مرحبا في محل اللي يقود السرايا=قادها محسن الاول و عقبه محله
يا أبن جبرين ماقلناه ميل وحمايا= كلمة الحق تجبر كل تباع مله
البقاء في محل محررين القرايا=تحت راية زعيمٍ ثبت الدين كله
كل بيتٍ تصلح له ركون و زوايا= من بيوت الشرف من يدخله مايمله
بارك الله بالعريف و اهل السوايا=والطيق المعبد كل عارف يدله
كل بيتٍ على ساسه بكشل و مزايا= و الكلام المصدق مانخلي سجله
كثر من العزاوي في ظهور السبايا=فوق راسك بروق و مزنةٍ مستهله
كان عندك ضروس كبار و إلا ثنايا= بآخذ الشيخ عوض الله و أحط محله
يالسحيمي غزيت و ناوياً لك نوايا=مير قدامك اللي كل راينٍ تفله
وين نية مغيرك يالسباع العوايا= ذيب ورقان له ذيب شعبا قاعداً له
لاتغير علينا الماء ترانا ظمايا= الحس السيف بلسانك قبل لاتسله
الذيابه تقابلنا و تمرح قوايا= ماتبأ للعواء و مطارد البدو شله
لاتلوى يا أبن عواد خل اللوايا=كان حلقك نشف من بارد الجم بله
زبن الحظ عن بعض الغلط و الخطايا= عن ذوي عون تخبرك الجبال المطله
ودي أهدي علاك و لاقبلت الهدايا= قلت شوف الطريق و رحت نيه مزله
يابني عون أبن فواز ماله حلايا= مير ماجابلي دله و فنجال دله
مانبيلك هدية ياسموم الحيايا= لايجي فيك تال الوقت شك و خله
لاتطينا ترى الطنية حلال الكنايا= أنت حربي و حنا نعرف العلم كله
اكثر الناس يوم العيد صلوا عرايا=مدري هوه جهل و إلا صخونه و عله

المشاركة الأصلية كتبت بواسطة الحب الباقي (المشاركة 119057) الله يـعـطـيـك الـعـافيـــــــــــة بيض الله وجهك