|
مجاراءت للشاعر الكبير عبدالله الوهبي
بسم الله الرحمن الرحيم هذه قصيدة للشاعر الكبير . عبدالله الوهبي ( ابو متعب ) يـامـل قـلــب(ن) مـدمـيـات ٍ ضـروبــه عن حالتي ياهل الهـوى ليـت تـدرون لـوقـيـل حـــب الـبـيـض صـعـبـه دروبــــه والله مالـوم الـلـي عـلـى الـزيـن يشـفـون لـيــه حـبـيـب ٍ صـــار دونـــه صـعـوبـه وشـلـون اشـوفـه مـاقـدر اجـيــه وشـلــون صــــارو هــــل الـنــمــات راس الـعـقـوبــه بــيـــنـــي وبـــيـــنـــه واقـــفـــيـــن يــتــحــاكـــون وان جيت بعض امرار عندي حكوبه يـبـون مـنـي هــرج مــن شـــان يـسـعـون وان قـلــت لـوهــرج ٍ قـلـيـل ٍ مـشـوبـه لـهـم الفـخـر بـالـهـرج مـــن دون قـانــون وصـبــرت يـاهــل الـحــب نـوبــه ونــوبــه وانـبــاح ســـدي ونـكـشـف كـــل مـكـنــون اشـكـي عـلــى الـلــي ماشـقـانـي شـقـوبـه اللـي معـي فـي سكـت الـحـب يمـشـون انــــاخــــوي الـــــــــدرب حــــقـــــي غــــدوبـــــه نــقـــالـــة الـــنـــمـــات يـــالـــلـــي تـــحـــامـــون وهذه مجاراتي لقصيدة ابو متعب .. وهي ليست مجرد الا محاولة فقط والا ابو متعب يتعب من يجاريه فتقبلوها كما اتت يـاروحـي الـلـي بالـعـذاب مغـصـوبـه طال الرجا وانا من الوقت مطعون. ويـاعـيـن لوتبـكـيـن مـانـتـي كـذوبــه تبـكـيـن والـعـشـاق يـاعـيـن يـبـكــون ياعـيـن دوبــه غــاب ياعـيـن دوبـــه وحالت عن وصاله غرابيل وظنـون اذنــب بقـلـبـي جـعــل تـغـفـر ذنـوبــه واسـرف بعقلـن فيـه هايـم ومفـتـون ابـيـه مـيـر الـخــوف كـــان هـرجـوبـه هرجة قفا يركـض بهـا كـل ملسـون قطـعـت عــذاب لـكـل مــن نـاظـروبـه من قابله صاحي رجع منه مجنون هــذا وانـــا قـــد قـلــت لـلـقـاف تـوبــه والشـعـر خليـتـه لـمــن هـــم يـغـنـون لــكــن ابـومـتـعــب كـســبــي مـثــوبــه واعـادنـي للـقـاف بـاحـزان وشـجـون شـاعـر بـحـر دايــم بـشـعـره عـذوبــه وقـصـايـده يهـوونـهـا مـــن يـحـبــون |
صح السانك والسان الشاعر عبدالله الوهبي مجاراه جميله جدّاً دمت بخير وسعاده |
صحت السنتكم والله يـعـطـيـكم الـعـافيـــــــــــة بيض الله وجيهكم |
صح الله السنتكم قصيدة رائعة
ومجاراة اروع لاهنتم |
اقتباس:
القدير . مساعد الجليدي صح بدنك اخي العزيز والاجمل هو مرورك الكريم دمت كما تحب اخي مساعد |
اقتباس:
القدير . الرابح صح بدنك اخي العزيز والله يعافيك ووجهك ابيض تحياتي |
صحــت السنتكــم دمتم برعاية الله وحفظة |
صحت السنتكم وبيض الله وجيهكم على هذا الابداع
|
اقتباس:
الاخت الغاليه . كحيلة حرب صح بدنك أختاه والاروع مرورك العطر شكرآ لك |
لا لا لا مو معقوووووووووووووووووووووووووووووووله يابو راكان
وش هالجزاله وش هالقصيد الاوله الحمد لله ع سلامتك يالوهبي وانت ركن من اركان حرب المهمـه الثانيه كاتب وناقد وشاعر بالله وش خليت لبو مهـا شهادة في الشاعرين مجروحه وصح لسانكم وبيض الله وجهيكم شـاعـر بـحـر دايــم بـشـعـره عـذوبــه وقـصـايـده يهـوونـهـا مـــن يـحـبــون اي والله انه بحر شعر الله يعطيكم العافيه .. |
صحت السنتكم ويعطيكم العافية |
اقتباس:
القدير . ابن غانم فهد سلمه الله صح بدنك اخي الكريم ودمت كما تحب بأذن الله تعالى فـــ شكرآ لك |
اقتباس:
القدير . ابا نوره وصح بدنك اخي العزيز ووجهك ابيض والابداع اتى مع حضورك ابا نوره تحياتي لك |
اقتباس:
هلا ومليون غلا بذيبان مرحبا طلال حياك وبياك اخي العزيز والجزاله انت راعيها والله يسلمك اخوي وصح بدنك وابو متعب شهادتي فيه مجروحه ولكنه حرك اشياء واشياء القدير . طلال الحنيحني تعطر متصفحي بمرورك الكريم وتبقى انت الاخ والصديق الوفي بزمن ندر فيه الصديق الصدوق بيض الله وجهك وجمل الله حالك اخي طلال شكرآ ثم شكرآ لك ايها الوفي |
صحت السنتكم وابداعكم الرائع كلام جميل من الشاعرين الله يعطيكم العافيه / \ |
لله دركم
صـحت السـنتـكم ولاهنتم تقبلو مرووري |
صح لسانك مددبلاعدد قلت واجزلت ومهما كان تعجز الجمل والعبارات عن وصف هذه المجاراة الجزله التي منحتني من خلالها وسام شرف اعتزوافتخربه لاهنت اباراكان ولاعليك زود ولاعدمناك.ومن خلال ذلك اتقدم بجزيل الشكروالتقديرلكل الاخوان الذين تواجدو على هذا المتصفح وكل عام والجميع بخير |
لاهنتم وصح الله السنتكم
تقبلو التقدير والاحترام وفقكم الله |
الساعة الآن 08:39 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir