عمري ثلاثين ومن الوقت أخذت الدروس=والناس تاخذ تجاربها من أوقاتها
الوقت حده سوات السيف والناس روس=ولاأحد(ن) سلم من شقى بقعى وصكاتها
عمر الشجر لوخضاره طال يرجع يبوس=لوكان من جم نهر النيل مسقاتها
أشوف هذا الزمن كلن يحوس ويدوس=يشقى ويركض ورى الدنيا ولذاتها
واشوف كثرالقماش وزاد فن اللبوس=لكن نص العرب مكشوف عوراتها

اللي تشوفه نشوفه يارهيف الحسوس=يالله دخيلك من الدنيا ولفاتها
الجهل دود التسوس والاوادم ضروس=وان حول السوس فيها تخرب صفاتها
جبت الحقيقه وكن القلب يحذى بموس=وأكثر من الصبر والحنظل مراراتها
الناس تبغى المناصب والرتب والفلوس=لو الضحيه عقيدتها وراياتها
شفت الغلا في النياق وزاد سعر التيوس=ولا العرب كل يوم تقل قيماتها
أرخص بميتين مره من دمي المجوس=ماتنتثمن ونعرف قيمة دياتها
ملت من العيش في الذله عزاز النفوس =متى القيامه بعد طلعت علاماتها
مافيه شي(ن) جميل(ن) يستحق الجلوس=غير المساجد ليا أوحينا صلاواتها

المشاركة الأصلية كتبت بواسطة رابح الجحدلي (المشاركة 1264081) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة فهد ابن غانم (المشاركة 1264084) صحــت السنتكــم دمتم برعاية الله وحفظة

المشاركة الأصلية كتبت بواسطة الجرح (المشاركة 1265633) لاهنتم وصح الله السنتكم تقبلو التقدير والاحترام وفقكم الله

المشاركة الأصلية كتبت بواسطة الهيثم (المشاركة 1265732) صحت السنتكم والله يـعـطـيـكم الـعـافيـــــــــــة بيض الله وجيهكم تحياتي وودي

المشاركة الأصلية كتبت بواسطة عبدالله السفري (المشاركة 1265780) صح الله السانك قصيدة عانقة السماء بجزالتها وأبداعها تحياتي لك