=بخيتان البشري
يامن لكم عندنا مقـدار=يابو مُنى ياعريب جدود
سلام يمشي لكم بوقار=ياصلك معه الوفا ممدود
=وليف الشوق
ترحيب ياحر نسل احرار=دايم على النايفه موجود
راع الوفا ما عليه غبار=شرواك فيه الوفا مشهود
=بخيتان البشري
الطيب منبع لكم وشعار=يأهل الوفا ماعليكم زود
هيا إستمع نشرة الأخبار=وأفيدنا في خبر مسنود
=وليف الشوق
أنا معك لآخر المشـوار=حتى نصل غاية المنشود
هات المعاني ولا تحتـار=وإحنا معك نبذل المجهود
=بخيتان البشري
هذا العشم فيك يابيطـار=دايم على خُبرنا المعهود
اللي رسم داخل الإطـار=صورة لقي أصلها مفقود
=وليف الشوق
أحترت والفكر مني حار=المسألة حبلها معقـود
هل ريشته رسمها تذكار=والا أصلها للمكان يرود
=بخيتان البشري
البث فارض عليه حصار=بالمختصر تحتويه قيـود
ماجاب تفصيل عن ماصار=وكالته في نمط محدود
=وليف الشوق
حسب الذي فالوكالة دار=اللي علا وأعتلى محسود
والأصل يبقى لو الأنظار=في رسمته شوفها مشدود
لابد يلقى خبر لـه سـار=اللي رسم لو عضتّه بنود
وختامها نطلب المعـذار=لو ما وصلنا بك المقصود

المشاركة الأصلية كتبت بواسطة الحب الباقي (المشاركة 1297540) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة ماجلان (المشاركة 1297542) ابو محمد وابو منى وحرف رائع مليء بالشفرات السرية وين الاستخبارات عنكم على العموم استمتعت بمروري وكل عام والجميع بخير

المشاركة الأصلية كتبت بواسطة ابوراشد (المشاركة 1297543) ماشا الله عليكم ابداع رائع لكم مني الشر والحترام

المشاركة الأصلية كتبت بواسطة الاستاذصالح الحربي (المشاركة 1297545) المبدع لايطرح إلا إبداعا ,, صحت السنكم جميعا وبيض الله وجيهكم اخوي القدير والراقي والمتميز ( بخيتان البشري ) والقدير والراقي والمتميز ( وليف الشوق ) ابيات رائعة ربي يعطيكم العافية لكم شكري الجزيل على الطرح العطر والمميز والجميل ,, مع بالغ الود والتقدير

المشاركة الأصلية كتبت بواسطة برجس (المشاركة 1297560) هنا تجلى الابداع .. تقبلا مودتي ... برررجس

المشاركة الأصلية كتبت بواسطة الفـــــارس (المشاركة 1297566) صــحت الالســـن لحن اكثر من رائـع لاهنتو وبيض الله وجيهــكم تقديـــــــري واحترامــــــــي