من خاطر رايق وقلب نضيف وصدوق=سلام يابن مريع ياسليل الحشام
يانسل من له على الشيخه عهود وثوق=من عصر ضرب السيوف المرهفه والسهام
انشهد اني على حبل الصداقه شفوق=وبادرتني وانت دايم للاوايل شمام
لنا عليكم حقوق ولك عليه حقوق=حق الصله والزياره وجزل الكلام
لو المشاغل تحد من الوصال وتعوق =ياجعل ماننشغل غير بصيام وقيام
وعلى المشاغل تمثنت جرهدي الطروق=انته بمثني الحجاز اللي عليه السلام
وانا شمالي مميل عنك شطر الشروق=في ديرتن بالبلد مابين شرق وشام
لاكن باذن اللذي يحي بهمل الحقوق=جرد الفيافي بعد مرت بعج وعسام
لاجيك زاير محلك يالكريم الخلوق=من دافع الود يانسل الرجال الكرام

من خاطر يافهد كله محبة وشوق = يامرحبا بالعزيز اللي يرد السلام
حييت ياللي في ميدان الرجولة تفوق =سباق للخير يانسل الرجال الكرام
وانا على معرفة شرواك قلبي يتوق=الطيبة منك جتني يارفيع المقام
ابشر بما يشتهي خاطرك ماتشوف عوق=من قدم الطيبة يشتالها في الختام
انا تشرفت بالعرفة وهز الخفوق= وعدتني بالزيارة وانتظرها قوام
لاتعتذر بالمشاغل ياسليم العقوق= يابادي الطيب تمه بالوفا والتمام
يافهد جتنا علومك كل ابوها تشوق = عنا من الشرق فالواجب تفل الزحام
انت وانا من قبيلة للعهد ماتبوق =عدوكم يمنا فا الغرب ماقط حام
حيث الحمية جرت فالدم بين العروق= تذود عني ونا دونك لبست الحزام
من دافع الود ارحب عد نوض البروق = لازرتنا يافهد نلنا المنى والمرام
افرح بملفاك عندي وارفع الراس فوق = لاصرت انامع وجيه الخير دايم ليام

المشاركة الأصلية كتبت بواسطة فيصل حمود الوافي (المشاركة 1275250) الشيخ الغالي حسين مريع صحت السنتكم وبيض الله وجيهكم لكم تقديري

المشاركة الأصلية كتبت بواسطة (عبدالله الوهبي) (المشاركة 1275323) الشاعرالجزل حسين العبيدي صح لسانك واعتلا شانك وصح لسان الشاعرفهد لاهنتم

المشاركة الأصلية كتبت بواسطة سعد المحمدي (المشاركة 1275569) الشاعر القدير الشيخ/حسين مريع العبيدي صح لسانك وعتلا شانك ودايم عوايدك الجزاله وصح لسان الشاعر فهد قصيده جزله ورد جزل لله دركم تحياتي وتقديري

المشاركة الأصلية كتبت بواسطة الحميدي الحربي (المشاركة 1275672) السلام عليكم ورحمة الله وبركاته سلمت ودمت أخوي الشيخ حسين مريع على القصيدة . . . جزله ورائعه وصح لسانك أخوك ابوساره

المشاركة الأصلية كتبت بواسطة رابح الجحدلي (المشاركة 1275683) تسجيل تواجد في منبر الجزاله صح لساانكـ بيض الله وجهك

المشاركة الأصلية كتبت بواسطة الكنترول (المشاركة 1275693) حرف مميــــــز .. حضور مميــــــز .. واسم مميــــــز صح السانك

المشاركة الأصلية كتبت بواسطة ابوفياض النويمي (المشاركة 1275858) , , , ابن العم الغالي صحت السنتكم وابداعكم الرائع كلام جميل من الشاعرين الله يعطيكم العافيه مع التحيه

[/table1]

---

المشاركة الأصلية كتبت بواسطة عواد الظاهري (المشاركة 1275865) [table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]

[table1="width:65%;background-color:black;border:4px solid orangered;"]

صحت السنتكم دمتم ودام شعركم وبوحكم

[/table1]

المشاركة الأصلية كتبت بواسطة فهد ابن غانم (المشاركة 1275796) صح الله لسانك ولاهنت وسلم فكرك وبنانك دمت برعاية الله وحفظة