|
تصاريف الدهر
جيت اسأل اللي معايش للدهرفالعسر واللين=ابغي براهين تنبي عن تصاريف الزماني تعبير من عاش فا الدنيا وشاف الزين والشين= وجاب تقريرواضح مثبته شاهد عياني اجابني بالعجل قال استمع للعلم ياحسين = من قبل لابديه ثبتنا دليله بالضماني في وقتنا اللي مضى عشنا وحنا مستقرين=نمشي على خط بين مااحتلفنا فالمعاني حنا قضيانا الحياة الصالحة دنيا مع الدين =ننعم بعيش السعادة ماتشوف اللي يعاني وقت العمل نشتغل وانحانت الراحة مريحين = ووقت الصلوات صلينا الفروض بلاتواني وافراحنا قايمة طول الدهر حنا سعيدين = متبادلين الزيارة فالتعازي والتهاني ايام زلت رغد ماهي حياة الناس هالحين= اليوم يرثى لحالتنا نرىفيها الهواني من عقب جبنا العمالة ماعرفنا المصلحة وين= احد يبي شغلهم واحد يبي له علم ثاني جونا من الغرب جمع وجت من المشرق ملايين= تكاثرت في بلدنا لين ضاق ابها المكاني بعناهم الفيزة الحرة وصاروا هم سلاطين= باعو بها واشتروا فاموالنا سر وعلاني اخذوا جميع المصالح واصبح اغلبنا مساكين = باسمي وباسمك يبيع ويشتري وسط المباني لوكان هذا التصرف مايوافق للقوانين= بيع الفيز والتستر كل من سواه جاني مع مرالايام صارالحل عند اهل البلد دين = البنك يفرض علي الدين وانا له مداني لين اصبح الحال طول ايامنا حنا مدينين= كل مانتهى دين رحنا البنك ناخذ دين ثاني الوضع قاسي ومن جور الدهر ذقنا الامرين = لاجيت اصف المقرر مايجمل فالعواني وحكامنا باذلين جهودهم ماهم شحيحين = لعلهم للبقا حطو معاشات وضماني انعم علينا الاله بحكم حنا له مطيعين= حكم اتسم بالمحبة والعدالة والاماني شرحت لك ماطلبته والعرب ماهم بناسين = كل يعرف الحقيقة ويتسلى بالتماني وليا توقعت للمقبل تشوف اللي مضى زين=اخاف تال الزمن ترجع لتا العشرة ثماني الجو معتم ولاادري وش ورى ماشافت العين=مدري وراها مطرواللا زمان القحط حاني واطلب من الله يديم اللي عدل وزن الموازين =واسلم ومنه حضر واللي سمعها مايهاني |
تسجيل تواجد في منبر الجزاله صح لساانكـ بيض الله وجهك |
لاهنت وصح السانك
تقبل التقدير والاحترام وفقك الله |
الشيخ وابن العم والشاعر الكبير / حسين مريع صح لسانك ولا هي غريبه عليك الجزاله يالغالي الله يعطيك العافيه |
صح لسانك
.. .. أسجل اعجابي بالقصيدة .. ويعطيك العافيه .. |
هلا وغلا بكم جمبعا
صحت ابدانكم وطالت عماركم شكرا وتقديرا لمروركم ولكم تحياتي |
صح الله لسانك ولاهنت وسلم فكرك وبنانك دمت برعاية الله وحفظة |
الشيخ /حسن بن مريع
صح السانك وسلم بيانك قصيدة تحكي الواقع الله يعدلها لاهنت ولاهان منطوقك |
اقتباس:
صج بدنك اشكرك على المرور لكي تقديري |
ياسلام عليك شاعرنا القدير صح لسانك على الابيات الجزله تقبل مروري مع اطيب الامنيات |
السلام عليكم ورحمة الله وبركاته سلمت ودمت أخوي الشاعر حسين مريع العبيدي على القصيدة . . . جزله ورائعه وصح لسانك أخوك ابوساره |
السلام عليكم ورحمة الله وبركاته
الشيخ /حسين بن مريع اسجل اعجابي صح السانك وسلم بيانك قصيدة تحكي الواقع لاهنت ولاهان منطوقك ولك مني خاالص الود والاحترام اخوك ابو عوض |
صح لسانك وسلم بنانك
قصيدة رائعه بروعة حضورك لك تقديري |
لله درك
لله درك لله درك صح لسانك حتى ترضى قصيده في قمة الروعه والجزاله والابداع من شاعر متمكن ومبدع مهما قلت وتكلمت لن اوفي هذه القصيده حقها من اعجابي سجل اعجابي أخوك |
صح لسانك وسلم بنانك وبيض الله وجهك قصيدة في غاية الروعة والجمال الله يعطيك العافيه دمتم بخير |
الساعة الآن 11:14 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir