العلم ما اطرأ عليه خلاف = استقبلِه كالمطر مدرار
الطيب والود فيه اصناف = مايوم به تنطفي لك نار
له ضيف وعيوني المضياف = لاتشغل البال والافكار
انا جبل والحمول خفاف = ثابي وساس الجبال حجار
ودام الصخر مع بعض ما اخاف = تهزني ريح والا اعصار
يزيد في قوتي اضعاف =دام الصخر مجتمع ما انهار
ماينفع كتاب دون غلاف = ولايمكن يكون شكله سار
انا عليكم ذرا ولحاف = لسدكم ماالفت الانظار
ومن خاطري مايجيك اجحاف = لي في خفايا الفؤاد اسرار
إن كان تسعى ورى الانصاف = العذر يغنيك و المعذار
ترى علومك على مهياف = للي نحتبه بعيد ديار
عفوت عن كامل الاطراف = ولاعاد ياتي لها تكرار

وفي قمة الروعة والجمال

تقبل تحاتي الصادقة

صح لسانك وعلا مقام ورحم الله والديك

مافيك حيله .. لاعدمناك

تحيه وتقدير مني لك .؟

مافيك حيله يابو محمد

صح لسانك
على هذي الشاااامخه
داام لنا شمووخ حرفك

احترااامي