخل شتاتي
كيف البصر يابو ماجد تاه بي فكري=ازريت احصل لاسئلتي جواباتي
وختامها لك سلامي ياسند ظهري=ولكل حربي سلامي واحتراماتي
من ولد حربي ومربى ذا الولد عمري=الخيل والهيل والبارود عاداتي

يانجم ياللي تلف الارض من بدري =ها ت الرسالة وخذ رد الرسالاتي
منصاك خالد سعد بالوافية تجري = بلغ سلامي قبل تعطيه افاداتي
اسمى التحيات دايم في دمي تجري = كيل الوفا بالوفا طبعي وغاياتي
ماباس يامشتكي من حبك العذري = وتقول بيه وبيه سقم واهاتي
واصل السبب من حبيب (ن) معتمد هجري =وانا ماغير الحق الاهات وناتي
شكيت يابو سعد من وضعك العسري = وتقول ماابات من وجدي ولوعاتي
ماهكذا الحب ياخالد ولايطري = في بالي احب من لايحترم ذاتي
ماهي بعاداتنا تبع الهوى المغري = منبوذ في شرعنا تبع الملذاتي
الحب يبغى رجال صقور ماتزري = تصيد الابرار وتعاف الدنياتي
الحب اخذ وعطا بالكم والقدري = وان زاد زدنا ولاتنقص عياراتي
الحب ياعزوتي في ظني ونظري = يعطى لمن بيني وبينه علاقاتي
ماهو لمن مرني وارخى الحجب حدري= يرمي بالاعيان ويناظر لنظراتي
لوكان فيه الشبه من طلعة البدري= مادام انا مااملكه ماهز هيباتي
حب المقفين نقص ويعتبر هدري = عزيمة الرجل تنهيها المعاناتي
اللي يبينا نبيه وخمسنا عشري = ومن جاز جزنا عنه من دون حسراتي
ريح ضميرك ورد العسر باليسري = واقنع بمايقسمه رب السمواتي
والي كتب في جبينك جاك بالحصري = ريح ركابك ونام الليل متواتي
وازكى سلامي لكم مثل الدوا يبري = وللوالد المحترم ذروة سلاماتي

المشاركة الأصلية كتبت بواسطة ذيـــب مـسروووح (المشاركة 1346748) جزاله في جزاله سلمت يمينك و الله يطول عمرك و عمر القارئين يا شيخنا الكريم

المشاركة الأصلية كتبت بواسطة الحب الباقي (المشاركة 1346782) تسجيل تواجد في منبر الجزاله صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة عنبر ينبع (المشاركة 1346831) صح لسانك قصيده وافيه من شاعر وافي سلمت ولاهنت

المشاركة الأصلية كتبت بواسطة فهد ابن غانم (المشاركة 1346837) صحــت السنتكــم دمتم برعاية الله وحفظة

رفعت انا الرايـه وسلمـت لـه امـري=وطبيت بحـر الغـرام وموجـه العاتـي

ماهـي بعاداتنـا تبـع الهـوى المغـري=منبـوذ فـي شرعنـا تـبـع الملـذاتـي

المشاركة الأصلية كتبت بواسطة بن نامي (المشاركة 1346877) وانت سالم وغانم يابو ماجد كسبت لي رد ينومسني وصح لسانك ملايين اولا اتقدم بالشكر لقامة مثلك ان جارى واحدا من اصغر تلاميذه واعطائة فرصة الوقوف بجانب القمم الشامخه ولايهونون بني عمي صح لسانك ياشيخ حسين وبيض الله وجهك وصل رد البرقية واعتبر مافيه تم طال عمرك نقلت سلامكم للوالد وهو يهديك كثير السلام حفظك الله لنا ذخر يابو ماجد وحفظ كل ابناء عمومتنا من كل شر تقبل تحيات اخيك الاصغر خالد

المشاركة الأصلية كتبت بواسطة محمد سعد اليوبي (المشاركة 1346878) رفعت انا الرايـه وسلمـت لـه امـري=وطبيت بحـر الغـرام وموجـه العاتـي صح الله لسان بن نامي على الوصف الرائع ماهـي بعاداتنـا تبـع الهـوى المغـري=منبـوذ فـي شرعنـا تـبـع الملـذاتـي وبيض الله وجه ابو مريع على الجزالة

المشاركة الأصلية كتبت بواسطة سعد المحمدي (المشاركة 1346882) الشيخ والشاعر الجزل حسين بن مريع صح لسانك وعتلا شانك رد وافي من شاعر جزل للله درك من شاعر راااااااائع

المشاركة الأصلية كتبت بواسطة حرب الروم (المشاركة 1346886) صح لسانك ياشيخ ابو ماجد وصح لسان بن نامي والله يطول بعمرك تقبل تحياتي العمري

المشاركة الأصلية كتبت بواسطة سالم الفريدي (المشاركة 1350279) صح لسانك .. .. أسجل اعجابي بالقصيدة .. ويعطيك العافيه ..

المشاركة الأصلية كتبت بواسطة سامي البلادي (المشاركة 1350676) صحت ألسنتكم جميع وبيض الله وجيهكم تقبلو مروري