علي عيد =
سلام مرسول بالجوال = ينصى الذي قدرهم عالي
من طيب طيبه جويد الخال = بخيتان دايم على بالي
بخيتان البشري =
ترحيب يستقبل الإرسال = اللي لفى منك يالغالي
ياللي لكم عالي المنزال = لو زلت انا 0لك مايزالي
علي عيد =
تبقى وللوافية مدهال = بالفعل يانسل الابطالي
اعاني الهجر والاهمال = من حي هجره لنا طالي
بخيتان البشري =
انتم واحنا قروم رجال = بفعول ماهي بالاقوالي
ما ارضى عليكم بهذا الحال = وعن السبب فك الاقفالي
علي عيد =
اللي غيابه عليّه طال = محتار واشغل معه حالي
عنده مفاتيح للأقفال = وهذا الذي سبب اشكالي
بخيتان البشري =
لا يزيد فيك إنشغال البال = إسمع معي واتبع التالي
من غاب عُذره معه مازال = لاتقول خلبط لي احوالي
علي عيد =
فكري معه راحته ما نال = ياللأسف بس مايبالي
سليم قولك وعقلي قال = لاعاد تشقى ولا تبالي
بخيتان البشري =
حظك رسى بعد صال وجال = وحطك مع النفس فجدالي
ومايترك جماله الجمال = لو كان تعطي خلا خالي
والعقل تقدأ به العقال = وتميز المُر والحالي
والعقدة اللي لها حلال = دوامها صعب ومحالي

المشاركة الأصلية كتبت بواسطة الكحيلة (المشاركة 1295243) صح الله السنتكم على الابداع وانتم اهل الابداع لاغــرابة

المشاركة الأصلية كتبت بواسطة حامد بن حماد الصبحي (المشاركة 1295245) تسلمون على هذه الدرر الثمينه بدع ورد لاعدمتكم ياالغالين

المشاركة الأصلية كتبت بواسطة مشارك (المشاركة 1295394) صح السنتكم شعارنا دام ابداعكم وتواجدكم يالغالين

المشاركة الأصلية كتبت بواسطة ابوراشد (المشاركة 1295459) الله الله ماشا الله عليكم الله يعطيكم العافيه تسلمون على جزالت الكلام لكم مني الشكر وتقدير

المشاركة الأصلية كتبت بواسطة الحب الباقي (المشاركة 1295411) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة ماجلان (المشاركة 1295512) ابوعيد وابومحمد صحت السنتكم وطابت معانيكم وايامكم وكل عام وانتم بخير