|
1942..... ابغى اسمها ياهل العقول الفطينه....محلول من قبل علي العبيلان صح لسانه.
السلام عليكم ورحمة الله وبركاته :
إليكم هذا اللغز عسى أن ينال رضاكم.
يـاويـش يـاهـل العـرف بـنـتٍ ثميـنه = بـنـتٍ تـسـاو الـكـل بـالـكـفـتـيـني بـنـتٍ تحـلى بـالـصـفـات الحـسـيـنـه = ما عـنـدها هـو شيـخ ولا دويـني ابغى اسمها ياهل العقول الفـطيـنـه = ولـيـا وصلتـم حـلهـا مـجـمـليــني ....وللجميع تحياتي.... |
اقتباس:
صح السانك يا الصتيمه وشرايك في الكعبه |
الاخ العزيز ابوعبد الله. أسعد الله مساءك بالخير والسرور.
وصح السانك على اللغز الجزل ياراع الجزاله بيض الله وجهك: جاري البحث والمحاوله |
وعليكم السلام ورحمة الله وبركاته :
الأخ صبار المضياني صح الله بدنك ولسانك والرمعه ما لك لوا. ولك تحياتي. |
وعليكم السلام ورحمة الله وبركاته :
ابو فهد أسعد الله جميع أوقاتك بكل الخير والمسرات وصح الله بدنك ولسانك وأشكرك على مرورك المشرف وبنتظارك ورمعاتك الطيبه ولك تحياتي |
اقتباس:
مساء الخير يالصتيمه صح لسانك على هاللغز الجميل والرايع ماقولك في (( كلمة الحق )) تحيتي لك وللجميع |
ابوعبدالله
صح لسانك وبيض الله وجهك وش رايك في (الصلاه) |
رمعه 2
(( التقوى )) ^ ^ كما جاء في حديث نبي الرحمه سيّدالمرسلين والأولين والاَخرين محمد صلى الله عليه وسلم ( كلنا لآدم وآدم من تراب فلا فرق بين عربي وأعجمي إلا بالتقوى ) |
صح لسانك يابوعبدالله على الغز الوافي بيض الله وجهك
وانا شريك ابو ناجي في رمعة (الصلاه) |
السلام عليكم صح لسانك ممكن الشهادة ( لا إله إلا الله محمد رسول الله) |
السلام عليكم ورحمة الله وبركاته :
لأخوه الأعزاء خليجي نت ابو ناجي ابو هليل أسعد الله جميع أوقاتكم بكل الخير والمسرات صح الله أبدانكم وألسنتكم وأشكركم على مروركم المشرف شرفكم الله بالعافيه وجميع الرمعات ما لكم لوا. ولكم تحياتي وتقديري... |
السلام عليكم ورحمة الله وبركاته :
دانة الخليج صح الله لسانك وأشكرك على مرورك المشرف ومحاولتك الطيبه والرمعه ما لك لوا. والسلام.. |
ابو عبدالله
وش رايك في ( الفديه ) او ( كفارة اليمين ) |
السلام عليكم ورحمة الله وبركاته : إليكم هذا اللغز عسى أن ينال رضاكم. يـاويـش يـاهـل العـرف بـنـتٍ ثميـنه = بـنـتٍ تـسـاو الـكـل بـالـكـفـتـيـني بـنـتٍ تحـلى بـالـصـفـات الحـسـيـنـه = ما عـنـدها هـو شيـخ ولا دويـني ابغى اسمها ياهل العقول الفـطيـنـه = ولـيـا وصلتـم حـلهـا مـجـمـليــني ....وللجميع تحياتي.... ================== السلام عليكم ورحمة الله وبركاته, أخي الكريم. ابو عبدالله أسعد الله جميع اوقاتك بالخير والسرور: وش رايك بهالرمعات: الاولى: العدالة: الثانية: الشريعة الاسلامية: الثالثة: القرعة: |
صح لسانك ابوعبدالله
اش رايك ليلة(القدر) |
السلام عليكم ورحمة الله وبركاته :
الأخوه الأعزاء ابو ناجي ابو فهد المزيني عبدالله الوهبي أهلاً بكم وبمروركم المشرف والرمعات ما لكم لوا. ولكم تحياتي وتقديري |
ممكن تكون الحكمة أو الكلمة الطيبة أو البشارة |
وش تقول بالمكينه الي بوسط البنك تعطي ارقام للمراجعين
|
صح لسانك اش رايك
بطاقة الهوية الوطنية |
أو بطاقة الصراف |
السلام عليكم ورحمة الله وبركاته :
دانة الخليج أشكرك على المتابعه والمحاولات الطيبه والرمعات ما لك لوا. ولك تحياتي. |
السلام عليكم ورحمة الله وبركاته :
الأخوه الأعزاء ابو هليل وعبدالله الوهبي أشكركم على مروركم المشرف وكلكم شرف والرمعات ما لكم لوا. ولكم تحياتي وتقديري.. |
السلام عليكم ورحمة الله وبركاته :
دانة الخليج الرمعه الثانيه ما لك لوا. ولك تحياتي.. |
صح لسانك يابو عبدالله وبيض الله وجهك وقد تما تنسيق الغز
جااااااااااااااري التفكييييييييييير |
وشرايك يابو عبدالله بها الرمعات
النيه الامانه الذمه القرعه |
السلام عليكم ورحمة الله وبركاته :
ابو مشاري أهلاً وسهلاً بك وبمرورك المشرف وانت كلك شرف ولك مني الشكر الجزيل على ما قمت به من تنسيق للغز وخيراتك سباقه والرمعات ما لك لوا. ولك تحياتي وتقديري |
السلام عليكم...صح لسانك..
ماهي (الجنسية...) |
السلام عليكم ورحمة الله وبركاته :
الشاعر مازن الغيداني صح بدنك وأهلاً بك وبمرورك المشرف والرمعه ما لك لوا. ولك تحياتي وتقديري.. |
ابوعبدالله
اسعد الله مساك بالرضى والعافيه وش رايك في ( الشهاده في سبيل الله ) |
السلام عليكم ورحمة الله وبركاته
ويش رايك في الجنه |
السلام عليكم ورحمة الله وبركاته :
ابو ناجي أسعدك الله في الدنيا والأخره والرمعه ما لك لوا. ولك تحياتي وتقديري |
وعليكم السلام ورحمة الله وبركاته :
الأخ علي العبيلان أشكرك على مرورك المشرف والرمعه ما لك لوا.. ولك تحياتي وتقديري... |
السلام عليكم
مساكم سعيد - - وش تقول بالحكومة السعودية ممثلةً بقيادتها الحكيمه |
وعليكم السلام ورحمة الله وبركاته :
خليجي نت أهلاً وسهلاً بك وبتشريفك المشرف وانت كلك شرف والرمعه ما لك لوا. ولك تحياتي وتقديري.. |
صباح الخير
وش رايك ب الهدنة..رمعته وانا اصلي.. |
السلام عليكم ورحمة الله وبركاته :
الأخ مازن الله يصبحك بكل الخير والمسرات وعسى الله يتقبل منا ومنك الصلوات ومفروض أنها يوم طرت عليك الرمعه وانت بالصلاه تكون الرمعه بحاجه تخص الدين ويمكن تلقاها فيه وأنا بري والرمعه ما لك لوا, ولك تحياتي وتقديري |
رمعه اخيره صلاة الجنازه
|
يـاويـش يـاهـل العـرف بـنـتٍ ثميـنه = بـنـتٍ تـسـاو الـكـل بـالـكـفـتـيـني بـنـتٍ تحـلى بـالـصـفـات الحـسـيـنـه = ما عـنـدها هـو شيـخ ولا دويـني ابغى اسمها ياهل العقول الفـطيـنـه = ولـيـا وصلتـم حـلهـا مـجـمـليــني (( العباده )) والعباده اسمٌ جامع لكل مايحبه الله ويرضاه من الاقوال والافعال واعتقد ان الكفتين المقصوده هي الاقوال و الافعال صفاتها على كل حال طيبه من طيب راعيها |
السلام عليكم ورحمة الله وبركاته :
الأخوه الأعزاء / ابوهليل وخليجي نت أسعد الله أيامكم ولياليكم بكل الخير والمسرات أشكركم على المحاولات الطيبه والرمعات ما لكم لوا. ولكم تحياتي وتقديري.. |
صباح الخير...
وش رايك بالسجدة.. |
الساعة الآن 11:05 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir