|
ديوان/// الشاعر مسند بن عامرالحويفي
ياللي شكيت الهم وتقول مضروس=وشكيت من دنيا التعب والضلايم عزلله ان الوقت مايل ومنحوس=والوقت ساعد من يشادي البهايم ونزل شيوخن عاليه ترفع الرؤس=انشهد ان الجو مظلم وغايم قلت الصحيح اللي مشاهد ومدروس=ياراعي الاملح وقولك ملايم لله درك تبدع القاف ودوس=وتصخر القيفان مبدع ودايم وانا فهمت الناس واطباع ونفوس=وعاملت من بالسوق يشري وسايم لقيت بالعالم ترى رجال وهيوس=تبرك بحمله ما تشيله قوايم وبدلتهم في خايعن نوب وطعوس=اخير من شوفة وجيه الهلايم في شوفهم همن وضيقه ومعموس=لو انسجن بالبيت وارقد ونايم و لامقابل اللي مابهم خير وتيؤس=عز النفس بالصدر يجري وحايم وراع الرداء ما احب خشمه ولابؤس=ولا اجيه لو قالوا ابيته ولائم انصى الرجال اللي به الطيب محموس=وارتاح مع صقر النشاما وحايم ولا يعيب راع الطيب لو كان مهلوس=اللي يحب الطيب بقلبه وهايم وصلوا على محمد عن الزل محروس=شفيع الامه يوم حشر وندايم |
سلام مني على الجمع وحضور=تحيتن مني لكل النشاما والنعم مافيهم عذاريب و قصور=و منزهين من الخطاء والملاما حيث ان ليهم ترى باع وشبور=الطيب فيهم ولابه كلاما يامرحبا ترحيبتن كلها زهور=ماللردى دربن عليهم تواما اعد الحقيقه وقلبي كما الشاش و النور=للكل تقديرن و جزل احتراما وخلاف ذلك جبت انا الورد منثور=نهديه ليكم مع جزيل السلاما والشمس تشرق على الكون وقصور=ولا احدن ترى يجحد فعول القداما ومن يجحد اية فعل يذكر وماثور=غلطان واخفى النور بوسط الظلاما لكن ابنخاكم ولو كنت مكبور=امون حيث انتم رجالا كراما الكل منكم فاهم العلم دكتور =والكل منكم من رجالا حشاما ولا ودنا نخسر من الناس منعور=خسارته ياكبرها تعادل تهاما ولا كل ما يطري علينا ومقبور=ننبشه للناس لو به غراما الوقت متغير تقل صار مسحور=وجيلن تغير لبسو شعور النعاما شف المجالس لجيتها صرت مذعور=كلن بجواله تقل له دواما قل المطر والارض تصك الراس وحرور=الله يغيث الارض بخير ونبت وخزاما والوقت هذا يتعب الراس ويدور=اخير من ذلك حقوق الله صلاة وصياما وان جيت المنتدى مليان والناس طابور=و الاسامي اكثره غفل ولابه وساما وبليس حاضر مع الناس محذور=يثر على الادنين وبعض الاناما والعاقل اللي يفهم العلم والشور=يدرك ويفهم كيف يمس الحزاما ولايعترض لشاف المشاكل و معذور=مابالمشاكل خير ولابه وساما تعرف فعول الناس من دون منشور=والفعل يبقى براس العداما شامخ على حاله ليا نفخت الصور=ولا اعيب من يفخر بناسن قداما نئيده بالافعال ونقول مشكور=غلطان من لامه بكثر الهياما لكن فيه احساس بالناس وشعور=وكلن له اهدافن وعنده مراما مافيه داعي نعيد ما كان مذكور=خوفن يجي ثاني وغيره علاما وكل شيخن له افعالن تسطر و مخبور=لو هو بعيد او من غريب العماما ويصير بالانفس مثل نوع محضور=والمنتدى صار مابين سحب وغماما ويفرح علينا من يعوشر بعاشور=وصرنا حكاة الناس وخرب النظاما واحزم يدك للناس وتصير مكسور= ويشر على المخطي بصبع البهاما وكلن ياجج من بعيدن و مسرور=يفرح بشبه النار وكثر الهداما هذا وانا انخى كل رجلن وممرور= ولاكره بشر واطرب لصوت الحماما ما قلتها من شان نفسي ومعثور=واميز اللوان و بيض الخياما والوقت لو فينا ترى يلف ويدور=لاهل الوفاء اواصل و لو دونه زحاما وافطن ترى كلن من الناس محشور=وغير العمل ما معك غيره لزاما وصلاة ربي عد بئرن ومحفور=على شفيعن يوم الحشر والنداما |
انا ترى سري بصندوق مامون =ما افشي ترى الاسرار ولابي بلاسه على النقاء مشي ولا اظرب على الهون=الهون وش بالهون غير التعاسه تضيق نفسي نوب واحيان محزون=بعض المجالس ما بها اية وناسه يسرح بي الهاجوس واقول تكفون =الطيب له ناسن ومعروف ساسه وليا انزعجت امسك طريقي و قانون=ولا اظرب على درب الرداء وانتكاسه افهم حروفي وافهم اليوم مضمون =ما كل ما شفته مهندب لباسه رجل( ن) شجاع وفيه عرفن وممنون =ياللي سالتن عنه وتبقى الحماسه حط الله براس الخلايق ترى عيون =وكلن يعرف اهل الرداء والنجاسه واصبر وساير وقتك اليوم بالهون=وبالنا س من يدرك وعنده فراسه وبعض البشر لا حق ولانصاف يوفون=لليله ترى سرمد تضيع ابدماسه اخير شيئ طاعة الله ولاتهون=وحافظ على دينك وجود مساسه |
يا بادع القفيان وللشعر هاوي=خليت قلبي بين نازال وشداد بيوتن تخلي الذيب يقنب وعاوي=يقنب على راس الطويلات وجماد ياشكين جرح الزمن والمناوي=والقلب في دقه كما طرق حداد قلبك عليل ولا لقاله مداوي =والناس بلوى مايخلون الاجواد قلت الصحيح ولانطقت الهقاوي=انشهد انك شاعرن عندك ابعاد وانا شبيه بقصتك ومتساوي=بلشت في ناسن به الكبر وعناد يلومني من في عيونه غشاوي= جرحه سليمن مابه سهوم وزناد والامر مالي عنه لا اصبح سماوي=ارضى بمقسومي على رؤس الاشهاد ولا اني بوسط المدن ولا اني قراوي=باليوم اسافر تقل سائق وكداد ولاني على جور الزمن صرت قاوي=اسج لو عندي طوابير وعباد شكواي لربأ هو يحل الشكاوي =والعبد مخلوقن من الطين ويعاد |
مدري وش افسر الغلطه وخليته=ماهي ترى غلطتي هي غلطة الجاني اعطيته الروح بخلاصن وحبيته=وامشي بطوعه لياشفته بالاعياني ليت المحبه لها قاضي وقاضيته=ماابيه يرجع ابيه يقول غلطاني ليه يتذمر وانا اللي كلي اعطيته=ادراه وادراء الزعل ليصير من شاني الله يسامحك مثلي يوم جازيته=مافيه شين اخبره قلة زعلاني ان كان تبغى الهجر عادي ليا ابديته=لاتحطني سبة الهجران وتعاني وتبرر الموقف لصالحك وانهيته=الظلم حرم على الانسان لو كاني لو ان حبك تخلخل بي وضميته=صعبن انا انساك بسهوله وماامداني الله يبيحك ترى المعلوق تليته=واتعبت محبوبك ومازال تعباني ليت البخت مبعدن يوم( ن) ناديته=ناديته وشفني مولع ولاهاني |
قال الذي صخر واجاد المعاني=واجاد للمعنى وجاب الطواريق الله من هم(ن) بقلبي دهاني=لا أ سود ولا هو مثل لون الغرانيق مادري و لهْ كنيه خبيث الكياني =لا حر لا برد(ن) ولابه مشاريق اودع بي الهوجاس حي(ن) واعاني=ومن اول(ن) صبار واليوم ما أطيق ياناشد(ن) وتقول كيف الزماني =ترى الزمن لجار هد الشواهيق لاتسألوني بس جرحي كواني=هذا الزمان وفيه حظ وتوافيق ولاينفع المقرود كثر الاماني=مكتوب والمكتوب لو ينشف الريق ارضى بمكتوب(ن) من الله عطاني=والله بخيص ويعطي العبد مايليق وللخلق لاتشكي تراء العبد فاني=يا لله عسى ما أنحد ليهم ولا عيق ياللي قريت القاف اسمع تراني=لا هو بشكوى ضيم وإلا عشاشيق سجيت للاقصى وعندي وداني=عجزت لا ألقى صامل العلم ورفيق أخلصت وقلبي طيب(ن) هو جزاني=مع الردي وملفق الهرج تلفيق هو ليه هذا الدور مابه عواني= كثرو به الحساد وايضا المطافيق اللي ليا شافن بنعمه عداني= وإن طحت تسمع له غواني و تصفيق وهذه صفات(ن) من وصوف الهداني =مافيه غير الخبث وإلا التواهيق والله يكافي شر منهو رماني=الحاسد وجعله بورطه وتحقيق وترسي السفن وسط البحر والمواني=ومن العين كم روحن عليله ولاتفيق واقشر سهمها لارمتك بثواني=والساتر الواقي من العين والضيق ربن صمد ماله شريكن وثاني=وصلاة ربي عد مال لمهر سيق على الذي مرسل بهدين واماني=يشفع لنا في حزتن تنشف الريق |
كــم واحــدً حربه تـحـــول لـقـــنطار= من حول الحربه وزاد التعاســــه
تـحـولـت يـوم اللـيــالي به غــبــــــار=يوم العيون محاسبه في نعاســــه يوم اليمين تسابقه كف ويســـــــــار=ومغتر بعلومه وبعض الدراسه دنيا به العاقل مشوش ومحتار=متحيرن راع الوفاء والفراسه وطويق مايشادي لضلعن بغـــيــمـار=والرجل ما ينفعه كثر احتراسه والشور يؤخذ من ضعيفين الاشـــوار=من شان ماله قبلوا فوق راســــــه ومن شاهد الموجز يحلل للاخبار=وكلن تقوس ثوب ماهو قياسه والله من قلبن تحمل وصــــبـــــــــار=لو لا العزوم اليوم جته انتكاســـــــه من غير مشهاتن مشى كل مشوار=والارض شهباء يوم جته العساسه والأرض مانلومه ولو ميها غـــــــــــار=مما تشوف الارض خبث ونجاســـه يالله ياعالم خفيات الاســــــــــــرار=الهادي الخالق لجنه وناسه لا تعمنا بالظلم وإلطف بالأخــــــــيار=و ترفع مقام الدين وتعز راسه |
راع الهوى ومطارد الحب مكشوف=لشاف عموهـج البنـي يحشمهـا يخضع جناح اللين لعيون غريوف=ويفهم كلام عيونهـا قبـل فمهـا يغض عنها الطرف ما كنه يشوف=ويخيلهـا مـن راسهـا لقدمـهـا ويكن ما شافه وراء بسرة الجوف=وعن مايشوه عرضهـا يحترمهـا عنها يصد ولايطالع تقـل خـوف=حتى هلا وسط الضمايـر كتمهـا من خوف كلمه طايشه بفم ملقوف=زلت لسـان وفرصتـه يغتنمهـا يكما الغلا لو هو من الوجد ملهوف=لو قالو ا ازهم بسمهـا مازهمهـا |
[FONT="Arial"]قصيدة الشاعر المورقي 00000
عامين يالوهاج والمنتدي يرتقي فوق .............................والثالثه قرّبت والطيب حاضنـــــــــــــها يا مطيب الي كاسبينه من الـــــــــسوق ............................ما نشري الي الدره الي غاليه في ثمنها جماعة الوهاج وربوع وارفــــــوق ..........................في بيت واحد والـــــــــــــــعرب في مدنها بيت بناه الله علي العز شــــــــاهوق ........................تحته رجال بالمـــــــــــكارم حــــــــــصنها ياالله تجير الصرح من كل مطـــفوق .......................وتموت ناس الــــــــــــــحسد والي سكنها ابيات شاعر جات في حسن منطوق .....................ماني من الي هرجته ما ضمـــــــــــــــــنها صح لسان المورقي دايم وافي والنعم وهذهي مجاراتي لقصيدته اللتي يثني بها على المنتدى هذ يعتبر من طيب اصله ومعدنه ونشكره ويعذرني على التقصير قلتها على السريع والله يحفظكم
بجهود الأعضاء منتدانا رقى فوق =يتوق للعليا وجود رسنها حتى غدى للكل غالي ومعشوق=له شان في عدة مواقع ضمنها وتحسب اشادة واحدن من بني روق= والناس يعرف طيبها ومعدنها اهل المواقف و المغازي على النوق=ياردعلى حوض المنايا ضعنها افعالهم تغلب على الوصف وتفوق= بمصقل المجرود تحمى وطنها وكل القبائل نعم ما يلحقه عوق=بافعالها مافيه شخص امتهنها يالمورقي شكراً على اللطف والذوق = يا شاعرٍ نفسه بعرفه وزنها هذا وانا من حرب لي جذر و عموق =ومحلا الدرر بالسوق غالي ثمنها |
استوحشت نفسي من الهم والضيق=ومن قلة الاصحاب خيْر و وافي واسترسلت عيني من الدمع ما اطيق=والهم ما يرحم مصوت و كافي مايرحم الضايق ولا ناشف الريق=ولايرحم الطيب و لو هو سنافي وقتن تقل خصص لنمه وتفريق=والوقت متغير وكثر التجافي لاقمت اقارن بين الاول وتلحيق=نتعب ولانلحق علوم السلافي دورن يعيش اللي مغمض ولايفيق=يعيش مع جمعن ولو كان هافي والفرق شاسع مثل جده عن بقيق=الوقت لا اقفى مايعود خلافي وقل الصدق بالهرج مافيه تصديق=ماتميز الصادق ولاهرج هافي يالله دخيلك عن دروب المطافيق=اللي يحسبه عايش( ن) ومتعافي ياعشبة (ن) بالغار وحوله ثعاليق=مادريت بشمس الضحى والسوافي لايغرك الزخرف بلونه وتبريق=هذا المرض كله عسى الله يشافي |
قال الحويفـي يبـدع القـاف ويقـول=يبدع مـن الأمثـال وجـزل القوافـي يالله عسى هرجي مع النـاس مقبـول=مثل المطر ماهـو عجـاج وسوافـي وسامكم مثل الذهـب صـار مصقـول=مثـل الذهـب يغنيـك لاجـاك كافـي وخلاف ذلك و إسمعوا صامـل القـول=هـرج ً منـزه عـن كثيـر الرجافـي أبمـدح رجـال المراويـن وزحــول=يـوم المغـازي والليـال العجـافـي لاهللوا مـن فـوق ذربـات وخيـول=مامنهم اللـي هـو شـرود ً وخافـي على العدو شـر ً مسلـط ومرسـول=وممنـوع مايطـرون قـول النكافـي لو كل منهـم عـارف اليـوم مقتـول=مـن عربـة ماقيـل قدمـه يطـافـي هم لابتن من حرب وحرب ً على الطول=كلـه شيـوخ ً بالمواقـيـف تـافـي لو كبر حمله حملـه اليـوم مشيـول=تشبـه لـذود ً درهمـت بالفيـافـي وحربي مدح ربعـه بغيثـن وهملـول=حربن هلـي لوهـم بحـد الضفافـي ولا أقول أنا هالطيب مخصص ومقلول=كـل القبايـل بــه ردي وسنـافـي واليوم فـي خيـر ونعمـه ومكفـول=بحكم السعـود وكـل مـي ً وصافـي صقر الجزيره حام في نجـد ويجـول=فـوق الركايـب والسيـوف الرهافـي خلف صقورا ً بانـت اليـوم بفعـول=هذاك أبو متعب على الشعـب ضافـي رحمه على شعبـه ولا قـال مشغـول=رحـب بـزواره ومـن جـاه لافــي ندعي عسى سلطـان وعكاتـه تـزول=عسـاه فـي صحـه ودوم متشـافـي في عودتك نفرح كمـا فرحـة سيـول=مثل الحيا بـالأرض وخيـرك يشافـي وصلاة ربي عد عرضـه مـع الطـول=علـى نبيـاً عـد سعـي وطـوافـي |
حياك الله يا ابو عامر والشكرك علي
طرحك للقصايد الجزله اخوك ابو راشد ال ،،،،،،،،،،،،،،،،،،،،،،،، |
اخي العزيز ابو راشد اشكركم على مروركم الجميل وصح بدنكم وكل عام وانتم بخير والله يحفظكم
|
ياصاحبي دنياي ماجت على الكيف=شفني اصارع ميلها والعذابي شفني اصارع حره ولاهب الصيف=وزادت جروح القلب وكثر الصوابي ياعزتي للحال ومن حال ياحيف=راحو هل الفزعه وطال الغيابي من بعدهم ما ذقت لذه ولا كيف=وحزني سكن بين الضلوع ولجابي وقاسيت جرح(ن) يشبه لطعنة السيف=حتى زملت وخفت واخشى واهابي لو نسنس الذعذاع مع نسمة الطيف=ما كنه إلا شبه حلمن سرابي اسرح مع الهوجاس وارقى المشاريف=واكن ما بالجوف ولا احدن درابي يالله مخرج من الجذع لك لليف=ومن النخل تمر (ن) لذيذ(ن )و طابي ياجامعن بين القلوب المواليف=وعلى النبي منزل عظيم الكتابي يامنشين غر المزون المراهيف=وبرقن تقادح بالمزن والسحابي تبري جروحن بالحشاء هي مراديف=دايم معي في حضرته ما تغابي تعكر صفاء جوي وكل السواليف=يامعطي المؤمن جزيل الثوابي تفرج وتغفر كل مااخطيت واهيف=واقبل دعاء من شاب راسه وشابي وصلحت فنجالن على الكيف من كيف=ولا كل مجلس به تنوخ ركابي مما يشوفك شي لاتقول ياحيف=والحر مايسكن بوسط الخرابي لاتسب ولاتشم ولاتقول ياكيف=والله يحاسب كل سلبن واجابي وصلاة ربي عد رمل (ن) على السيف=على النبي صلوا صلاتن بادابي |
ياصا حبي والسر لصار مكتوم = كتمه ترى افضل لو يعقب حراره= وياطير وشبك بالسماء صار لك حوم= ما تعز من شالك وشيلك خساره= وعزاه ياعينن جفت حالي النوم= تسهر بلليله لين تشرق نهاره= من علتن في داخل الجفن وهموم= احيان ابهر دلتي فوق ناره= واحيان احس بكل ضيقه و مكتوم = واحيان ابي موضوع ولا انهي قراره= واحيان احس بظلم واحيان مظلوم= واحيان بي نشوة نشاط وسطاره= ناسن سعيد وناس شاقي ومكلوم= واللي مسك دينه وجود مساره = يرتاح لو بالبر و الضلع و حزوم = اعانه الله يوم نور بصاره= دنيا نفكربه ولكنها حلوم= ماقالوا اللي قبلنا به تجاره = كلن بها مسافر ونخشى من اللوم = وابحتاط عن حر الجحيم وحراره= والموت حق (ن)لا محاله ومحتوم= مار البلا حي( ن) تجرع مراره= موته ترى اقشر من حياته ومذموم= اللي خسر ثنتين وزاد انحداره= اللي عصى الله ما يوفق و محروم = محروم يوم الدرب ضيع مداره= لو طالت الدنيا ترى العمر مايدوم= وصلوا على المرسل بخير وبشاره= عد الرمل واعداد ما تظهر نجوم= |
قال الـذي عنـده سلـوم ومبـادي ماغير المبـداء والا احـدن يفـره ولصار ريموت (ن) بيـد العبـادي ريموت بحث ليا انتهى البحـث وره متربين بالعـز وركـب الشـدادي مــن ربعـتـن واقــول لله دره في نجد واسئل في جميع البلادي من ضاف حرب اشاد فعوله تسره خيـرن وشـرا للعـدو والمعـادي وبعض العرب يكثر هرجـن يكـره مغرور لو صـوت لشـره ينـادي مـا ينعطـاء وجهـن وذيله يجـره عده يشوف الناس بعينـه رمـادي مايفهم سلـوم العـرب لـو تشـره عاقـل ولاتهمـن كثيـر الـدوادي اصفح واعذر اللـي بلانـي بشـره الا ان تمادى جيت مثـل الجيـادي يعذرنـي الخالـق لكونـه وبــره وما يمدح الرجـال بكثـر العنـادي والعاقـل ان زاد الخطـا مايـقـره ياقف على رجـم السنـع مايقـادي ولايزهم الشيطـان بقولـن يشـره ياهيه قل لابنـك وخـذه انفـرادي يركد مـادام إن النفـوس استقـره ما ابغى وفاء لو راح مالي نفـادي وصل الرحم ياهيه ما اقطـع مبـره إلا المهونـه مـن يهضـم النكـادي رفيق لكـن هـو لا حقنـي بشـره مالي خشير الروح بالروح غـادي وين الضمير اللي خشى الله واقـره ياجاحدن للمال ومخفـي السـدادي ومال العفن لو هو تعـدى المجـره ما فاد شف حالـه وكـره العبـادي مالـن يعـز الرجـل وإلا يحـره والاخسـاره جمـع مالـك وكـادي وافرح وعيد فـي نهـار المسـره خل الشقى وافـرح نهـار العيـادي والله يحاسـب كـل مالـن تصـره الخلـق كلـه للفـنـاء والنـفـادي امـا نعيمـ بخيـر والا مـضـره امـا بيـاض بوجـه والا سـوادي وعلى الحجيج يضيع من اشياء ودره وماضـاع يلقـونه بيـوم التـنـادي مار التعجرف يوجـع الكبـد مـره والفوز بالطاعه وطيـب الفـؤادي لاتتعب الاجـواد بصوتـن تجـره كم دعوتن بالليل تقفي هجـادي وكلن يحاسب يـوم صوتـه يجـره وصلوا على المرسل رسولن وهادي [/frame][/QUOTE] ========== |
اكبر فجيعه عندنا مـوت سلطـان=وفجعتنـا فـي والـي العهـد نايـف ياموت لو شكلك على صورة انسـان=عـزالله ابنطحـك ولا انـي بخايـف ادافع عن الحكـام صقـرن وشيهـان=ادافع ولو راحـت حياتـي قصايـف مار البلا الرماي لصاب نيشـان=عزرائل ما يطوف ليا مر طايف يامـوت ياشينـك ولا انتـه بليهـان=حتى زعيـم القـوم تمـره وحايـف يالله عساهـم فـي نعيمـك وسكـان=وقبورهم خضراء به الـورد هايـف والله صدمنا موت نايـف والاعـلان=ولا ينوصف بالقاف ولا له وصايـف ماينوصف فرقى زعيمن وله شـان=ياما اخرس البدع بكل الطوايف ياما اخرس الشيعه ليا ثار بركان=لو مات نايـف باقي له ولايـف الرافضي واللي يحرف باالاديان =الله يشتت شملهم والزلايف وعز الحكم عن كل مغرض وعدوان=وعز البلد وابعد جميع الكلايف وصلوا على اللي كمل الدين ما انهـان=شفيعنـا يـوم الحشـر والكسـايـف |
http://1.bp.blogspot.com/-mYGdRmSWCv...f9da_alone.jpg
البارحه قالوا عسى ما تذكرت=عساك سالي عن جميع الهمومي ياناشدن عن حالتي لو تكدرت=ابشرحه كانك تسد للزومي وكانه حجي منك استبيح وتعذرت=ابعرض عن الموضوع واقفل علومي خلاص من جور الليالي تعلمت=وشفرت موضوعي بعدت رقومي ما كل من صافح يميني وسلمت=اعده صديق ومن عزيز القرومي عاشرت كم ناس ومنهم تندمت=الله يجير اللي يعاشر رخومي كبير شره لو غلطت وتكلمت =يشره ولايشره ردي العزومي عزالله انك خايبن ماتجملت=راع الرداء يشبه لجرد الهدومي لو غسله غسال والا تأملت = مايغير الغسال جرد الهدومي واقرا الخطاب اللي وصلك و تسلمت=بعدك ترى عيدن وقرب ثلومي وكانك تبي رد المعاني تؤلمت =اقبل وانا بحر القوافي اعومي |
ياليت مابه تغطيه عنـد هـداج=ولا يغطيه بث(ن) يزيـد انزعاجـه عما يقيض النفس والشوف ينباج=وأقطن على هداج بواسع فجاجـه والبيت مابه لمبة (ن) عنده سـراج=ونفطر على بر( ن) يصلح بساجه وش ضر الاول علمهم خوش منهاج= الصدق فيهم وابتسامة حجاجـه قلوبن توالف مابها غيض وعواج=والكل منهم صافين في مزاجـه واليوم في نعمه وبه خير وهـاج=بس الحسد واجد ودينك علاجه ونوع الماكول مع قشطة التاج=والتمر بدل بين فستق وباجه ماغير اوضاع العرب يابن فراج=وضاقت عليهم مثل عنق الزجاجه كثر التباغض والوشايه وهراج=الجار مايزورك و عده خواجه يصد عن جاره تقل خايف احراج= خايف من الواجب ولو هي دجاجه لله در الطيب لو صاحبه داج=مايسهج الواجب وعيب(ن) سهاجه ماهو شبيه اللي صعد رؤس الابراج =اللي صعد بالكذب غبار(ن) عجاجه ويالله يارازق ضعيف(ن) ومحتاج=رزقك ولانطلب من الخلق حاجه |
ياشوق انـا ممـا جـرى منـك تعبـان=وراك غـامـض والحبـايـب يـبـونـك مــدري كــذا وإلا تـغـلاء وزعـــلان=اغليـك مانـي مثـل مـن يجرحـونـك اول حروفـك جــو هــادي وبسـتـان=واخر حروفك به رعـد مـن مزونـك هــذي ثــلاث ايــام غـايـب ولـهـان=ودي برمشـن سلهمـت بـه عيونـك لاتتـرك المحبـوب جايـع وعطشـان=ولاتهيض الاشواق بكثرت شجونك الحـب مثـل النـوم غالـب وسلطـان=دشـن غـرامـك واغرقتـنـي فنـونـك |
والله اني من خبـر تالـه بحالـه= والجريمه شنعه وافعاله عظيمـه= والعماله هم غـزاة بكـل حالـه= حسن التعامل ماله مردودن و قيمه = الشعوذه والبوق من طبع العمالـه= حسن النوايا عندنا ليهـم سليمـه = نحسن النيه وترى اغلبهم حثاله= مابهم معروف ولا قدرن وشيمـه = احذروهـم كلهـم بيـات حالـه= قبل المصائب لاوقعت منهم وخيمه = تكرمه ويجزاك في شـرن بدالـه= وبنفوسهم حقد لنا الله هو عليمـه = وادعي الخالـق بعـزه والجلالـه= يرحم الميـت ويجـزاه بنعيمـه = ويجبر اهله كلهم في فقـد تالـه= وتبري جروحن من فعول الليمـه = من سواة الخادمه جعلـه وفالـه= في لظى عظامه توقد في جحيمـه = تقدم على فعل الكوارث ماعبالـه= ما خافت الله مابها دين وعقيمـه = ودك تعزر قبل ما تذبـح جزالـه= من دون ذنبن يوم تفعل له جريمه = اشهد ان الغـي فيهـا والجهالـه= مجرمه ماله عـدو مـن غريمـه = |
تبي الحقيقه واسمعه ياريش العين=لو الحقيقه قل من هو قبلها كل الذي معنا على الطيب والزين=ولا فيه نفس الا اجازى بعملها واللي على وجه البسيطه مقفين=هدت بيوتن عامره هي واهلها اقفت بهم سود الليالي الى وين=ارواحهم راحة لربن خلقها ولاينفع الا الدين ينجيك بعدين=والدين قاس الارض يلين سهلها وحنا بثرهم يا غناتي مولين =والنفس مادامت ادله ولها وروحي عساها بجنة الخلد وامين =واللي عصى الله في حياته اكلها مفلفل كلوها قصب ماهم براضين=والله حكيم و كل خلقه عدلها |
لاضقت انا ماللسعاده مجالـي=ولارقة طشيت الهموم ورميته الضيق كثره يرهق ايات حالي=خلوني اسلاء كل شين نسيته ولاتامن الدنيا وسود الليالي=لو كنت شامخ والشواهق رقيته واحرص على العاقل كريم السبالي=له خوتن تشراء ليا من خويته ولا تعاند الجاهل كثير الجدالي=ينبح حلقك ما انتصفة وقويته ولاتقول شف هذا قريبن وخالي=نوب البعيد يعز لو مانخيته ولا تشيل حقد وخل عندك امالي=ولاتجاوز المحدود لو مابغيته والله ترى الخالق من اول وتالي=خل الخلق لا اللي رأى مارايته ودنياك فيها من التجارب جزالي=والسر نوبن ينكشف لو كميته ولازم تشيل الحمل مثل الجمالي=والعاليه تسعد لمن رقيته وخلك امين ولا تصير اتكالي=ولاتقول ابضرب كل دربن نويته له عاقبه لو هي مناصب ومالي=والخيره ما اختاره لك الله رضيته والصمت حكمه عن كثير السؤالي=وبعض السوالف لا سالوا قل نسيته ترتاح عن ظلم البشر والظلالي=ترتاح لو باليوم خبزه كليته ودوهي لوضح الذود وشعل الجمالي=وخلك بصحصاحن لو ما احتميته ما بالخلائق رجل قالوا كمالي=الكامل الله يعسى ما عصيته ولاتطلق عنانك وترخي الحبالي=والنفس جوده بحكمه نهيته |
ارجوك لاتطعن ظهور المقفين=طعن المقفي عيب واكبر معيره ناحر لخصمك وطعن بسيف رمحين=مايلحقك لومن ولو هي كبيره الغدر ماهو من صفات الوفين =ولا هو شيم بطبوعن و العشيره انهض مقامك عن جلوس الرديين=لايغرك كبار الهروج وصفيره ناسن على ما قيل بالحيل فاضين=لاشافو الصامل وسمعو هديره جربوع لليلأ يلحقونه بزارين=نوبن يصاد ونوب يفخت مسيره ومن صاحب الاجرب تراء اعداه بالحين=لو ينطلي تبقى المعالم حقيره السبت يقفاه الاحد ثم الاثنين=وفحص كلامي وسط مخك وديره ان جازلك هذا مرادي على الزين=وما قبلته ما جبرتك و خيره ولاتصب بيتك والقواعد من الطين =لازم عليه مهندسن تستشيره |
الحـب عــذب مــن بقلـبـه شجـاعـه=يـطــش راس الـلــي قـويــن عــنــاده كـم شيـخ قومـن لاعـه الــود لاعــه=صــار السـهـر وقلـيـل الـنـوم عــاده بـالـذات لاذاق الـجـفـاء والقـطـاعـه=صبره قضـى لـو فيـه عـزم وجـلاده للصـبـر مابـاقـي مـعــاه استـطـاعـه=لــو كـــل يـــوم يـــروح يـــم الـعـيـاده مايكـشـف العـلـه خـبـيـر الاشـاعــه=وعلاجهـم مـا شـاف منـه استـفـاده وان شاف محبوبه ولو ربع ساعه=عــادة لــه الصـحـه بشـوفـة مـــراده الــحــب مــايــاوي ولالــــه شـفــاعــه=قـلـيـل مــــن ذاق بــهــواه الـسـعــاده العـشـق عاصـرتـه وعـنـدي قنـاعـه=انــه عـسـل لـلـي صـفـاء لــه وداده حــب (ن)تـحـس بـلـذتـه وإلتـيـاعـه=مــات وعـسـى حـبـن بـقـى لـلابــاده خـلاص راح الحـب صـفـط شـراعـه=قفـى وانـا قفيـت مــا بـغـى الاعــاده |
شوشليـن ضايـق(ن) وده يتـسـلا= يبـدع القيـفـان ويـصـوغ المعـانـي = مـحـتـرم نـفـسـه وبـخـلاقــه تــحــلا= يفـهـم العـاقـل ولايـطـيـع الـهـدانـي = يكـره اللـي مـا سجـد معنـا وصــلا= والكـفـر قــوم(ن) ولافيـهـم امـانــي = والوليـف اقـفـى ومــن خـلـه تـخـلا= والغنـي حـبـوه ربــع(ن) مودمـانـي = والـــســـعــــاده راح ثــلــثــيــنــه وولا= وش بقى ياليل من جرح الزماني = الـسـحــابــه مــمــطــره وإلا تـــجــــلا= محتسـي للوقـت فـي عـز وهوانـي = لــــو يـرحـبــي زمــانــي ثـــــم هـــــلا= عارف ان الخلق لو تسعد تعاني = اتــســلاء بــصــوغ قــافــي واتــمــلا= والـسـعـاده طـاعـتـه والـكــل فـانــي = |
قالوا علامك يالحويفـي حزينـي=متغيرن مانتـه علـى خبرنـا اول لعل ماجـارت عليـك السنينـي=جرد السنين القشر قامت تحـول يالله عسى المولى عليها يعينـي=بعد الحبيب إلي غيابـه مطـول عضيدي إلي بالمواقـف يبينـي=ماشفت يوم نشيع الجمع ضـول فارقت انا البسمه ولوجت تبينـي=وحسيت بالفرقى بصدري تسـول عندي يسار ايدين ماهي يمينـي=هرجي صحيح ولانقـول المقـول والله لـو لا خوفـت الله بدينـي=لاأصيح لو قالوا علامـه مهـول عليـك يامحمـد تزايـد حنينـي=لو جابـو الشيكـات وإلا نمـول وخلوني امشي بالمواكب عرينـي=حزين لو أعطى الاوأمر واخول يكثر ماسولف وضـاق القرينـي=لحالي واحس اشبـاح وإلا تـزول حتى القرابه مابهم مـن يجينـي=من همي امشي بالخلاء وأتجـول خلاص يادنيا افجعـي وافجعينـي=مغرت الاشخـاص قامـت تفـول والله يعين الموق ورموش عيني=بس أسكبي من صافي الدمع الاول ولاقبل حيـاة الـذل لاتظلمينـي=منزل وانا ارقى للمعالي تقول لو لانو العربان والله مـا لاينـي=على الهدف لاأشوت ولا اقول فول |
يازين ياحلوك وياخف دمك=لياهرجت من الجسد تنزع الروح اليا امتزج هرجك وضحكك بفمك=اوتار صوتك تمزجه ضحك ومزوح ويرق صوتك واصغي السمع يمك=والفكركله يلحق السمع ويروح جم الجمال ارحم غريق بجمك =القلب مما ياسع السمع مجروح لمحت لمحه منك وزاد همك =نضرت والمغطى عن الخد مفتوح لولا الحيا والخوف والله لاضمك=كلك يابو غره لها بالنضر بوح لا وهني اخوك وابوك وامك=اللي مامنهم واحدن منك مذبوح |
قلتـي وهيضتـي هــل الشـعـر بلـحـون = يـالـلــي كــلامــك فــيــه ذوق وطـــــراوه = ترى الحمام للحونهن مصدر شجون = يـامـرحـبـا مــــن كـــــل جـــــد وحــفـــاوه = عسـى الغـلاء والــود بـاقـي ولاتـهـون = مـتـرابـطــن يـســكــن بـــــراس الــنـــزاوه = عـســاك فـــي خـيــرن تـربــع وممـنــون = كـلــك عـلــى بـعـضـك رهـيــب ونــقــاوه = لك وصف ما شفته مع اللي يمرون = قـلـبـك رزيـــن وفـيــك ثـقــل و هــــداوه = بـعـدك عــذاب وقــرب مثـلـك يـسـلـون = يـاجـامـع اسـلــوب الـحـظــر والــبــداوه= |
طبعن انا احبك وانا اغليك واهواك=واحب لاسلهمت في رمش الاعيان و كلك على بعضك احبه وممشاك=وتفداك هي روحي ولاغيرك انسان وأحن لا شفتك وانا ادور رضاك=وارضى ليا شفتك ولو كنت زعلان وإنسى همومن داخلي وانت ما انساك=يامالك شعوري والاحساس هيمان اهيم في حبك وطيفك وممساك=وقلبي احتواك بكل لحظه ولهان سبحان منهو خالقك ثم سواك=ابدع بخلقه عالي الشان سبحان سبحان ربن كمل الوصف واعطاك=ياعين من يشبه لحرن وشيهان يامخلف قلوب المحبين وش جاك=تبعد وتتركني من البعد عمسان ماتدري ان قلبي معك ماتعداك=يدق قلبي مع خفوقك وجزان وجزت عيوني نومها يوم مسراك=عيني جزت ما انام ساعه و سهران تعال دقق داخل الصدر مرباك=بين الضلوع العوج اضمك على شان من شان اهليبك وارحب وحياك=وقربك واحاسيسك بنبضي وشريان واخذت عهدن ثم عاهدت ما اشناك=لو عشت في جوفي ترى ايام وازمان |
يارشيد خذني في شراعك ليا جيت=بالله طربي في شراعك دقائق= شلني عن العالم وعن ضجة البيت=ابشم طيف الجو واكون رايق= الصدر ضاق وضاق صدري ونيت=ما ارتحت في دنيا التعاسه وضايق= شفني إلحن وابدع القاف غنيت=ماني ترى سالي ولاني افايق= من قلة اللي له اسير وسجيت =مجالسن ماني له اليوم طايق= ما عندها الا القيل والقال مليت=رفقة مصالح بين خاين وبايق= عزالله اني عندهم ماتسليت =قلة الصحيح اللي بصدق الحقايق= وافرح ليا شفت النشاما وهليت =ما امل لو عندي مشاغل وعايق= ويارشيد وافي بالرفاقه وفيت=واهلا هلابك عد مزنن وسايق= وعلى النبي كلن يصلي وصليت=ولسيرته سيرو بكل الطرايق= وصلاة ربي عد من طاف بالبيت=على شفيعن يوم نار وحرايق= |
إزعل على كيفك وترضيك الايام = لصرت ترضى وتزعل بكيقك = انا عطيتك حب واهديتك وسام = ولا اجيك بجيشن لو تلوح بسيفك = ولا اني غبي صدك تبين من العام = ومجربن حرك وبردك وريفك = وانكفت من عقبه وانا عجل وشمام = من دون سبه لو ذبحتن بطيفك = ما والله ارجي من تباعد و قدام = ولا احني له الهامه ولا اخضع يا حيفك = عزيز نفسن كل ما قلت جزام = ودعتك الله وانت دور وليفك = والفرق واضح مثل رؤياك واحلام = وعسى تهنى يوم تاكل رقيفك = وكلن يجيه الرزق صاحي ومن نام = والرزق عند الله مقدر يضيفك = مكتوب عند الله وخطته الاقلام= وشوله اصارع سمومك وشيفك= لصار شوكك ناب سمن وهو وسام= ارتاح منك ومن سمومك وصيفك= |
جمرك طفى ولاأني محرث رماده=الله معافيني ولالي بعوجاك كانك بخير الله يزيدك سعاده=ولا باكين بعدك وموتك وفرقاك ومن زل له ربن يحاسب عباده=اللي خلقنا من ترابن وسواك واحذر من الدنيا وحرب الاباده=والكبر غر ابليس قبلك ودهواك ولا اقبل عليك الليل وادنا سواده=علوم النهار تروح من كل نماك وصارع هموم الوقت بصبر و ركاده=ورد السلام وكرم الضيف لجاك وكلن يريد وعند ربك اراده= وغلطت بحق اللي عنا يوم ينصاك وراع الوفاء ماهو بحاجة شهاده=يضحك حجاجه لين تضحك بحجاك والطيب فينا من قديمن وعاده=من الله جميع اللي تشوفه ابيمناك احرص وخذ مني جزيل الافاده=تخسر ولا ترتاح لا كثرو عداك |
قالوا علامـك كـل يـوم (ن)مسيـار=مـع التقاطـع وإتجاهـك شمالـي ياللي تراقب مشيتي وإنـت محتـار=ابريحـك عـن باقيـات السؤالـي أنصى قطيعن خالطه ضان وجفار=وكثر الشقاء يتعب ولو هو حلالـي ولااهو بعيب (ن) يوم اترجم لـي أفكـار=يمكـن يحالـف حظنـا للعـوالـي وماجور من سبل قليبه والابار=ولايعيب سقي الماء لطرش المفالي الله كريم وحكمتـه فيهـا الأسـرار=رب علا فـوق المخاليـق عالـي يسمع دبيب النمل في ظلمت الغـار=يالله تكفيـنـا شــرور الليـالـي يامتعـب لسانـك والأقـدام سيـار=يامولـع الفتنـة بشـد الحبـالـي كلن بعقلـه راضيـن مابـه إنكـار=ولانتـه علـى ذريـة آدم وكالـي والنعم فيهم هم طولين الأشبـار=بنـي تميـم مشوربيـن العيـالـي أرحـام وأنسـاب وعـز ومقـدار=وأفعالهـم عـدن قراحـن زلالـي هم مكرمين الضيف ولاضاموا الجار=وشالوا حمولـن ماتشيلـه جمالـي وخلاف ذلك مايعرفـون الأعـذار=كم واحـد سـدوا لزومـه بحالـي الحارة اللي كل ربعه هـلا الكـار=أفعالهـم غصبـن علينـا تقـالـي وانا من اللي حاربو كل الاقطار=ماقهقره نطح الملاقى وخيالي خذ صامل(ن) بالعلم والا انت ثرثار=جاك القليل وعندي اكثر ابالي وكل القبايل فيهم رخـوم وأحـرار=ولا هفي حقوق الناس والقدر عالـي كم واحد ضاري على الطيب صبار=والبعض من فعل الكرم به جفالـي والبن لو يبذر على شـط الأنهـار=الكيـف مـر ولاتغيـر بحـالـي تجلا العماس مفوحاتن علـى نـار=ياحلـو زلتهـن بصفـر الـدلالـي في مجلس كلـه سواليـف وأخبـار=خالي مـن الغيبـة ونـاس حثالـي وصلاة ربي عـد ماهلـت أمطـار=أو عد حصون دحرجتـه الجبالـي أو عد غصن مخضرن وسط الأشجـار=على الرسول اللي من الحقد خالـي وهذا رد الاخ العزيز والرائد / رشيد محمد المانع
ياماحلا عند الحويفي علـى النـار=ريـح العويـدي فايحـن بالدلالـي مع تمرة حلـوه دبسـه اليـا سـار=يشبه عسل سـدر بعـال الجبالـي ونجر دنينه مجذب الضيف والجـار=هـلا ومرحبـا لاسمعتـه يـلالـي أقلط تفضل أنـورت فيكـم الـدار=خفيف نفس ويسعـده كـل غالـي وزين السوالف والتعلـل والأخبـار=مع مسند العامـر يـزودن بحالـي مـن جـاه حيابـه وعـداه للكـار=يفرح ويستانـس ليـا جـاه غالـي عده ملك لنـدن جميعـه والأقطـار=لاحل عنـده مـن قـروم العيالـي لاجـاه ضيفـان ولاجـاه خطـار=دسـم شواربهـم سمـان جزالـي أكرمهـم الماجـود عـز ومقـدار=يبي الكرامة مـن عزيـز الجلالـي لوجه الكريم ولابغـى زود دينـار=ماهمتـه سمعـه ولا هـو بسالـي ماهو من اللي فعلهـم كلـه قمـار=باطل علـى سـاس هيـار هيالـي نزه يمينه عن قصيـرات الأشبـار=مادنسـه للقاصـريـن الحثـالـي علا مقامه مارضـى فيـه ينهـار=شـام وتعلـى للعـلا والعـوالـي وأنا أفتخر به في تماثيـل الأشعـار=حرب خوالي وهـو مـن خوالـي حرب اليا ثارت دخاخيـن وغبـار=حامـوا ولاخلـوا للأنـداد تـالـي يذكر فعايلهـم تـرى كـل ذكـار=مانجحـد اللـي بينـتـه الليـالـي وكل القبايل له بطـولات وأخبـار=مايخفـي التاريـخ فعـل الرجالـي نشهد لهم لو هم ورى شط الأبحـار=صولات يشهـد لـه قديـم وتالـي والختم صلوا عد تغريـد الأطيـار=أو عد ماسـاق الهبـوب الرمالـي على الرسول اللي هدى كـل كفـار=بأرض الجزيرة عن دروب الضلالي |
الشاعر الكبير والمعروف حمود حجاب الحنيني الحربي حفظه الله
الجيب يامسند قضالي لزومي=اللازم اللي فيه بالحيل مجبور وجبته عسى عمرك يطول ويدومي= وتبقى لنا ذخرأ من الكنز مذ خور ياطيب الرفقه سليم السلومي =يابن الحويفي ياسند كل معسور ولايدرك الطوله ردي العزومي =والثور ثورأ من طلب فزعته ثور والا أنت حر (ن) للمعالي تشومي = جعلك يابو عامر موفق مشكور ================================================== = اشكر الشاعر حمود حجاب الحنيني الحربي على القصيده والنعم وافي ولا عليه قصور ورديت عليه بقصيده حيث انه شاعر متمكن وانا من تلاميذه وانا ما فعلت الاالقليل ولكن الطيب يشق خاطره الكلمه الحسنه وجزاه الله خير من طيب معدنه
يامرحبا ياحمود وقت للزومي =مانذخر الوقفه ليجالها دور أشارك ربوعي بكل الهمومي= وأفرح لهم بالعز واقول مسرور ولا أوأخذ الغلطات وبعض العلومي=واعدها ياحمود ريحان وعطور وربعي معاهم ماتثنت عزومي=أقف معاهم طوال الايام وشهور وانتم هل العادات ربعن قرومي=بانت مواقفكم مثل ساطع النور والناس ماتميز بوسط الهدومي=ولا أني على المرضان مسلط ودكتور وابو حجاب ألي قوي العزومي=تسلم وسلم لي على كل ممرور وصلاة ربي عد حصو الحزومي=على النبي ألي له الذنب مغفور |
ارجوك حن لصاحبك لو تكرمت =فسر لي الموضوع واقول مشكور انا ترى من كثر ما اصدم تألمت=اخاف من الطيحه ليا طحة مكسور اذكر ترى مريت مره وسلمت =ما رد ومسامح حبيبي و معذور قلة اتجاهلها ولو ما توهمت =ويازين شم الور د لصرت مسرور اخذت كور س في حياتي وتعلمت=واسمك نقشته في حشاء الروح محفور انا فهمتك لو بعد ما تكلمت=يادرة الغواص في جمة بحور اضيع في حسنك ليا من تأملت=كني صويب او مثل من صار مسحور من نظرتك هرجي يضيع وتبلمت=ارحم رحمك الله ترى اصبحت مخطور انا الجريح اللي صبرت وتعزمت=باخر رمق عزمي تهاوى ومعثور ارتاح لا شفتك ضحكة وتبسمت=لاتضلم اجوانا عقب ساطع النور حبن رقى لنجم علم او تحلمت =هذا بلاء العشاق من عدة عصور ياليت طعت الراي فيهم توسمت=قالوا ترى هب الهواء دايم يدور ومن ينقذ الغرقان بالحب لاعمت =خطرن هواهن لا انحصد كل مبذور |
ارجوك لاترجي وصالي ولا ارجيك = النفس طابت عقب ما قلة لي وين
ومليت من شوفك وحبك وطاريك = تجهل شموخ اهل الوفاء والمحبين وش عاد مايغرن دلاالاك واداريك = بعدك غنيمه للحشا وناظر العين والله يلعن ساعة( ن) شفتها فيك =انا اشهدنه جابة الهم والبين مالك ولا لك ملتن لو نصافيك = مثل الزحالف وابترام الثعابين الزين ماهو زين خلقك وأشافيك =الزين بالاخلاق والطبع والدين وشمس الحقيقه بينت هي مساويك =وانا احمد الله قبل عقد المضامين ابعدت عن حبك وانا اليوم ناسيك =حبك غلط واسمع من الان و الحين حبل الكذب لو طال مسراه يغويك =لو طال مكشوفن على الطول ويبين وانا ليا شفت العطش في مضاميك = اشلع كما تشلع طيور الشياهين يوم اختلف طبعك وشانت مباديك = حبك نسفته باللغم و المكامين |
ترى الغلا ثابت على طول الأعوام= مايمحي لو راح راعيه. واقفى ماغيره طول الليالي والايام=شف السفن تبحر وترجع لمرفى ذكراه لو مرة مثل طيف الاحلام=ذكراه تبري كل جرح )ن). ويشفي أحيان ينتابن ترى احساس والهام=مثل السراب اللي مغره ومهفى دورات دنيا تبترم مثل الاوهام=قليل شخص( ن) في حياته. تعفى نهايته قشرى ترى نهايته خام=والحي يلحق من سبقه وتوفى لا و هني الطير بالجو لحام=لضاق يشهر بزرق. الريش. رفى والا المعالي ماهي اسم( ن) ولاوسام=شيخ ( ن) قدى للطيب مصدر ومضفى وياما سريت الليل والصبح مجهام=من شان اعز النفس عن قول تكفى و العفن لايدهشك زوله وهندام= يشبه لبيرن) غايرن ماه واصفئ |
البارحه يوم اسود الليل غطاء =رؤس الجبال الشامخه والسهولي يوم ان نام الهيس نام وتغطاء =جريت ونه من تعنى وذهولي قمت اتذكر كل بحرن وشطاء=واسرجبي الهاجوس مثل الذلولي وكبدي تقل فوقه حمولن توطاء=وعيني جزت من نومه لو تقولي لجيت انام الهم جاني ونطاء=وابهدي الموضوع بيت حلولي واسهرت من حولي بشيلن وحطاء=ابخفف همومي وبعض الحمولي واصبحت مثل اللي يحوم وتعطاء=لا اصبح عليه الصبح همه يطولي كم حاجزن مره سريع وتخطاء=مما بقلبه من همومن تجولي بعض الهموم اللي كم الكف لطاء=خلتني اصبح مثل طفلن زعولي اكبر اماله هو حمامن وبطاء=تكفون شوف حالتي و افطنولي من قبل ما ادفن بالمقابر ووطاء=ولا احدن يواخذ زلتي واسمحولي ولا احدن يلوم اللي جروحه تسطاء=عجز يحقق مايبيه ويطولي |
لـولاي اقـاوم كـل همنـي يجنـي=واصبر على جور الزمـن واتحمـل لا أشق ثوبـي بالخـلاء والبطينـيي=ياللـي تبـرق فـي زمانـك تأمـل يتعب صميم القلب ورجل (ن) رزيني=ودك تسـوي خـيـر وإلا تجـمـل تطيب وترجع من عناهـم حزينـي=كلـن يقـول ويدعـي انـه مكمـل حتـى الفـرح بالعيـد مايحتوينـي=وشلـون ابفـرح والسعـاده تشمـل ضاق الفضاء فيني وعـدي سجينـي=ينظر فراجـه ليـن جرحـه تدمـل ولا اقول غيـر الله عليهـا يعينـي=ويروف في عمري ليا اقفى و سمـل |
الساعة الآن 04:01 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir