|
1989لغز جديدمحلول من قبل ابوهليل صح لسانه
يـاويـش رجّـالٍ عـديـم الـفـوايـد ::::::: إلاّ بكثر الصوت لاهل الهوايه
يلعب على الحبلين ناقص وزايد :::::: ويبذل من المجهود حتّى النهايه الضيف عنده مايـنـال الفـوايـد :::::: :: ينهان ضيفه واقبح الفعل غايه |
النزيه باذن الله
صح لسانك مليون وبيض الله وجهك لغز جزل من شاعر جزل وش تقول بالجرس الي عند الباب |
صح السانك لاهنت
ونقول مدرب الفريق او المنتخب |
ابو هليل مستشارنا القدير لهذا القسم
صح بدنك ووجهك ابيض مليونين امّا الرمعة فاخيرها بغيرها مالك لوا |
شاعرتنا القديرة الكحيلة صح بدنك ولاهنت
الرمعة مالك لوا |
طيب
نقول المعلق الرياضي |
الكحيلة
الجواب مالك لوا |
وش رايك بالجرسون حق المطاعم
والرمعه الثانيه (الببغاء) |
صح لسانك
الرمعه الكلب اكرمكم الله |
والله عندي الرمعه اوليه وان شاءالله انها ماتزم بعيد اقول وبالله التوفيق : حكم المصارعه
وصح السانك يانزيه وبارك الله فيك |
ابو هليل
الجواب مالك لوا |
راعي الذود
رعاك الله : الجواب خطاء ومالك لوا |
محمد عبدالله البدراني
الرمعة زمّت والهدف سلم خيرها بغيرها |
مشكور على اللغز الجزل الوافي وش رايك بالرمعه / ضرب الناقوس في الكنائس
|
اقتباس:
العفو يابوسامر مالك لوا يالغالي |
يالنزيه ماني مزارع
لاكن مره مريت مزرعه ولقيت جهاز يطلق صوت زي طلقت البندق وسالت صاحب المزرعه وش هالصوت قال هذا جهاز يستخدم لابعاد الطيور لايكون جواب لغزك هالجهاز |
اقتباس:
الاخ النزيه أسعدك الله في الدنيا والآخرة. وصح السانك على الغز الطيب وطيبه من طيب راعيه: وش رايك: 1- بالعود حق الاغاني والحبلين أوتاره 2- الطبل |
اقتباس:
يابو هليل : والله هذه الرمعة كما قلت انت سابقاً هزّت اللغز والكن ماذبحته |
اقتباس:
ابو فهد الحربي جعل الله لك من دعآك أوفر الحظ والنصيب الرمعات ما لك لوا خيرها بغيرها |
طيب ممكن الجهاز الي يقلد اصوات بعض الطيور
يحطونه الي يقنصون الطيورات المهاجره يقعد يصوت وينخدعن فيه الطيور |
صح لسانك يابو هليل جبتها 100%100 طرحت الهدف
الشرح الرجال لايستفاد منه إلاّ بالاصوات اللتي تجذب الطيور لهوات الصيد والذي ليس لديه هواية صيد لايستفيد منه. ( يلعب على الحبلين ناقص وزايد ) مركّب على اصابع البطارية السالب والموجب . ( ويبذل من المجهود حتى النهاية) يبقى يطلق من الاصوات حتى ينفد شحن البطارية. ( والضيف عنده ماينال الفوايد) ( ينهان ضيفه واقبح الفعل غايه ) الضيف الطيور اللتي تتجمع عنده كا الضيوف على هالاصوات. واقبح الفعل هو الغايه اي قتل الضيوف المساكين . شكراً من الأعماق لكل من مر على الموضوع ولكل من حاول حل اللغز وبذل الجهد . وشكراً مرّةٍ اخرى لك ابو هليل. |
صح لسانك يالنزيه مليون
لغز ماعليه منقود بيض الله وجهك وبنتضار الجديد :0736::0736::0736::0736::0736: |
ياسلام عليك يالنزيه بيض الله وجهك على اللغز الرائع والشرح الوافي , وبيض الله وجه مستشارنا الغالي ابو هليل الي قضى عليه: والف الف شكر للجميع |
صحت ابدانكم :ابو هليل وابو فهد الحربي والرايع وجودكم في هذا الصرح
ومنكم استفدنا ونستفيد ومن جميع من له باع في هذا المجال المسلّي والرياضة الذهنيّية تحيّتي للجميع ودمتم بخير . |
النزيه
صح لسانك على نظم اللغز وبيض الله وجهك ابوهليل صح الفكر والتفكير في حل اللغز وبيض الله وجهك |
اقتباس:
صح بدنك ووجهك ابيض وابو هليل ماقصّر طرح الهدف بالرمعة الثالثة وهكذا يفعلون الرماة . |
الساعة الآن 08:58 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir