|
1946 واستسلمت للضيم لوهي حزينه محلول من قبل عشير النشاما صح لسانه
السلام عليكم ورحمة الله وبركاته
أسعد الله جميع أوقاتكم بالخير والسرور, هذا اللغز للشاعر سويلم بن مسعد الصبيحي: أرجو أن يحوز على رضاكم
ابنشد الي ماتجي شوفته خلف = عن بنت في رجال تحشر سجينه مخنوقتن بنياب صلبه تقل شلف = بحيودهن تنقاد مثل الرهينه من جوف حاملها سقوها سقي صلف = في راسها ينشاف للضيم عينه السلام عليكم ورحمة الله وبركاته. وبعد نظرا لبعد الرمعات السابقة عن الحل قام صاحب اللغز بتغيير الشطر الاخير من البيت الاخير. هذا ولكم أجمل تحياتي |
اقتباس:
صح لسانك يابوفهد وصح لسان الشاعر سويلم وسلم لي على سويلم الحقيقه مشتاقين لالغازه الرايعه ابوفهد لى عوده على الغز انشا الله |
رمعه على الطاير
الكرونه وسط الدفرنس |
صح بدنك يابوهليل وسلامك ياصل ان شاء الله:
وهذا من طيبك وطيب اصلك بيض الله وجهك: اما الرمعه : خيرها بغيرها |
ابو فهد الحربي صح الساك والسان سويلم ممكن الرقعه والاستك والمكنه تمسك الرقعه
|
طيب وش تقول بالمروحه والسير
انا ماني طالع من السياره |
ابنشد الي ماتجي شوفته خلف = عن بنت في رجال تحشر سجينه مخنوقتن بنياب صلبه تقل شلف = بحيودهن تنقاد مثل الرهينه من جوف حاملها سقوها سقي صلف = واستسلمت للضيم لوهي حزينه عليكم السلام ورحمة الله وبركاته يسعد مساك يابوفهد ومساكم جميع صح لسان صاحب اللغز وتشكر على الطرح الرايع رمعتي لو هي من غير تركيز ،، وش رايك بالمحاله اللي تركب على النواعير النواعير خشبتين متخالفات تركب عليها المحاله والرشا من فوقها يسحب بها الماء من جوف البير واذا دارت المحاله يطلع لها صوت مثل صوت الحزين |
السلام عليكم ورحمة الله وبركاته :
ابو فهد صح لسانك ولسان الشاعر سويلم وبارك الله بكما جميعاً والغز محبوك بحرفنه وشرايك تكون( مكرة ماكينة الخياطه داخل الماكوك) ولك تحياتي وتقديري. |
او مكرة الشريط (الكاسيت) في اعلاه حديدتين كنها انياب يتم فيه التثبيت عند تشغيل الشريط
|
صح بدنك ياغدير وبيض الله وجهك:
الرقعة والمكينه مالك لوا |
اقتباس:
وابعد عن السيارة |
اقتباس:
وأشكرك على عباراتك الجميله, والرمعه مالك لوا يالغالي |
اقتباس:
الاخ الكريم ابوعبد الله عليكم السلام ورحمة الله وبركاته أسعدك الله في الدنيا والآخرة وأشكرك على عباراتك الجميله, الرمعه مالك لوا |
اقتباس:
وأشكرك على عباراتك الجميله, مكرة الشريط مالك لوا |
ابوفهد
اسعد الله مساك بالخير صح لسانك وبيض الله وجهك على ما قدمت وصح لسان الشاعر سويلم وش رايك في ( الشوكه الي تركب في رتل الدركتر ) |
ابنشد الي ماتجي شوفته خلف = عن بنت في رجال تحشر سجينه [/quotمخنوقتن بنياب صلبه تقل شلف = بحيودهن تنقاد مثل الرهينه من جوف حاملها سقوها سقي صلف = واستسلمت للضيم لوهي حزينه ابو فهد مسأك الله بكل الخيرات وشرايك تكون( ابرة ماكينة الخياطه) ولك تحياتي وتقديري |
اقتباس:
ونقول الطلقة داخل سبطانة الرشاش او سعفة المسدس |
اقتباس:
الرمعه مالك لوا |
اقتباس:
الرمعه مالك لوا طال عمرك |
اقتباس:
الرمعه مالك لوا |
اقتباس:
نقول الؤلؤة في الخاتم اوي حجر كريم مثل الالماس وهي تسمى بعد ماتركب با لفص والبعض يطلق عليها الفاروزة |
نقول البنت >> حذوة الفرس
والرجال >> الحافر كذلك رمعتين احتياطيّات وانا والله في هاذي مدري وش رايك بالكلبشه الربابه وقوس الربابه |
السلام عليكم ورحمة الله وبركاته :
ابو فهد مسأك الله بالخير والسرور وشرايك تكون( نار جهنم) أعاذنا الله واياكم منها. ولك تحياتي.. |
اقتباس:
السلام عليكم ورحمة الله وبركاته. وبعد نظرا لبعد الرمعات السابقة عن الحل قام صاحب اللغز بتغيير الشطر الاخير من البيت الاخير. ليصبح = ( في راسها ينشـاف للضيـم عينـه ) هذا ولكم أجمل تحياتي |
اقتباس:
السلام عليكم ورحمة الله وبركاته. وبعد نظرا لبعد الرمعات السابقة عن الحل قام صاحب اللغز بتغيير الشطر الاخير من البيت الاخير. ليصبح = (في راسها ينشـاف للضيـم عينـه) هذا ولكم أجمل تحياتي |
اقتباس:
الرمعه مالك لوا السلام عليكم ورحمة الله وبركاته. وبعد نظرا لبعد الرمعات السابقة عن الحل قام صاحب اللغز بتغيير الشطر الاخير من البيت الاخير. ليصبح = (في راسها ينشـاف للضيـم عينـه) هذا ولكم أجمل تحياتي |
رمعه يابوفهد والله مادري عنها
وش تقول بالتوادي |
ابنشد الي ماتجي شوفته خلف = عن بنت في رجال تحشر سجينه مخنوقتن بنياب صلبه تقل شلف = بحيودهن تنقاد مثل الرهينه من جوف حاملها سقوها سقي صلف = في راسها ينشاف للضيم عينه السلام عليكم ورحمة الله وبركاته اسعد الله صباحك يابوفهد بكل خير بعد تعديل الشطر الاخير من صاحب اللغز لدي رمعتين ،، وش رايك بـ بالساعه وصنقلها اللي يحمل الساعه من جوانبها . والرمعه الثانيه وش تقول بـ ((شوكة الميزان)) اللي تزن بعدلها بين الكفتين وعدم العدل بالميزان يكون الضيم والله اعلم |
اقتباس:
مالك لوا |
اقتباس:
و في كل الرمعات مالك لوا |
اسلام عليكم ورحمة الله وبركاته
ابوفهد لاهنت وش رايك في (( ريشة الدريل )) |
اقتباس:
الله لايهينك يابونجي الرمعه مالك لوا |
صح السان الشاعر الكبير سويلم الصبيحي واعتلا شانه على اللغز الرائع وسلمت يداك اخي العزيز ابا فهد وبشرنا عنك عساك بخير والله اني افرح يوم اشوفك لاعدمناك
وعندي رمعه ياشيخ على الطاير مثل مايقال : رصاصة مسمار الصلب اللي تثبت الوحات بالصبات ولي عوده ان شاءالله رعاكم الله |
اقتباس:
الاخ العزيز المحترم . محمد عبد الله البدراني أسعد الله جميع اوقاتك بالخير والمسرات وصح بدنك يالغالي . ولا أروع ولا أجمل من أخلاقك العالية وعباراتك الجميلة . أمالرمعة مالك لوا |
السلام عليكم ورحمة الله وبركاته
وكل عام وانتم بخير وعافية واعذرونا عن الانقطاع في الفتره الماضيه والجايات احلى ابو فهد صباح الخير انا طال عمرك تابعت جميع الرمعات وفيه رمعة ما احد جاب لها طاري وان شاء الله انها هي الحل وش رايك ( بفتيلة السراج ) ؟ |
ابوفهد سجلني بالخط العريض مع الاخ عشير النشاما
جاب الغايبه اللي عزالله تسقى بالقاز ( فتيلة السراج) ننتظر ردك على رمعة عشير النشاما |
اقتباس:
وعليكم السلام ورحمة الله وبركاته . صح السانك وفكرك ياعشير النشاما وبيض الله جهك . والحل كما تفضلت هي فتيلة السراج , وأشكرك على مرورك ومشاركتك وهذا أعتبره شرف لي: وتقبل أجمل تحياتي وتقديري لشخصك الكريم |
اقتباس:
أخي وعزيزي العطاوي نعم كما تفضلت عشير النشاما انهى اللغز صح السانه وصح السانك وبيض الله وجيهكم يالنشاما . اشكركم وأشكر كل من شارك في الموضوع . القد شرفتموني في زياراتكم وردودكم المميزة . أسأل الله كما جمعنا في هذا المنتدى المبارك أن يجمعنا في جنة النعيم ووالدينا ومن له حق علينا. تحياتي وتقديري للجميع |
لغز رايع بمعنى الكلمه
صح لسان الناقل والكاتب والي حله بيض الله وجيهكم ويستاهل الغز خمس نجوم |
صح بدنك اخوي ابو فهد والحمدلله اللي ذبحناه قبل رمضان
وننتظر المميز من المميز تقبل ازكى تحياتي |
الساعة الآن 09:10 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir